மரபுப் பா பயிலரங்கம்

by தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

by தமிழநம்பி Wed Feb 02, 2011 7:12 am

nandhtiha wrote:மிக்க
நன்றி ஐயா

குறுமுனியும் காப்பியனும் குன்றெறிந்த செவ்வேள்
முறுவலோ டென்முன்னே நின்றனரோ என்னென்பேன்
நறுந்தமிழ நம்பியை நான்

என்றும்
மாறா அன்புடன்

நந்திதா

ஈழத்தை, இயற்கையை, எழுச்சியை, சமன்மையை, தமிழை, ஒடுக்குமுறைக்கு எதிர்ப்பைப் பாட்டாக்குங்கள். அதுவே மகிழ்வளிக்கும். என்னென்பேன் நறுந்தமிழ - காய் முன் நேர் வருமாறு மாற்றுங்கள். ; நல்ல முயற்சி! தொடர்ந்து எழுதுங்கள்.

by தமிழநம்பி Wed Feb 02, 2011 7:27 am

Yaadhumanaval wrote:வணக்கம் அய்யா,
தங்கள் நலன் காக்க!

திருத்தமும் அதைத் தொடர்ந்து இன்னொரு முயற்சியும் கொடுத்துள்ளேன்

உட்புறத்து நோக்கமெல்லாம் ஊசியபாழ் எண்ணமுடன்
கட்டுகிறான் நீட்டுகிறான் காவியுடை தீர்த்தநீர்
வெட்கந் தனைக்களைந்தான் பார்.
----------------
பகைவிலக்கி ஓர்குலமாய் பாரிலுள்ளோர் வாழ்ந்திட
வகைசெய்து பாங்குடனே வேண்டும்வளம் பெற்றிட
நகையுடனே நற்காரியம் செய்.

அன்புடன்
யாதுமானவள்

வாழ்ந்திட வகைசெய்து - விளம் முன் நிரை வருகிறது. வேண்டும்வளம் – தேமாங்கனிச்சீர். வெண்பாவில் கனிச்சீரே வரக்கூடாது.
பெற்றிட நகையுடனே - விளம் முன் நிரையாக உள்ளது.
நல்ல முயற்சியே! மீண்டும் ஒருமுறை சரிபார்த்தால் இவற்றை நீங்களே சரிசெய்ய முடியும்.
நான் திருத்திய வாறு...

பகைவிலக்கி ஓர்குலமாய் பாரிலுள்ளோர் வாழ
வகைசெய்து பாங்குடனே வேண்டுவளம் பெற்றே
நகையுடனே நற்செயல் செய்.

தொடர்ந்து எழுதுங்கள். எழுதஎழுதப் பிழையின்றித் தானே அமையும்.

by தமிழநம்பி Wed Feb 02, 2011 7:33 am

கிரி, எங்கே இருக்கிறீர்கள்?

by nandhtiha Wed Feb 02, 2011 7:39 am

மிக்க
நன்றி ஐயா

குறுமுனியும் காப்பியனும் குன்றெறிந்த செவ்வேள்
முறுவலோ டென்முன்னே நின்றனரே என்பேன்
நறுந்தமிழ நம்பியை நான்

என்றும்
மாறா அன்புடன்

நந்திதா

by தமிழநம்பி Wed Feb 02, 2011 7:47 am

nandhtiha wrote:மிக்க
நன்றி ஐயா

குறுமுனியும் காப்பியனும் குன்றெறிந்த செவ்வேள்
முறுவலோ டென்முன்னே நின்றனரே என்பேன்
நறுந்தமிழ நம்பியை நான்

என்றும்
மாறா அன்புடன்

நந்திதா

அருமை! தொடர்ந்து நான் குறித்திருந்த தலைப்புகளில் எழுதுங்கள். நன்றி.

by குணமதி Wed Feb 02, 2011 8:44 am

ஐயா,

வணக்கம்.

என் இன்னிசைச் சிந்தியல் வெண்பாக்கள் மூன்றையும் கீழே தருகிறேன். சரியாக உள்ளனவா என்று அறியத்தருமாறு கேட்டுக்கொள்கின்றேன்.

முதல்வகை

யாதுமா னாரும் எழுமீழ நாடன்றி

ஏதும் பெரிதெண்ணா எம்நந்தி தாவும்

கோதுதவிர் பாத்தந்தார் கொள்.

இரண்டாம் வகை

இங்கிருவர் சிந்தியல் இன்னிசைப் பாத்தந்தார்

எங்களை ஊக்கி எழுதவைத் தாரே

நந்திதா யாதுமானார் நன்கு.

மூன்றாம் வகை

நற்றமிழ்ப்பா யாத்தல் நமக்கு மகிழ்வளிக்கும்

எண்ணும் கருத்தை எடுத்துரைக்க வாய்ப்பளிக்கும்

ஏழ்ச்சிக்கே ஏதாம் இயம்பு.

by nandhtiha Wed Feb 02, 2011 9:17 am

ஐயா
வணக்கம்

தமிழால் பிழைப்பாருண்டு. தமிழை வாழ்வித்தார் வையத்தில் சிலரே

ஆசானைப் போற்றுதல் அருங்கடனல்லவா. ஆகவே எழுதினேன்,

வெள்ளத் தகப்படும் வெறுந்துரும் பெனவேயென்
உள்ள மொடுங்குவதை ஓர்ந்திடுவீர் – தெள்ளத்
தெளிய செழுந்தமிழை கற்பிப்பார் யாரோ
எளியாட் குரைத்திடுவீ ரின்று?

என்றும்
மாறா அன்புடன்

நந்திதா

by **kirikasan** Wed Feb 02, 2011 12:48 pm

ஐயா காலைவணக்கம்!
(உண்மையைக் கூறுகிறேன்)

எல்லாம் பார்த்துக் கொண்டு இருக்கிறேன். ஆனால் எழுத முடியவில்லை. இன்று ஒரு நீண்டதூரப் பயணம். எனக்கு நீண்டதூரப்பயணம் என்றாலே ஒத்துக் கொள்ளாது.
(உடல் நிலை அப்படி) இதை எப்படி சமாளிக்கபோகிறேன் என்று
மனம் இரண்டுநாளாக நல்ல நிலையிலில்லை. முயற்சித்தும் முடியவில்லை.இன்று மாலை திரும்பிவந்ததும் மனம் மகிழும். அப்போது கவி பிறக்கும் அதுவரை மன்னித்து கொள்ளுங்கள். வருவேன் இன்று எப்படியும்!
அன்புடன் கிரிகாசன்

by **kirikasan** Wed Feb 02, 2011 1:10 pm

ஐயா, இப்போது முடிந்தது இந்த இரண்டுதான்

விண்ணும் விரிவானும் வேகுவெயில் மாகுளிரும்
எண்ணும் மனதெட்டா ஏகஇருள் ஊடொளியும்
வண்ணம் படைத்தவளே சக்தி

நில்லெனவும் போவென்றும் நெஞ்சுள் கிடந்தென்னை
சொல்லாமல் சற்றே சும்மா இருக்கவிடு
தொல்லையேன் சக்தியே சொல்

அன்புடன் கிரிகாசன்

திருத்தம்
நில்லெனவும் போவென்றும் நெஞ்சுள் கிடந்தென்னை
சொல்லாமல் சற்றேனும் சும்மா இருக்கவிடும்
செய்குவாய் சக்தியே செய்

by தமிழநம்பி Wed Feb 02, 2011 10:11 pm

குணமதி wrote:ஐயா,

வணக்கம்.

என் இன்னிசைச் சிந்தியல் வெண்பாக்கள் மூன்றையும் கீழே தருகிறேன். சரியாக உள்ளனவா என்று அறியத்தருமாறு கேட்டுக்கொள்கின்றேன்.

முதல்வகை

யாதுமா னாரும் எழுமீழ நாடன்றி

ஏதும் பெரிதெண்ணா எம்நந்தி தாவும்

கோதுதவிர் பாத்தந்தார் கொள்.

இரண்டாம் வகை

இங்கிருவர் சிந்தியல் இன்னிசைப் பாத்தந்தார்

எங்களை ஊக்கி எழுதவைத் தாரே

நந்திதா யாதுமானார் நன்கு.

மூன்றாம் வகை

நற்றமிழ்ப்பா யாத்தல் நமக்கு மகிழ்வளிக்கும்

எண்ணும் கருத்தை எடுத்துரைக்க வாய்ப்பளிக்கும்

ஏழ்ச்சிக்கே ஏதாம் இயம்பு.

அருமை!
மூன்று பாடல்களை அழகாக எழுதி மற்ற இருவரையும் பாராட்டி இருக்கிறீர்கள்.
முதல்பாடலில் -
தாவும் கோதுதவிர் - மா முன் நேர் வருகிறது.
இப்பாடலை -
யாதுமா னாரும் எழுமீழ நாடன்றி
ஏதும் பெரிதெண்ணா எம்நந்தி தாதானும்
கோதுதவிர் பாத்தந்தார் கொள். –-- இப்படியும் திருத்தலாம்.

இரண்டாம் பாடலில் –
தாரே நந்திதா – இங்கும் மா முன் நேர் வருகிறது.

இப்பாடலை -
இங்கிருவர் சிந்தியல் இன்னிசைப் பாத்தந்தார்
எங்களை ஊக்கி எழுதிடச் செய்தாரே
நந்திதா யாதுமானார் நன்கு. --- இப்படியும் திருத்தலாம்.

மூன்றாம் பாடல் சரியாக அமைந்துள்ளது.
பாராட்டு. தொடர்ந்து எழுதுக.