மரபுப் பா பயிலரங்கம்

by தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

by வழிப்போக்கன் Sat Mar 13, 2010 5:12 pm

அருமை ஐயா எளிமையான வகையில் சொல்லித் தருகின்றீர்கள், சீர் பற்றி அறியும் ஆவலில் உள்ளேன்.

ஏற்கனவே ஒட்டியுள்ள மரபுப் பா பயிலரங்கம் எனும் தலைப்பின்கீழ் தொடர்ந்தும் பதிந்திடின் கூடுதல் வசதியாக இருக்கும் மரபுப் பா பயிலரங்கம் - Page 4 678642

http://www.eegarai.net/-f2/-t22654.htm

by தமிழநம்பி Tue Mar 16, 2010 8:44 am

நீங்கள் சொல்வது சரிதான்.

எனக்கு இரண்டு பகுதியையும் ஒருங்கிணைப்பது எப்படி என்று தெரியாததால், சிவா அவர்களை ஓரிழையில் அமைக்குமாறு கேட்டிருக்கிறேன்.

விரைவில் இரண்டையும் ஒன்றாக இணைப்பார்கள்.

நன்றி.

by **சிவா** Tue Mar 16, 2010 8:47 am

தமிழநம்பி wrote:நீங்கள் சொல்வது சரிதான்.

எனக்கு இரண்டு பகுதியையும் ஒருங்கிணைப்பது எப்படி என்று தெரியாததால், சிவா அவர்களை ஓரிழையில் அமைக்குமாறு கேட்டிருக்கிறேன்.

விரைவில் இரண்டையும் ஒன்றாக இணைப்பார்கள்.

நன்றி.

திரு தமிழ நம்பி அவர்களுக்கு இனிய காலை வணக்கம்!

தாமதத்திற்கு மன்னிக்கவும்! இப்பொழுது அனைத்தையும் ஒன்றாக இணைத்துவிட்டேன்!!!

by தமிழநம்பி Tue Mar 16, 2010 8:49 am

வணக்கம் ஐயா,

நன்றி.

by **சிவா** Tue Mar 16, 2010 8:52 am

தமிழநம்பி wrote:வணக்கம் ஐயா,

நன்றி.

தாங்கள் என்னை சிவா என்றே அழைக்கலாம்! (இன்னும் பொடியன் தானே) நாங்கள் தான் தங்களை ஐயா என அழைக்க வேண்டும்!

by தமிழநம்பி Tue Mar 16, 2010 8:56 am

4. சீர்.

அசை என்ற தலைப்பில் நேர் அசை, நிரை அசை பற்றித் தெரிந்து கொண்டோம்.
அசையால் ஆனது சீர்.

(அ) இயற்சீர் அல்லது ஈரசைச்சீர்

இரண்டு அசைகளால் ஆன சீர், ஈரசைச்சீர் என்றும் இயற்சீர் என்றும் கூறப்படும்.

ஈரசைச் சீர் -------------- வாய்பாடு -------- எடுத்துக்காட்டு

நேர் நேர் ---------------- தேமா ----------- வானம்

நிரை நேர் --------------- புளிமா ---------- அறிவார்

நேர் நிரை --------------- கூவிளம் ---------- நாலடி

நிரை நிரை ---------------- கருவிளம். --------- பழம்கொடு

புரிகிறதா?

தேமா என்பதில் தே என்ற நெடிலும் மா என்ற நெடிலும் உள்ளன.
நெடில் எழுத்து நேர் அசை என்று படித்தோமல்லவா?
தேமா என்று இரண்டு நேர்அசை அடுத்தடுத்து வந்ததால்
நேர்நேர்.

எடுத்துக்காட்டு வானம் என்பதில் –
வா – தனி நெடில் > நேர் அசை.
னம் – தனிக்குறில் ஒற்று > நேர் அசை.
எனவே, வானம் – நேர் நேர்

இவ்வாறே மற்ற மூன்றும் வரும்.
ஐயமாக இருந்தால் கேளுங்கள்.

அடுத்ததாக மூவசைச் சீர் பற்றித் தெரிந்து கொள்வோம்.