காகம் எப்படிக் கருப்பானது?

by **சிவா** Tue Mar 09, 2010 1:51 pm

முன் காலத்தில் உலகமெங்கும் பறவைகளும், விலங்குகளும் மகிழ்ச்சியாக வாழ்ந்து வந்தன. அப்போது ஒரு நாள் உலகமெங்கும் திடீரெனத் தாளமுடியாத வெக்கை உண்டானது. அதைத் தொடர்ந்து நெருப்புச் சுவாலைகள் எழுந்தன. இந்தச் சூடு பரவியதைக் கண்டு பறவைகள் கத்தத் தொடங்கின.

கடவுள் உடனே காகத்தினை வரச் சொன்னார். அச்சமற்ற போர் வீரர்களாக அப்போது காகங்கள் இருந்தன. அதுவும் வெண்ணிறக் காக்கைகளாகவே அவை இருந்தன.

''பாதாள உலகில் இரும்பு உருக்குகிறார்கள். அதனாலேயே தீச்சுவாலைகள் எழுகின்றன. அதனை நிறுத்தி விடச் சொல்'' என்றார். காகம் நீண்ட நாள் பயணம் செய்து பாதாள லோகத்தின் இரும்புக்குழாய் உருக்குமிடத்துக்குச் சென்று, கடவுள் கட்டளையைச் சொன்னது. அங்கிருந்த அசுரர்கள் இதைக் கேட்டுச் சிரித்துக் கேலி செய்ததுடன், அதன் மீது இரும்புக் கரித்தூளையும் எடுத்து வீசினார்கள்.

அந்த வெக்கை தாளாமல் காகத்தின் உடம்பெங்கும் கரித்துகள் ஒட்டிக் கொண்டது. அதனாலேயே காகம் தன் அழகிய வெண்ணிறத்தை இழந்து கருமை நிறமாக மாறிப்போனது.

கடவுள், காகம் நிறம் மாறித் திரும்பி வருவதைப் பார்த்துக் கோபம் கொண்டு, இரும்பு உலையைப் பாதாளத்தின் வெகு ஆழத்தில் கொண்டு போய்ப் புதைத்துவிட்டார். அச்சமற்ற காகம் கருப்பாக இப்போதும் தைரியமாகக் கத்தியலைகிறது.

- நாகா இனக் கதை

by mohan-தாஸ் Tue Mar 09, 2010 1:53 pm

தல என்ன இன்று கறுப்பானதை பற்றிய விளக்கம் நிறைய கொடுக்குறிங்க somthing wrong

by **சிவா** Tue Mar 09, 2010 1:55 pm

mohan-தாஸ் wrote:தல என்ன இன்று கறுப்பானதை பற்றிய விளக்கம் நிறைய கொடுக்குறிங்க somthing wrong

குயிலைப் பற்றி எழுதியதற்கு சுதா காகம் ஏன் கருப்பானது எனக் கேட்டார், அதனால்தான் காகத்தைப் பற்றியும் எழுத நேர்ந்தது!

by snehiti Tue Mar 09, 2010 1:56 pm

புதிய தகவல் சிவா அண்ணா நன்றி காகம் எப்படிக் கருப்பானது? 154550

by அ.பாலா Tue Mar 09, 2010 1:57 pm

படைப்பு நல்லாத்தான் இருக்கு...

by **சிவா** Tue Mar 09, 2010 1:58 pm

arulbala wrote:படைப்பு நல்லாத்தான் இருக்கு...

நல்லா இருக்குன்னு சொல்ல வேண்டியதுதானே, அது என்ன நல்லாதான் இருக்கு? காகம் எப்படிக் கருப்பானது? 440806

by சரவணன் Tue Mar 09, 2010 1:59 pm

காக்கா தம்பி, நீங்க எம்.ஜி.ஆர் மாதிரி நல்ல கலரா இருக்கீங்க .
சும்மா தக தக தக தகன்னு மின்ரீங்க.....

by அ.பாலா Tue Mar 09, 2010 2:01 pm

படைப்பு நல்லா தான் இருக்கு...
எழுத்துப் பிழை
தவற்றுக்கு மன்னிக்கவும்

by **சிவா** Tue Mar 09, 2010 2:03 pm

arulbala wrote:படைப்பு நல்லா தான் இருக்கு...
எழுத்துப் பிழை
தவற்றுக்கு மன்னிக்கவும்

அதானே பார்த்தேன், நல்லா இருக்குன்னு சொல்றவரை விடமாட்டோம்ல!

by mohan-தாஸ் Tue Mar 09, 2010 2:04 pm

சிவா wrote:
mohan-தாஸ் wrote:தல என்ன இன்று கறுப்பானதை பற்றிய விளக்கம் நிறைய கொடுக்குறிங்க somthing wrong

குயிலைப் பற்றி எழுதியதற்கு சுதா காகம் ஏன் கருப்பானது எனக் கேட்டார், அதனால்தான் காகத்தைப் பற்றியும் எழுத நேர்ந்தது!

சரி தல நான் கறுப்பாக பிறந்ததிற்கு காரணம் என்ன?..... காகம் எப்படிக் கருப்பானது? 67637

வீட்டில் கேற்க சொல்ல வேண்டாம்