வட்டநிலா சுட்டவடு!

**ரிபாஸ்** · **ரிபாஸ்** Mon Mar 08, 2010 5:05 pm

வட்டநிலா சுட்டவடு!
தென்றல்போல்
என்சிந்தை
தீண்ட விழைகிறாள் -வண்ண
மின்னல்போல் விழிவிழுந்து
ஏனோ
ஒளிகிறாள்!

பூமயங்கும் பூவிழிகள்
பேசு கின்றன �அதில்
பூமணமும்
பாமணமும்
வீசு கின்றன!

பூங்காந்தள் விழிசொல்வ
தென்ன
மந்திரம்? �எனை
ஏகாந்தம் சூழ்ந்துக்கொள்ள
என்ன காரணம்?

தென்றலெனத்
தேடிவந்து
தீண்டும் நினைவுகள் -அது
கொண்டவுயிர் கொண்டுபோகும்
காலன்
கயிறுகள்!

கண்ணயர்ந்துத் தூங்கையிலும்
கவிதை சொல்கிறேன்
-நாளும்
உண்ண(அ)மர்ந்து உண்ணாமல்
எழுந்து கொள்கிறேன்!

சிந்தையுற்ற
அன்னையெனை
சினந்து கொள்கிறாள் -கையில்
மந்திரித்தக் கயிறெடுத்து
கட்டி
விடுகிறாள்!

மணிக்கட்டில் கயிறுறுத்த
வெட்டி எறிகிறேன் -அவள்
பொன்கூந்தல்
குழலெடுத்து
கட்டிக் கொள்கிறேன்!

சிந்தையெலாம் உற்றநிலா
தொலைந்து
போனதே -இன்று
அந்தநிலா இன்னொருவன்
சொந்த மானதே!

வட்டநிலா
சுட்டவடு
மறந்து பார்க்கிறேன் -அது
முடிவதில்லை என்றபோது
இறந்து
பார்க்கிறேன்!