"வெற்றி"

by vijisuthan Tue Mar 02, 2010 10:27 pm

வெற்றி!.

"எண்ணம் எண்ணம் உயர்வாய் எண்ணம் –
கொண்டால் வெற்றி பெறுவது திண்ணம்!
உன்னை நீயே அறிந்து கொண்டால்
விரைந்து பெறலாம் வெற்றிக் கிண்ணம்!.

உள்ளில் இருக்கும் கள்ளம் அகற்றி
கொள்வாய் உந்தன் பக்கம் வெற்றி!
விழிகள் திறந்து உன்னைச் சுற்றி
நடப்பது தெளிந்தால் நாளும் வெற்றி!

எதுவிங்கு வெற்றி தெரிந்தவர் இல்லை
தன்னை உணர்தலே வெற்றியின் எல்லை
பொய்மை என்னும் போர்வை அகற்றி
உண்மை நெறியினில் செல்வது வெற்றி

அடுத்தவர் முதுகில் ஏறிச் சவாரி
செய்வது அல்ல வாழ்வில் வெற்றி!
அடுத்தவர் கண்ணீர் துடைக்க நீளும்
விரல்கள் கொள்வதே உண்மை வெற்றி!

சொல்லிலும் செயலிலும் நன்றே உரைத்து
அடையும் வெற்றி உனக்கே உரித்து!.
நல்லோர் என்று உலகம் போற்றும்
அதுவே என்றும் மாறா வெற்றி!.

by **சிவா** Tue Mar 02, 2010 10:36 pm

vijisuthan wrote:வெற்றி!.

அடுத்தவர் முதுகில் ஏறிச் சவாரி
செய்வது அல்ல வாழ்வில் வெற்றி!
அடுத்தவர்
கண்ணீர் துடைக்க நீளும்
விரல்கள் கொள்வதே உண்மை வெற்றி!

மிகவும் அருமை விஜி!