மரபுப் பா பயிலரங்கம்

by தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

by **ராஜா** Wed Nov 10, 2010 3:29 pm

தமிழ் ஆசான் வழியில் , எமது ஈகரை கவிஞர்கள் அணி தொடர்வது காண்பதற்கு மகிழ்ச்சியாக இருக்கிறது , மரபுப் பா பயிலரங்கம் - Page 32 678642

by தமிழநம்பி Wed Nov 10, 2010 3:32 pm

kirikasan wrote:அன்புடன் ஐயா
மூன்றாவது குறள் வெண்பாவில் பிழையிருக்குமோ எனவஞ்சி
இதை தருகிறேன். பிழை இருப்பின் களைந்திட உதவுங்கள்.
நன்றி!

வானத்து நீர்வைய வெம்மை களைந்தன்ன
ஊனத் துயராற்று மன்பு.

கிரிகாசன்

நீங்கள் முனபு எழுதிய மூன்றாம் குறள் சிறப்பு என முன்பே குறிப்பிட்டுள்ளேன். இந்தக் குறளும் சிறப்பாக உள்ளது.

by தமிழநம்பி Wed Nov 10, 2010 3:39 pm

ராஜா wrote:தமிழ் ஆசான் வழியில் , எமது ஈகரை கவிஞர்கள் அணி தொடர்வது காண்பதற்கு மகிழ்ச்சியாக இருக்கிறது ,

ஆம். உண்மையில் தமிழ் பயில்தலும் பயிற்றுவித்தலும் மகிழ்ச்சியளிக்கும் செயல்களாகும். ஈகரையின் மற்ற அன்பர்களும் பயிலரங்கில் கலந்துகொண்டால் இன்னும் மகிழ்ச்சியாக இருக்கும். நான் தொழிலால் ஒரு தொலைத்தொடர்புப் பொறியாளன் தான். தக்க தமிழறிஞர்களின் தொடர்பாலும் தமிழின் மீதுள்ள பற்றாலும் ஈடுபாடு கொண்டு தமிழ் படித்தேன். நன்றி இராஜா!

by தமிழநம்பி Wed Nov 10, 2010 3:47 pm

Thanjaavooraan wrote:

அன்புத் தோழரே, தமிழில் எழுதிக்காட்டுங்கள் பார்க்கவும் படிக்கவும் மகிழ்வளிக்கும். மனமார்ந்த நன்றி.

by **kirikasan** Wed Nov 10, 2010 3:47 pm

நன்றி ஐயா,
சரியாகப் பயின்றதையிட்டு பெருமகிழ்வு கொள்கிறேன்

காணும் மனம்செய் களிநடம் தோகைமயில்
நாணும் எழில்கொண்ட தாம்

கிரிகாசன்

by தமிழநம்பி Wed Nov 10, 2010 3:50 pm

kirikasan wrote:நன்றி ஐயா,
சரியாகப் பயின்றதையிட்டு பெருமகிழ்வு கொள்கிறேன்

காணும் மனம்செய் களிநடம் தோகைமயில்
நாணும் எழில்கொண்ட தாம்

கிரிகாசன்

அருமை, கிரி. தொடர்ந்து எழுதிப் பழகுங்கள்.

by nandhtiha Wed Nov 10, 2010 4:46 pm

வணக்கம்
தமிழாசான் ஐயா அவர்கட்கும் மற்றுமுள்ள அன்பர்களுக்கும் வணக்கம்

முத்திக்கு வித்தாம் முதநூல்க ளெல்லாமெம்
தித்திக்கும் செந்தமிழில் தான்

என்றும் மாறா அன்புடன்
நந்திதா

by தமிழநம்பி Wed Nov 10, 2010 10:39 pm

nandhtiha wrote:வணக்கம்
தமிழாசான் ஐயா அவர்கட்கும் மற்றுமுள்ள அன்பர்களுக்கும் வணக்கம்

முத்திக்கு வித்தாம் முதநூல்க ளெல்லாமெம்
தித்திக்கும் செந்தமிழில் தான்

என்றும் மாறா அன்புடன்
நந்திதா

முதன்முதலில் பயிலரங்கில் எழுதும் பாவாக, சரியாகக் குறள் ஒன்றை எழுதியுள்ள நந்திதாவுக்குப் பாராட்டு! ( 'திண்ணை'யில் பாடலைப் பார்த்தேன்; மிக்க மகிழ்ச்சி. ஒரே ஒரு திருத்தம் 'செயிரறு ஆட்சி' என்று இடையின ரகரம் வரவண்டும்; சிறப்பாகப் பாடலில் பின்னூட்ட மிட்டமைக்குப் பாராட்டும் நன்றியும்!)

by படுகை Wed Nov 10, 2010 10:59 pm

தமிழநம்பி wrote:எழுத்து இதைவிடப் பெரிதாகத் தெரிய என்ன செய்ய வேண்டும் என்று யாரேனும் விளக்கி உதவும்படிக் கேட்டுக் கொள்கின்றேன்.

எழுத்து

Code:: [size=24]எழுத்து[/size]

இங்கு எழுத்துருவின் அகலம் 5 -ஆக பிரித்துக் கொடுக்கப்பட்டுள்ளது, அதில் நீங்கள் பெரு அகலமான 24 யே தேர்வு செய்துள்ளீர். இதற்கும் மேல் பெரியதாக தெரிய வேண்டும் என்றால், அது நமது சைட் அட்மினால் மட்டுமே வலைப்பக்கத்தின் பின்பக்கம் சென்று மாற்றி அமைக்க முடியும்.

by படுகை Wed Nov 10, 2010 11:14 pm

முன் பதிவுக்கு மன்னிக்கவும். அவசரப்பட்டு தட்டிவிட்டுட்டேன்.

தமிழை மீண்டும் நினைவில் கொள்ள ஆசை! ,

ஆனால், நேரமின்மையால், பின்வரும் காலத்தில் உங்களுடன் இணைந்து கொள்கிறேன்.