மரபுப் பா பயிலரங்கம்

தமிழநம்பி · தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

mohan-தாஸ் · mohan-தாஸ் Sat Mar 27, 2010 11:31 pm

சிவா wrote:தமிழை சிறப்புடன் கற்றுத் தேர்ச்சி பெற தங்களின் ஆக்கங்கள் அனைவருக்கும் பெரிது உதவும் என்பதில் ஐயமில்லை! வாழ்க தங்களின் தொண்டு!

தமிழநம்பி · தமிழநம்பி Sat Apr 03, 2010 8:58 am

7.அடி

சீர்களால் அமைந்தது அடி. பாட்டுக்கு உறுப்பாக இருப்பது.

அடி என்பதும் வரி என்பதும் ஒன்றன்று.

ஓர் அடியை இரண்டு வரிகளாகவோ பல வரிகளாகவோ எழுதலாம்.

சீர்களின் எண்ணிக்கையை வைத்து, அடிகளுக்குப் பெயர்கள் இடப்பட்டுள்ளன.

இரண்டு சீர் கொண்ட அடி - குறளடி

முச்சீர்(மூன்று சீர்) அடி - சிந்தடி

நாற்சீரடி - அளவடி

ஐஞ்சீர் அடி - நெடிலடி

ஐந்துக்கும்மேற்பட்ட சீர் கொண்ட அடி - கழிநெடிலடி

எடுத்துக்காட்டு : 1.குறளடிப் பாடல்:

என்றும் இளமை

குன்றா தொளிரும்

பொன்றா இனிமை

துன்றும் தமிழே!

2. சிந்தடிப் பாடல் :

நாட்டிற் பிறந்த நாள்முதலாய்

வேட்ட பொழுதில் விரைந்தெனக்குப்

பாட்டும் உரையும் பாலமிழ்தாய்

ஊட்டும் தமிழே உயிரன்னாய்!

3. அளவடி (ஓர் அடி மட்டும்) :

நெல்லுக் கிறைத்தநீர் வாய்க்கால் வழியோடி

4. நெடிலடி (ஓர் அடி மட்டும்) :

முன்னைப் பழமை மொழிக்கெல்லாம் முன்வந்த மூத்தவளே

5. கழிநெடிலடி (அறு சீர் - ஓர் அடி மட்டும்) :

உலகிடை மொழிக ளெல்லாம்

...............உயர்தமிழ்க் கிணைய வாமோ?

அடுத்ததாகத் தொடை பற்றித் தெரிந்து கொள்வோம்.

தொடை பற்றி அறிந்து கொண்டதும், ஒருவகைப் பாடல் எழுதப் பயில இருக்கிறோம்.

**சிவா** · **சிவா** Sat Apr 03, 2010 10:07 am

நன்றி! மதிப்பிற்குரிய ஐயா அவர்களுக்கு!

**Aathira** · **Aathira** Sat Apr 03, 2010 11:28 am

சிவா wrote:நன்றி! மதிப்பிற்குரிய ஐயா அவர்களுக்கு!

மிக்க நன்றி ஐயா, மரபுப் பா பயிலரங்கம் - Page 6 154550

kalaimoon70 · kalaimoon70 Sat Apr 03, 2010 11:29 am

உங்கள் தமிழ்த்தொண்டு வளரட்டும்!
நீங்கள் தரும் பாடத்தால் பிழைகள் மறையட்டும்.
புதிய தமிழ் சமுதாயம் உருவாகட்டும்,
ஈகரை இதற்க்கு துணைப் புரியட்டும் !
அருமை உங்கள் பாடங்கள்.

வழிப்போக்கன் · 18/02/2010

மிக்க நன்றி ஐயா தொடருங்கள் கற்பதற்குக் காத்திருக்கின்றோம்.

நிஷா · நிஷா Sun Apr 04, 2010 4:54 am

மிக்க நன்றி ஐயா தொடருங்கள் கற்பதற்குக் காத்திருக்கின்றோம்.

தமிழநம்பி · தமிழநம்பி Fri Apr 09, 2010 5:53 pm

அன்பார்ந்த தமிழ் நெஞ்சங்களுக்கு,

பயிலரங்கின் அடுத்த பகுதி அடுத்த கிழமை(வாரம்) இடம் பெறும்.

பணி அழுத்தம் காரணமாகக் கொஞ்சம் காலத் தாழ்த்தம்.

பொறுத்துக்கொள்க.

அன்பன்,

தமிழநம்பி.

kalaimoon70 · kalaimoon70 Fri Apr 09, 2010 5:59 pm

மிக்க நன்றி ஐயா ! .உங்கள் பணி முடிந்த பின் தொடருங்கள்.

**Aathira** · **Aathira** Fri Apr 09, 2010 6:03 pm

மிக்க நன்றி ஐயா ! .உங்கள் பணி முடிந்த பின் தொடருங்கள். காத்திருக்கின்றோம். மரபுப் பா பயிலரங்கம் - Page 6 678642

Sponsored content · Sponsored content

மரபுப் பா பயிலரங்கம்

மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக