தமிழில் அவசியம், அவசியமா?

**சிவா** · **சிவா** Thu Mar 04, 2010 12:58 am

'அவசியம், முக்கியம், அதிகம் ஆகியன வடசொல் எனில் அவற்றுக்கு இணையான தமிழ்ச்சொற்கள் எவை?' என்று கேட்கலாம்.

பிற மொழிச் சொல் ஒன்றுக்கு இணையான தமிழ்ச்சொல் ஒன்றைக் கண்டுபிடித்துவிட்டால், தமிழ்ச்சொல் நிலை பெறும். சில சமயம் அந்தப் பிற மொழிச்சொல் ஒரு புதிய சாயலில் வழங்கினால், இரண்டு சொற்களும் புழக்கத்தை விட்டுப் போவதில்லை.

'அவசியம்' தமிழில் இன்றியமையாமை அல்லது கட்டாயமாகும்; முக்கியம் முதன்மை எனலாம்; அதிகம் கூடுதல், மிகுதி என்று பொருள்படும். ஆனால், தமிழ்ச்சொற்கள்தான் கிடைக்கின்றனவே என்று அவசியத்தை அதிகமென்று விட முடியாத நிலை உளது. எவ்வாறு?

'ஆவஸ்யகம்' என்னும் சமஸ்கிருதச் சொல் அவசியம் என்ற வடசொல்லாகத் தமிழில் வழங்குகிறது. இத் தமிழ் வடிவச் சொல்லுக்குத் 'தேவையானது' என்பது பொருள். 'இன்றியமையாதது' என்றால் இல்லாமல் முடியாதது; மிக அவசியமானது. வீட்டிற்குக் காற்றோட்டம் அவசியம்; மூச்சு விடக் காற்று இன்றியமையாதது. சற்றுப் பொருள் வேறுபடுகிறது அல்லவா?

இது போலவே முதன்மைக்கும் முக்கியத்திற்கும் வேறுபாடு உண்டு. மொழியில் உயிரொலிகள் முதன்மையானவை; ஒலிப்புமுறை முக்கியமானது அல்லவா?

பட்டம் பெறத் தேர்வு எழுத வேண்டியது கட்டாயம்; தேர்வு எழுத நன்கு படிப்பது அவசியம்; தேர்வு எழுத நுழைவுச்சீட்டு இன்றியமையாதது. இவ்வாறு இவை சிறிது சிறிது பொருள் வேறுபடுவதைக் காணலாம். இதனால் அவசியமும் சில சமயம் அவசியமாகி விடுகிறது.

kalaimoon70 · kalaimoon70 Thu Mar 04, 2010 1:03 am

பட்டம் பெறத் தேர்வு எழுத வேண்டியது கட்டாயம்; தேர்வு எழுத நன்கு படிப்பது
அவசியம்; தேர்வு எழுத நுழைவுச்சீட்டு இன்றியமையாதது. இவ்வாறு இவை சிறிது
சிறிது பொருள் வேறுபடுவதைக் காணலாம். இதனால் அவசியமும் சில சமயம்
அவசியமாகி விடுகிறது.

சில சமயம் மாற்றான் தாய் பிள்ளைகளை கொஞ்சவேண்டிய நிலை வரும் அல்லவா அதுபோல தான் அவசியம்
கடன் வாங்கப்படுகிறதோ ?

தமிழில் அவசியம், அவசியமா?

தமிழில் அவசியம், அவசியமா?

Re: தமிழில் அவசியம், அவசியமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக