ஆபரேசன் செய்ய வேண்டிய முக்கிய நோய்கள்

ஆபரேசன் மூலம் பல நோய்களை முழுமையாக குணமளிக்க முடியும். உதாரணம் குடல் இறக்கம் (Herina), மூலம் (Piles), விரைவாதம் (Hydrocele), ஆபரேசனைத் தள்ளிப் போடுவதினால் எந்தப் பலனும் இல்லை. காலம் கடத்துவதால் வேறு சில நோய்கள் தோன்றி ஆபரேசனுக்குத் தகுதியற்ற நிலை ஏற்படும்.

ஆபரேசன் செய்ய வேண்டிய முக்கிய நோய்கள்:

1) பித்த நீர்ப்பையில் கற்கள்: வயதான காலத்தில் முக்கியமாகப் பெண்களுக்குத் தொல்லைகள் எதுவு மில்லாமல் பித்த நீர்ப்பையில் கற்கள் இருக்கும். சில சமயங்களில் இக் கல்லினால் வயிற்றின் வலதுபுறத்தில் வலி ஏற்படலாம். இதனால் காமாலை நோயும் வரலாம். ஆகையால் இந்நோய் உள்ளவர்கள் அவசியமாக ஆபரேசன் செய்துகொள்ள வேண்டும்.

2) ப்ராஸ்டேட் சுரப்பி வீக்கம்: இச் சுரப்பி ஆண்களுக்கு மட்டுமே சிறுநீர்ப் பையில் இருக்கும். சுமார் 50 வயதைக் கடந்தவர்களுக்கு இச்சுரப்பி நாளுக்கு நாள் பெரிதாகிக் கொண்டே போகும். அதனால் அடிக்கடி சிறுநீர் கழிக்க வேண்டி இருக்கும் சில சமயங்களில் சிறுநீர் செல்ல முடியாமல் அடைப்பு ஏற்படுவதுண்டு. இதை மருந்தினால் குணப்படுத்த முடியாது. ஆபரேசன் மூலமே குணமளிக்க முடியும். சிகிச்சை முறையும் மிக எளிதாகும். அதாவது ஆண்குறி வழியாகத் தகுந்த கருவியைச் செலுத்தி அச்சுரப்பியை எடுத்து விடுவார்கள். இந்த ஆபரேஷனை செய்து கொள்ள வயது வரம்பு ஏதுமில்லை. 90 வயது முதியவர்கூட இந்த அறுவை சிகிச்சையின் மூலம் முழுப் பலனை அடையலாம்.

3) குடல் அடைப்பு: சிறுகுடல் அல்லது பெருங் குடலில் திடீரென்று அடைப்பு ஏற்படலாம். இதனால் வயிற்றில் திடீரென்று வலி ஏற்படும். வாந்தியும் உண்டாகும். காற்று, மலம் வெளியேறாமல் மிகவும் சிரமம் உண்டாகும். இதற்கு என்ன காரணம் என்று கண்டறிந்து, அதற்கு தக்க அறுவை சிகிச்சை செய்து கொண்டு நலம் பெறலாம்.

4) எலும்பு முறிவு: எலும்புகள் பல வீனமடைவதாலும், வயதானவர்கள் அடிக்கடி கீழே விழுவதினாலும் எலும்புமுறிவு ஏற்பட வாய்ப்பு அதிகமாகிறது. இடுப்பு, மணிக்கட்டு, முதுகெலும்பு முறிவுகள் அதிகமாக ஏற்படும். நவீன அறுவை சிகிச்சையினால் எலும்பு முறிவை எளிதில் குணப்படுத்த முடியும். இடுப்பு எலும்பு முறிந்தால் செயற்கை எலும்பைப் பொருத்தி வியக்கும் வகையில், மிக விரைவில் தனியாகவே எழுந்து நடமாடச் செய்ய முடியும். இந்த சிகிச்சை முறைக்கு வயது வரம்பு இல்லை.

மயக்கம் கொடுத்தல்: ஆபரேசன் செய்ய மயக்க மருந்து கொடுப்பது மிகவும் அவசியமானதாகும். இத்துறையில் சிறப்பு பயிற்சிப் பெற்ற டாக்டரே இதை செய்வார். இவர் முதியவரை நன்கு பரிசோதனை செய்து அவர் மயக்க மருந்தை கொடுக்கத் தகுதியுள்ளவரா? என்று முடிவு செய்வார். அதற்குப் பின்பு தான் அறுவைச் சிகிச்சைக்குத் தயார்படுத்துவார். ஒரு ஆபரேசனின் வெற்றி, மயக்க மருந்து தரும் திறமையான டாக்டரைப் பொருத்தே அமையு மென்றால் அது மிகையாகாது. ஆபரேசன் சிறிதாகவோ அல்லது பெரிதாகவோ இருக்கலாம். ஆனால் மயக்க மருந்து எல்லாவற்றுக்கும் ஒன்றுதான்.