பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

சரவணன் · சரவணன் Mon Mar 01, 2010 11:28 pm

இந்த வீடியோவ கொஞ்சம் பாருங்க

இப்ப இவருக்கு என்ன மாதிரி வயித்தியம் செய்யலாம்னு பார்ப்போம்.

சரவணன் · சரவணன் Mon Mar 01, 2010 11:28 pm

வயிற்றுப்போக்கு

* ப்ளாக்-டி (அதாவது பாலில்லாத டீ, சர்க்கரை கொஞ்சமா சேத்துகுறது நல்லது), எலுமிச்சை சாறு கலந்து குடிக்கலாம்

* தேன் சிறிது சாப்பிடலாம். அல்லது தேனும் பண்ணும் சாப்பிடலாம்.

* குழந்தைகளுக்குப் பேதி கண்டால் ஆப்பிள் பழத்தை வேகவைத்து பிசைந்து கொடுத்தால் வயிற்றுப்போக்கு குணமாகும்.

* அத்திப்பால் 15 மில்லியுடன் வெண்ணெய், சர்கரை கலந்து காலை, மாலை, கொடுத்து வர நீரிழிவு, குருதி கலந்த வயிற்றுப் போக்கு ஆகியவை தீரும்.

* நந்தியாவட்ட வேரை கசாயமிட்டுக் குடிக்க வயிற்றுப் போக்கு, வயிற்றுக் கடுப்பு நீங்கும்.

* பூண்டு உணவில் சேர்த்துச் சாப்பிட வேண்டும். இதனால், வாயு சம்பந்தமான நோய் நிவர்த்தி
அடைகிறது. பூண்டைத் துவையல் செய்தும் சாப்பிட்டு வரலாம். வயிற்றுப் போக்கைக் கட்டுப்படுத்தி விடும்.

* நாவல் மரத்தின் பட்டைக்கு குடல் புண்கள் மற்றும் வயிற்றுப்போக்கு ஆகியவற்றை குணமாக்கும் சக்தி உண்டு.

* வெந்தயம் - பெருங்காயப் பொடியை ஒருமணி நேரத்திற்கு ஒருமுறை என 3 முறை குடிக்க வயிற்றுப்போக்கு கட்டுப்படுத்தப்படும்.

* வயிற்றுப்போக்கு உடனே கட்டுப்படவும், பற்கள் பலம் பெறவும் வேர்க்கடலை சாப்பிடுவது நல்லது

* வயிற்றுப்போக்கு, வயிற்றுப்பொருமல், கண்ணோய்கள் போன்றவற்றையும் கொள்ளு நீர் குணப்படுத்தும்.

* வயிற்றுப்போக்கு உள்ளவர்கள் பசும்பால் சாப்பிட்டால், பேதி அதிகமாகப் போகும். ஆனால், ஆட்டுப்பால் அதை உடனே கட்டுப்படுத்தும்!

* ரஸ்தாளி வாழைப்பழத்தினை தண்ணீர் விட்டு கரைத்து மூன்று வேளை கொடுத்தால் வயிற்றுப்போக்கு நின்று விடும்.

சரவணன் · சரவணன் Mon Mar 01, 2010 11:30 pm

இந்த வீடியோவையும் கொஞ்சம் பாருங்க

சரி, இப்ப இவருக்கு என்ன மாதிரி வயித்தியம் செய்யலாம்னு பார்ப்போம்.

சரவணன் · சரவணன் Mon Mar 01, 2010 11:30 pm

மலச்சிக்கல் - காரணங்களும் தீர்வுகளும்

1. நமது செரிமானம் வாய், இரைப்பை, சிறுகுடல், பெருங்குடல் என்று நான்கு நிலைகளில் செயல்படுகிறது. இதில் எந்த நிலையில் தடை ஏற்பட்டாலும் மலச்சிக்கல் ஏற்படும். ஆகவே, செரிமானம் நன்கு நடைபெறும்படி பார்த்துக்கொள்ள வேண்டும்.

2. போதிய அளவு நீர் குடிக்காததால் மலச்சிக்கல் ஏற்படும். காலையில் எழுந்தவுடன் வெறும் வயிற்றில் 2 அல்லது 3 கோப்பைகள் நீர் அருந்த வேண்டும். நீரில் எலுமிச்சை சாறு கலந்தும் குடிக்கலாம். சிலர் 2 லிட்டர் தண்ணீர் குடிக்க வேண்டும் என்று கூறுவர். இது சரியல்ல. அதிக அளவு நீர் குடித்தால் சிறுநீரகங்களின் வேலை அதிகமாகி பாதிப்பு ஏற்படலாம்.

3. நாம் உண்ணும் உணவில் நார்ச்சத்து குறைவாக இருந்தால், மலச்சிக்கல்
ஏற்படும். வெள்ளை ரொட்டி, கேக், பிஸ்கட், ஜாம், க்ரீம், துரித உணவுகள், டின்களில்
பாதுகாக்கப்பட்ட உணவுகள் இவை மலச்சிக்கலை
ஏற்படுத்தும். கீரைகள், காய்கறிகள், பழங்கள் இவற்றில் நார்ச்சத்துகள் அதிகம் உள்ளன.

4. வேலை தொந்தரவினால் மலம் கழிக்கும் உந்துதல் வரும்போது
சிலர் அதை அடக்கி வைத்துக் கொள்வர். இதனால், மலம் உள்ளுக்குள் தள்ளப்பட்டு சிக்கலை
உருவாக்குகிறது. காலையில் எழுந்ததும் நமது காலைக்
கடன்களில் மலம் கழித்தலை முக்கிய கடமையாக நினைத்துச் செயல்பட வேண்டும்.

5. வயதானவர்களுக்கும், போதிய உடற்பயிற்சி இல்லாதவர்களுக்கும் மலச்சிக்கல் ஏற்படும்.
வயதானவர்கள் அதிக சத்துள்ள உணவுகள், காய்கறிகள், பழங்கள், நார்ச்சத்துள்ள உணவுகள் இவற்றை சேர்த்துக்கொள்ள வேண்டும். அவரவர் வயதிற்கேற்ப காலையில் சுமார் அரைமணி நேரமாவது எளிய
உடற்பயிற்சிகள் செய்யலாம். நடைப்பயிற்சி செய்யலாம்.

6. பெருங்குடல், சிறுகுடல் பகுதிகள் பாதிக்கப்பட்டால் அல்லது அடைப்புகள் ஏற்பட்டால் மலம்
கழித்தல் சிரமமாக இருக்கும். இந்த அடைப்புகளை நீக்க மருத்துவ ஆலோசனை பெற
வேண்டும்.

7. மலச்சிக்கல் ஏற்பட்டால் சிலர் உடனே மலமிளக்கி மருந்துகளை நாடுவர்.இம்மருந்துகள் சில நாட்களுக்குத்தான் பலன் தரும். பிறகு மருந்துகளின் அளவை அதிகரிக்க வேண்டிவரும். இம்மருந்துகளால் குடல் பலவீனமடைகிறது. உடலில் வைட்டமின் சத்துக்களை உட்கிரகிக்கும் சக்தி
குறைந்துவிடும். ஆகவே, இம்மருந்துகளைத் தவிர்த்து இயற்கையான முறைகளைப் பின்பற்ற வேண்டும். மருந்திற்குப் பதில் இவர்கள் எனிமா எடுத்துக்கொள்ளலாம்.

8.பேதி மருந்து சாப்பிடுவதற்குப் பதிலாக 1/4 கிலோ திராட்சையை (அனைத்து இரகங்களும் உகந்தவை) இரவு சாப்பிடலாம். காலைவரை வேறு உணவு வேண்டாம். மலச்சிக்கல் உள்ளவர்கள், ஜீரணக் கோளாறு உள்ளவர்கள் இதே அளவு திராட்சையை வாரம் இருமுறை சாப்பிடவும். இதனால் குடல் முழுவதும் சுத்தமாகும். போனஸாக இதயமும் பலப்படும்!

*. காலை 6 முதல் 7 மணிக்குள் நாம் மலம் கழிக்கும் வழக்கத்தை ஏற்படுத்திக் கொண்டால் மிகவும் நல்லது. 1 வாரம் சிறிது பொறுமையுடன் இந்த நேரத்தில் மலம் கழிப்பதற்கு நாம் முயற்சி செய்ய
வேண்டும். 2 அல்லது 3 டம்ளர் நீர் குடித்து வீட்டினுள்ளேயே சிறிது நேரம் நடக்க வேண்டும். பிறகு
முன்புறமாக குனிந்து பாதங்களைத் தொடும் பயிற்சி செய்ய வேண்டும். இதனால், அடிவயிறு அழுத்தப்பட்டு மலம் கீழுக்குத் தள்ளப்படுகிறது.

*. வாய்க்குக் கீழே முகவாயில் உள்ள புள்ளியிலும், தொப்புளுக்கு கீழே 2 விரல்கள் தள்ளி உள்ள
புள்ளியிலும், பக்கவாட்டில் இருபுறங்களிலும் 3 விரல்கள் தள்ளி உள்ள புள்ளிகளிலும் அழுத்தம் கொடுத்து விலக்க வேண்டும்.டாய்லெட்டில் உட்கார்ந்து கழுத்துப் பயிற்சி செய்தாலும் மலம் இறங்கி வரும். தலையை முன்னும் பின்னும் பக்கவாட்டில் திருப்பும் பயிற்சி செய்யும்போது, மலம் கழிப்பது சுலபமாகிறது.

*. இரைப்பை மெரிடியனில் காலை 7 மணி முதல் 9 மணி வரை சக்தி பாய்கிறது. காலை 9 மணிக்கு நாம் முழு உணவு உண்போமேயானால் உணவு நன்கு செரிக்கப்பட்டு மலச்சிக்கல் தீரும். இப்போதுள்ள
அவசர யுகத்தில் பலர் காலையில் காபி அல்லது கஞ்சி குடித்துவிட்டு பிறகு மெதுவாக மதியம் உணவு உண்கின்றனர். கேட்டால் ‘நேரம் இல்லை’ என்ற பதில் கிடைக்கிறது. ஆள்காட்டி விரலின் கடைசிப் பகுதியில் உள்ள புள்ளி லிமி4 என்ற பெருங்குடல் மெரிடியனில் நான்காவது புள்ளியாகும். கட்டை விரலுக்கும் ஆள்காட்டி விரலுக்கும் இடையில் இப்புள்ளி உள்ளது. இடையிலுள்ள சதைப்பகுதியில் அழுத்தம் கொடுக்கக்கூடாது. ஆள்காட்டி விரல் எலும்பின் கடைசிப் பகுதியில் அழுத்தம் கொடுக்க வேண்டும். இப்புள்ளியை தினமும் காலை 14 முறைகளும், மாலை 14 முறைகளும் அழுத்தம் கொடுத்து விலக்க வேண்டும். இரு கைகளிலும் செய்ய வேண்டும். இதனால் மலச்சிக்கல், அசிடிடி, வாயுத்தொல்லை
முதலியவை தீருகின்றன. வராமல் தடுக்கப்படுகின்றன.

*. வாழைப்பழத்தில் உள்ள சத்தானது உணவை செரிக்கச் செய்து, மலச்சிக்கலை போக்குகிறது. எந்த
வகை வாழைப் பழமானாலும் உணவுக்குப் பின் சாப்பிடுவது சிறந்தது.

*. அரைக் கீரையில் புரதம், தாது உப்பு, மாவு சத்து, சுண்ணாம்பு, பாஸ்பரம், இரும்பு சத்துகள்
உள்ளன. இதிலுள்ள நார்ச்சத்து மலர்ச்சிக்கலை நீக்குவதுடன் இதயத்திற்கு பலத்தைக் கொடுக்கிறது. உடலுக்கு இரும்புச் சத்து ஊட்டும்.

*. பீட்ரூட் கூட்டு மலச்சிக்கலை நீக்கும், இரத்த சோகையை குணப்படுத்தும். பீட்ரூட் சாறு அஜீரணத்தை நீக்கி செரிமாணத்தக் கூட்டும்.

*.செம்பருத்தி இலைகளை தூள் செய்து, தினமும் இருவேளை சாப்பிட்டு வர மலச்சிக்கல்
தீரும்.

* இந்த மலச்சிக்கலைத் தீர்க்க கொள்ளு சிறந்த மருந்து. கொள்ளுவை சட்னியாகவோ கஞ்சியாகவோ செய்து சாப்பிட்டு வந்தால் மலச்சிக்கல் நீங்கும்.

* அதிகக் காய்கறிகள், பழங்கள் உண்ண வேண்டும். முழு தானியங்களை உட்கொள்ளுதல், அதிகக் கொழுப்பு சத்துள்ள உணவுகள், இனிப்புகளை, பதப்படுத்தப்பட்ட உணவுகளைத் தவிர்க்க
வேண்டும்.

* கிட்னி அல்லது, இதயக் கோளாறுகள் இல்லாத பட்சத்தில் பல வகைகளைக் கொண்ட திரவ உணவுகளை(6 முதல் 8 டம்ளர் திரவ உணவு) அருந்தலாம். ஆனால் அதிக அளவு பால் அருந்துவது மலச்சிக்கல் ஏற்படக் காரணமாகஇருக்கலாம்.

* உடல் இயக்கச் செயல்பாடுகளை அதிகரிக்கவும்.

* நாள் ஒன்றுக்குக் குறிப்பிட்ட நேர இடைவெளியில் டாய்லெட்டில் அவசியம் ஏற்படாவிட்டால்கூட, சிறிது நேரத்தைச் செலவிட்டு குடல் இயக்கத்தை அதிகரிக்க வேண்டும்.

* அமில எதிர்ப்பு மருந்து மற்றும் மலமிளக்கியைப் பயன்படுத்தாமல் இருப்பது நல்லது.
பயன்படுத்தினால் குறைவாகப் பயன்படுத்தவும்

*********************************

Sponsored content · Sponsored content

பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

Re: பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

Re: பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

Re: பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

Re: பாட்டன் வைத்தியம் (ஏன் பாட்டி வைத்தியம்னாதான் ஒத்துப்பீங்களா?)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக