ஆதிராவுக்கு உதவி வேண்டும்

by **Aathira** Mon Mar 01, 2010 9:01 pm

First topic message reminder :

சித்தர் இலக்கியத்தில் அறுவை சிகிச்சை முறை பற்றி இருக்கான்னு யாரவது
சொல்லுங்களேன். சிவா நீங்க உதவ முடியும் என்று நினைக்கிறான்.உதவுவீர்களா?
உதவுவீர்கள்.
ஆதிராவுக்கு உதவி வேண்டும் - Page 2 56667

ஆதிராவுக்கு உதவி வேண்டும் - Page 2 56667

இப்போதே நன்றி.

by nandhtiha Mon Mar 01, 2010 9:55 pm

மதிப்புகுரிய சகோதரர் சிவா அவர்களுக்கு,
மூலிகைகள் இங்கே இல்லை என்று நான் சொல்ல வில்லை, ராமன் கங்கைக் கரையில் பிறந்ததனால் அங்குள்ள மூலிகை தான் வேண்டும் என்பதே மருத்துவரின் குறிப்பு. தென்னாட்டில் பிறந்தவருக்கு வடநாட்டு மூலிகை பற்றியும் தெரிந்திருக்கிறது என்றால் அவர் நல்ல பாண்டித்யம் பெற்றவராகத்தானே இருக்க வேண்டும்
அன்புடன்
நந்திதா

by nandhtiha Mon Mar 01, 2010 10:02 pm

வணக்கம்
இங்கு இன்னொன்றையும் பதிவு செய்ய விரும்புகிறேன், தமிழ் நாட்டில் உள்ள ஒரு பெரிய பெயிண்ட் கம்பெனி கார்களுக்குப் புதியதொரு பெயிண்டை அறிமுகம் செய்தார்கள், (கம்பெனிப் பெயரை நான் சொல்லக் கூடாது.) அந்தப் பெயிண்டை அறிமுகப் படுத்த உட்லாண்ட்ஸ் உணவகத்தில் ஒரு கூட்டம் நடைபெற்றது, அதில் நான் கலந்து கொண்டு ஒரு சிற்றுரை ஆற்றினேன், அப்பொழுது நான் கூறியது, இந்தப் பெயிண்டின் மூலப் பொருள்களை ஆய்ந்தால் இதுகுளிர் பிரதேசங்களுக்கு மட்டுமே பயனுள்ளதாக இருக்கும். இந்தியா போன்ற வெப்ப நாடுகளுக்கு இது பயன் தராது. வெப்பத்தினால் இருப்புத்தகடுகள் விரிவடையும் போது இந்தப் பெயிண்ட்டில் வெடிப்புக்கள் தோன்றும் என்றேன். அதனை அப்பொழுது மறுத்தார்கள் ஆனால் இரண்டு வருடங்களில் நான் சொன்ன மாதிரி வெடிப்புக்கள் தோன்றவே மீண்டும் அந்தக் கார்களுக்கு நம் நாட்டுக்குப் பொருத்தமான பெயிண்டை மீண்டும் அடித்துக் கொடுக்க வேண்டிய நிலை ஏற்பட்டது
அன்புடன்
நந்திதா

by nandhtiha Mon Mar 01, 2010 10:11 pm

வணக்கம்
தமிழ் நாட்டில் அறுவை சிகிச்சை சித்தர்களால் கையாளப் பட்டு வந்திருக்கிறது என்பதற்கு ஒரு பாடலை இங்கே பதிவு செய்கிறேன். வைணவ ஆழ்வார்களில் ஒருவராகிய குலசேகரர் என்பார் :
வாளாள் அறுத்துச் சுடினும் மருத்துவன் பால்
மாளாத காதல் நோயாளன்போல் மாயத்தால்
மீளாத் துயர் தரினும் வித்துவக் கோட்டம்மானே- நீ
ஆளா உனதருளே பார்ப்பன் அடியேனே.
அன்புடன்
நந்திதா

by nandhtiha Mon Mar 01, 2010 10:12 pm

மதிப்புக்குரிய சிவா அவர்கள்
நான் தொடர்ச்சியாகப் பதிவுகளை இடமுடியாமல் பகுதி பகுதியாகப் பதிவு செய்கிறேன், அதற்கு என்னை மன்னிக்கவும்.. தாங்கள் என் நிலைமையை அறிவீர்கள்:
அன்புடன்
நந்திதா

by **Aathira** Mon Mar 01, 2010 10:16 pm

எனக்காக தகவல் தந்ததற்கு நன்றி நந்திதா. தேரையார் செய்த அறுவைச் சிகிச்சை
பற்றி தேரையார் பாடல்களில் சான்று உள்ளதா என்வதையும் கூறுவீர்கள் என்று
எதிர்பார்க்கிறேன் தோழி. ஆதிராவுக்கு உதவி வேண்டும் - Page 2 154550

ஆதிராவுக்கு உதவி வேண்டும் - Page 2 154550

by **சிவா** Mon Mar 01, 2010 10:24 pm

nandhtiha wrote:வணக்கம்
இங்கு இன்னொன்றையும் பதிவு செய்ய விரும்புகிறேன், தமிழ் நாட்டில் உள்ள ஒரு பெரிய பெயிண்ட் கம்பெனி கார்களுக்குப் புதியதொரு பெயிண்டை அறிமுகம் செய்தார்கள், (கம்பெனிப் பெயரை நான் சொல்லக் கூடாது.) அந்தப் பெயிண்டை அறிமுகப் படுத்த உட்லாண்ட்ஸ் உணவகத்தில் ஒரு கூட்டம் நடைபெற்றது, அதில் நான் கலந்து கொண்டு ஒரு சிற்றுரை ஆற்றினேன், அப்பொழுது நான் கூறியது, இந்தப் பெயிண்டின் மூலப் பொருள்களை ஆய்ந்தால் இதுகுளிர் பிரதேசங்களுக்கு மட்டுமே பயனுள்ளதாக இருக்கும். இந்தியா போன்ற வெப்ப நாடுகளுக்கு இது பயன் தராது. வெப்பத்தினால் இருப்புத்தகடுகள் விரிவடையும் போது இந்தப் பெயிண்ட்டில் வெடிப்புக்கள் தோன்றும் என்றேன். அதனை அப்பொழுது மறுத்தார்கள் ஆனால் இரண்டு வருடங்களில் நான் சொன்ன மாதிரி வெடிப்புக்கள் தோன்றவே மீண்டும் அந்தக் கார்களுக்கு நம் நாட்டுக்குப் பொருத்தமான பெயிண்டை மீண்டும் அடித்துக் கொடுக்க வேண்டிய நிலை ஏற்பட்டது
அன்புடன்
நந்திதா

ஆதிராவுக்கு உதவி வேண்டும் - Page 2 677196

by nandhtiha Mon Mar 01, 2010 10:27 pm

வணக்கம்
போகர் ஏழாயிரம் என்ற நூலிலிருக்கும் பாடல்

வருந்தவே அகத்திய முனிவர்தாமும்
வல்லமையால் பண்டிதங்கள் மிக உரைப்பார்
பொருந்தியே தேரையது மூளைதன்னை
பொலிவான நாசிவழி தன்னில் சென்று
வருந்தியே மூளைதன்னைப் பற்றியல்லோ
வாகுடனே தேரையது பொருந்தி நிற்க
மருந்தீய சிவனை தன்னை மனத்திலுன்னி
மகத்தான அகத்தியரும் கவனித்தாரே

கவனிக்கும் வேளையிலே கத்தி கொண்டு
கருத்துடனே மூளைதனைக் கீறிப்பார்க்க
மவுனமென்ற மூளைதன்னில் தேரை தானும்
மார்க்கமுடன் கவ்வியல்லோ கொண்டு நிற்க
புவனமென்ற குறடாவால் எடுக்கப்போனார்
புகழான தேரையர் முனிவர் தாமும்
சவனமென்ற பாணியினால் எடுக்கத் தந்த்ரம்
சாற்றினார் தேரையர்தாம் சாற்றினரே

சாற்றவே மண்பாண்டம் தன்னில் தானும்
தன்மையுள்ள சலமதனை நிறைய விட்டு
ஆற்றலுடன் தேரைமுன்னே எதிரே காட்ட
அங்கெனவே மூளைவிட்டு குதிக்கலாச்சே
நாற்றிசையும் மேவு புகழ் அகத்தியனார்தாம்
நல்லறிவு கண்டுமல்லோ மனமுவந்து
"போற்றியே என் சீடா, பொன்னரங்கா
பொலிவான தெள்ளமிர்த சிங்கமாமே?"

அன்புடன்
நந்திதா

by **சிவா** Mon Mar 01, 2010 10:32 pm

சிவா wrote:இதோ உடனே சிறப்பான விளக்கத்தை நந்திதா அவர்கள் வெளியிட்டு விட்டார்கள்! நன்றி நந்திதா!

மருத்துவர் மட்டும் தென்னிந்தியர், ஆனால் மூலிகைகள் மட்டும் இல்லையாம்! எந்த அறிவாளிகளின் கூற்று இது?

நந்திதா wrote:இந்த விடயத்தில் எனக்கேற்பட்ட ஒரு கசப்பான நிகழ்ச்சியையும் சோல்ல
விரும்புகிறேன், இராமாயணத்தில் இலக்குவன் இந்திரசித்தின் பாணத்தால்
அடிபட்டு வீழ்ந்து விடுகிறார்ன், அப்பொழுது நீலன் என்ற மருத்துவர் இமய
மலையில் உள்ள சந்தான கரணி சல்லிய கரணி சஞ்ஜீவி மூலிகைகள் வேண்டும் என்றான்.
அனுமன் அவைகளைக் கொணர்ந்தான் என்பது செய்தி. இதை வைத்துக் கொண்டு தமிழ்
நாட்டில் சித்த வைத்தியமே இல்லாதது மாதிரியான தோற்றத்தைச் சிலர்
ஏற்படுத்தினார்கள்.

இதற்காகத்தான் மேற்கண்டவாறு கூறினேன் நந்திதா!!! ஆதிராவுக்கு உதவி வேண்டும் - Page 2 154550

by **Aathira** Mon Mar 01, 2010 10:33 pm

சங்க இலக்கியத்திலும் பதிற்றுபத்தில்

மீன்றோர் கோட்பிற பணிக்கய மூல்கிச்
சிரல்பெயர்த் தன்ன நெடுவெள் லூசி
நெடுவசி பரந்த வாடுவாள் மார்பின்
அம்புசேர் உடம்பர்ச் சேர்ந்தோரல்லாது
தும்பை சூடாது மலைந்த மாட்டு

புற நானூற்றில்
சேருவா யுலக்கிக் குருதி யோட்டிக
கதுவாய் போகிய துதிவா எக்கமோடு
பஞ்சியுங் களையாப் புன்னார்.

கம்ப ராமாயணத்தில்
உடலிடைத் தோன்றிற்று ஒன்றை
அறுத்து அதன் உதிரம் ஊற்றி
சுடலுறச் சுட்டு வேறோர்
மருந்தினால் துயரம் தீர்வர்
என்று பாடல்கள் உள்ளன. சித்தர் இலக்கியத்தில் உள்ளதா? என்பது தெரிய வேண்டும் நந்திதா.

by கலைவேந்தன் Mon Mar 01, 2010 10:36 pm

அருமையான விளக்கங்கள் அளித்த நந்திதா அவர்களுக்கும் ந்லல செய்திகள் அறிய வாய்ப்பு தந்த ஆதிரா அவர்களுக்கும் என் நன்றிகள்...

சிவாவின் முயற்சியும் குறிப்பிட்த்தக்கது தான்...!