அதிசயங்களும் அற்புத தூதர்களும்.....

by snehiti Tue Mar 02, 2010 10:01 am

அதிசயங்களும் அற்புத தூதர்களும்..... றைந்து போன நாகரீகங்களையும், புதைந்து
கிடக்கும் செல்வங்களையும் கண்டுபிடிக்க பல மிருகங்கள் உதவுகின்றன. இவைகள்
உண்மையில் மிருகங்களா அல்லது இறந்து போனவர்கள் பிராணிகளாகப் பிறந்து நம்மை
அங்கு அழைத்துச் சென்று காட்டுகிறார்களா என்று புரியவில்லை. அல்லது இறைவன்
அனுப்பும் தூதர்களோ என்னவோ!

*பாஞ்சாலக்குறிச்சி:
*வீரபாண்டிய கட்டபொம்மனின் பாஞ்சாலங்குறிச்சி கோட்டையை நிறுவ ஒரு முயல்
காரணமாகிறது. மன்னன் வேட்டையாடச் சென்றபொழுது, ஒரு முயலை வேட்டை நாய்கள்
விரட்டிச் சென்றன. ஒரு குறிப்பிட்ட இடத்தை அடைந்தவுடன் அந்த முயல் வீறு கொண்டு
எழுந்து நாய்களை விரட்டத்தொடங்கியது. அந்த இடத்து மண்ணின் வீரத்தன்மையை உணர்ந்த
மன்னன் அங்கே கோட்டை கட்டினான்.

*அஜந்தா:
*வெள்ளைக்காரர்கள் வேட்டையாடச் சென்றபொழுது ஒரு ஆடு மேய்க்கும் சிறுவன் அவர்களை
அழைத்துச் சென்று அஜந்தா குகை அதிசயங்களை அவர்களுக்குக் காட்டினான். 2000
ஆண்டுகளுக்கும் மேலாக மறைந்து கிடந்த அபூர்வ ஓவியங்கள் ஒரு ஆட்டைத் தேடிச்
சென்ற போது தெரிய வந்தன.

*பிரமிடுகள்: *
1879ம் ஆண்டில் சக்கரா என்னும் இடத்தில் ஒரு பிரமிடுக்கு அடியில் ஒரு நரி ஓடிச்
சென்று மறைந்தது. அதை அதியசயத்துடன்; பார்த்துக் கொண்டிருந்த ஒரு அராபியர் அந்த
நரி சென்ற பாதையைத் தொடர்ந்து சென்றார். ஒரு சுரங்கப்பாதை வழியாகச் சென்ற அவர்
ஒரு மண்டபத்தை அடைந்தார். அங்கு தங்கத்தினாலும், நீலக்கற்களினாலும்
இழைக்கப்பட்ட மண்டபத்தையும் இடையிடையே சித்திர எழுத்துக்களையும் கண்டு
வியந்தார். இதை வெளி உலகிற்கு அறிவித்த போது உலகமே வியக்கும் பல புதிய
செய்திகள் கிடைத்தன. அதுவரை புலப்படாமலிருந்த பிரமிடின் மர்மங்கள் புலப்படத்
துவங்கின. அன்று துவங்கிய ஆராய்ச்சி இன்று வரை நீடிக்கிறது. சுமார் 90
பிரமிடுகள் பற்றி புதிய புதிய செய்திகள் வந்தவண்ணமுள்ளன.
*சாக்கடல் சுவடிகள்: *
1947ம் ஆண்டில் மத்தியக்கிழக்கில் சாக்கடலை அடுத்துள்ள மலையில் ஒரு ஆட்டிடையன்
ஆடுகளை மேய்த்துக் கொண்டிருந்தான். வழி தவறி ஓடிய ஒரு ஆட்டை அவன் பின்தொடர்ந்த
பொழுது அது ஒரு குகைக்குள் சென்றது. அங்கு சென்ற பொழுது 600 சுவடிகளில் மிகப்
பழங்கால எபிரேய எழுத்தில் எழுதப்பட்ட பைபிள் கிடைத்தது.