மரபுப் பா பயிலரங்கம்

by தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

by வழிப்போக்கன் Fri Apr 09, 2010 7:36 pm

காத்திருப்பும் ஒரு தவம்தான், பாப் பயிலும் வரம் பெறக் காத்திருக்கின்றோம், பணிகளை முடித்து வாருங்கள் ஐயா!

by puthuvaipraba Tue Apr 13, 2010 12:52 am

மிக மிக ஆவலோடு எதிர்வரும் பகுதிக்காக காத்திருக்கிறேன்.
புதுவைப்பிரபா

by அப்புகுட்டி Tue Apr 13, 2010 1:39 am

உங்கள் உடலுக்கு ஆரோக்கியம் அள்ளித்தரட்டும் ஆண்டவன் உங்கள் வருகைக்கு ஏங்குது ஈகரை தமிழ்க்களஞ்சியம்.

by தமிழநம்பி Wed Apr 14, 2010 8:00 am

8. தொடை : மோனை – 1.

ஒத்த ஓசை உடைய சீர்களையும் அடிகளையும் ஒன்றாகத் தொடுப்பது தொடை எனப்படும்.

தொடை, பாட்டின் ஓசைக்கும் இனிமைக்கும் இன்றியமையாததாகும்.

மோனை, எதுகை, இயைபு முதலியன ஒத்த ஓசைகள்.

தமிழ் மக்கள் பேச்சில் இடம்பெறும் பழமொழிகளிலும் சொலவடைகளிலும் ஒத்த ஓசைகள் தாமாகவே அமையும்.

மோனை : முதல் சீரின் முதல் எழுத்தோடு அடுத்து வரும் சீர்களில் ஒன்றிலோ பலவற்றிலோ உள்ள முதல் எழுத்து ஒன்றி வருவது மோனை எனப்படும்.

எடுத்துக்காட்டு :

உதட்டில் உறவும் உள்ளத்தில் பகையும்

அழுதாலும் பிள்ளை அவளே பெறவேண்டும்

ஆரும் அடிக்கவில்லை; ஐவிரலும் தீண்டவில்லை;

ஓடுமீன் ஓட உறுமின் வருமளவும்

ஓர் அடியிலுள்ள சீர்களில் முதல் எழுத்து ஒன்றி வருவது சீர்மோனை எனப்படும்.

அடிதோறும் முதலெழுத்து ஒன்றி வருவது அடி மோனை எனப்படும்.

இனி, மோனை அமைய, எந்த எந்த எழுத்துக்கள் எந்த எந்த எழுத்துக்களோடு ஒன்றி வரும் எனபதைப் பார்க்கலாம்.

by **Aathira** Wed Apr 14, 2010 9:49 am

”தொடை நயத்தாலே செய்யுளின் நடை நயம் சிறக்கும்” தொடை இலக்கணத்தில் மோனைத் தொடை பற்றிய பாடம் எளிய முறையில், புரியும்படியாகப் அமைந்து இருக்கிறது ஐயா. மனமார்ந்த நன்றி.. ஐயா... மரபுப் பா பயிலரங்கம் - Page 7 678642

தங்களின் மரபுப்பா பயிலரங்கு கண்டு மகிழ்வுற்றேன்.
மரபுக்கவிதைகளை ஈகரையில் காணும் பேரு தங்கள் வழி கிடைப்பதில் எங்களுக்கு மட்டிலா மகிழ்ச்சி. தங்களின் தமிழ்ப்பணி சிறக்க வாழ்த்துக்கள்.

அன்புடன், கா.ந.கல்யாணசுந்தரம்.

by **சிவா** Fri Apr 16, 2010 6:57 pm

பள்ளியில் கற்க மறுத்து இன்று தங்களால் கற்றுத் தேறுகிறேன் ஐயா! தங்களின் தமிழ் பணிக்கு எங்கள் வாழ்த்துகள்!

by தமிழநம்பி Fri Apr 16, 2010 9:57 pm

9. மோனை – 2.

மோனை அமையும் எழுத்துக்கள்:

அ, ஆ, ஐ, ஒள - ஓரினம்
இ, ஈ, எ, ஏ, யா - ஓரினம்
உ, ஊ, ஒ, ஓ - ஓரினம்

எடுத்துக்காட்டு :
உயிர் எழுத்துக்களில் -

ஐயும் பொய்யும் ஆண்டவன் அறிவான்.
எட்டி பழுத்தென்ன, ஈயாதார் இருந்தென்ன?
ஓட்டைச் சங்கால் ஊத முடியாது.

உயிர்மெய் எழுத்துக்களில் –

(அ, ஆ, ஐ, ஒள)
க, கா, கை, கெள
ச, சா, சை, செள, த, தா, தை, தெள
ந, நா, நை, நெள, ஞ, ஞா
ப, பா, பை, பெள
ம, மா, மை, மெள, வ, வா, வை, வெள

(இ, ஈ, எ, ஏ, யா)
கி, கீ, கெ, கே
சி, சீ, செ, சே, தி, தீ, தெ, தே
நி, நீ, தெ, நே, ஞி, ஞீ, ஞெ, ஞே
பி, பீ, பெ, பே
மி, மீ, மெ, மே, வி, வீ, வெ, வே

(உ, ஊ, ஒ, ஓ)
கு, கூ, கொ, கோ
செ, சூ, சொ. சோ, து,தூ, தொ, தோ
நு, நூ, நொ, நோ
பு, பூ, பொ,போ
மு, மூ, மொ, மோ

மேலே ஒவ்வொரு வரியிலும் உள்ள எழுத்துக்கள் தமக்குள் ஒன்றுக்கொன்று மோனையாக வரும்.
ஒருவரியில் உள்ள எழுத்துக்கு வேறு வரியில் உள்ள எழுத்து மோனையாக வராது.

இந்தப் பட்டியலில்,
த வரிசைக்கு ச வரிசையும்,
ந வரிசைக்கு ஞ வரிசையும்,
ம வரிசைக்கு வ வரிசையும் மோனையாகும் என மேலே குறித்துள்ளதையும் காண்க.

இந்தப் பகுதி மலைப்பை ஏற்படுத்துவதாகவும் குழப்பம் தருவதாகவும் உள்ளதெனக் கவலைப்பட வேண்டா! போகப்போகத் தன்னால் தெளிவாகப் புரிந்துவிடும்.

மோனை அமைப்பது குறித்த ஒரு வெண்பா உள்ளது. அதை நினைவில் கொள்ளுதல் நன்று.
அந்த வெண்பா இதுதான்:

அகரமோடு ஆகாரம் ஐகாரம் ஒளகான்
இகரமோடு ஈகாரம் ஏஎ–உகரமோடு
ஊகாரம் ஓஒ, ஞநமவதச்சகரம்
ஆகாத தல்ல அறி.

அடுத்து, எதுகை பற்றி அறிந்துகொள்ள இருக்கிறோம்.