எப்படி மறந்தேன்...

by bhuvi19 Sun Feb 28, 2010 6:56 pm

மனதின் கனம்,
இறக்கி வைக்க
தேடுகிறேன் யாரையாவது..
உயிர் தோழியோ
தொலை தூரத்தில்..
அலுவலக வலைக்குள்
வேண்டியவர்கள்..
செல்லிடைப்பேசிக்குள்
சிக்கியிருக்கும்
நூற்றுக்கும் மேற்பட்டோர்
எண்கள்...
திரும்ப திரும்ப
பார்க்கிறேன்.........
பெயர்களை மட்டும்..
யாரிடம் பகிர்வது?
யாருடைய நேரத்தையாவது
களவாடி என் துயர்
மறக்க வேண்டுமே!
பரந்த உலகில்
கோடிப்பேர்,
அவரவர் வாழ்கையை
தேடிக் கொண்டு..
செவி சாய்க்க
எவருமில்லை ..
"திடீர் வெளிச்சம்"
அட! அருகிலேயே நீ..
எப்படி மறந்தேன்
என் இனத்தவளை?
அமைதியாய்,
முகம் சுளிக்காமல்,
என் கதைக்கேட்கும்
உன்னை..
என் தேவதை பொம்மையே!

--புவனா,
மைசூர்..

by mohan-தாஸ் Sun Feb 28, 2010 6:59 pm

ஆஹா அருமையாக உள்ளது தோழி எப்படி மறந்தேன்... 154550

by கலைவேந்தன் Sun Feb 28, 2010 7:01 pm

இந்த பரபரப்பான உலகத்தில் தனிமை நம்மை வாட்டும்போது சிலசமயம் நம் நிழலே கூட துணையாகும்.

இங்கே தனிமை போக்க தன் பாவையை(பொம்மை) தேர்ந்தெடுத்த நிலை பரிதாபத்துக்குரியது.

அழகான வரிகளில் அள்ளித்தந்த தனிமைத்துயர் அருமை புவனா...!

பாராட்டுக்கள்...!