சிடி' போய் 'பென் டிரைவ்'ஆபாச படம் விற்பனை ஜோர்

சிடி' போய் 'பென் டிரைவ்'ஆபாச படம் விற்பனை ஜோர்









"சிடி,' "டிவிடி'க்களில் ஆபாச படங்களை பதிவு செய்து,
சட்ட விரோதமாக விற்பனை செய்பவர்கள், தற்போது, "பென் டிரைவ்'வில் பதிவு செய்து
விற்கத் துவங்கியுள்ளனர்.தமிழகத்தில் ஆபாச படங்களின், "சிடி,' "டிவிடி'களை
வெளிநாடுகளில் இருந்து வரவழைத்து, அதை காப்பி எடுத்து, அனைத்து பகுதிகளுக்கும்
விற்பனை செய்யும் சட்டவிரோத பணியில் ஏராளமான கும்பல்கள் ஈடுபட்டுள்ளன.சமீபகாலமாக,
"சிடி'க்கு பதில், பென் டிரைவ், மெமரி கார்டில் ஆபாச படங்களை பதிவு செய்து,
வாடிக்கையாளர்களுக்கு விற்பனை செய்ய துவங்கியுள்ளனர்.


இளைஞர்கள் சிலர் கூறியதாவது:தற்போது பென் டிரைவை
இணைக்கும் வகையில், "டிவிடி' ப்ளேயர்கள் விற்பனைக்கு வந்து விட்டன. இது, ஆபாச படம்
விற்கும் கும்பலுக்கு வசதியாக உள்ளது. ஆபாச பட விற்பனையாளர்கள், முன் போல
வெளியிடங்களில் இருந்து ஆபாச "சிடி'க்களை வரவழைப்பதில்லை.புதிதாக ஐந்து முதல் பத்து
பென் டிரைவ்களை தொழிலுக்கு முதலீடு செய்யும் விற்பனையாளர்கள், அவற்றை பெரிய மற்றும்
நடுத்தர நகரங்களுக்கு எடுத்துச் செல்கின்றனர். அங்குள்ள சில சென்டர்களில், ஆபாச
படங்களை பென் டிரைவ், மெமரி கார்டுகளில் பதிவு செய்து தங்கள் பகுதிக்கு எடுத்து
வருகின்றனர்.


பின், அவற்றை தங்கள் வாடிக்கையாளர்களுக்கு விற்பனை
செய்கின்றனர். மெமரி கார்டில் உள்ள ஆபாச படங்கள், வாடிக்கையாளர்களிடம் ஒரு ரவுண்ட்
சென்று வந்ததும், அதை அழித்து விட்டு, அதே கார்டில் புதிய ஆபாச படங்களை பதிவு
செய்து விடுகின்றனர்."சிடி'க்களை வாடகைக்கு விடுவதை விட மெமரி கார்டுகளை வாடகைக்கு
விடுவதால், குறைந்த செலவில் அதிக வருமானம் கிடைக்கிறது.குறிப்பாக கல்லூரி
மாணவர்கள், இளைஞர்கள் தான் ஆபாச பட மெமரி கார்டுகளின் முக்கிய வாடிக்கையாளர்களாக
உள்ளனர்.இவ்வாறு அவர்கள் கூறினர்.- நமது சிறப்பு நிருபர் -