திருமணம் இலகுவாக்கப் பட்டால்

கேள்வி : திருமணம் இலகுவாக்கப் பட்டால் விபச்சாரம் குறையும் என்று சில அறிஞர்கள் சொல்கிறார்கள். திருமணம் இலகுவாக்கப் பட்ட பல மேலை நாடுகளில் விபச்சாரம் குறையவில்லையே..! அப்பாஸ் அலி கான், ஹாட் அஞ்சலில்.
விபச்சாரம் செய்யும் எண்ணத்துடன் அதற்காகவே அலையும் கேடுகெட்ட ஆண்களையோ பெண்களையோ அதை ஊக்குவிக்கும் நாடுகளையோ முன்னிருத்தி சொல்லப்பட்ட கருத்தல்ல அது. பெண்களிடம் ஒழுக்கமும் அடக்கமும் நிறைந்து காணப்படும் இந்தியா போன்ற நாடுகளில் கணிசமான பெண்கள் விபச்சாரத்தில் வீழ்வதற்கு காரணம் திருமணத்தின் மூலம், கணவனின் மூலம் கிடைக்க வேண்டிய இல்லற சுகம் தடைப்படுவதேயாகும். தேவையான வயதில் கிடைக்க வேண்டிய உடல் தேவை கிடைக்காமல் போகும் போது, வெகுஜன தொடர்பு மீடியாக்களும் சுற்றுப்புற சூழலும் அந்த தேவையின் அவசியத்தை தூண்டி விட்டுக் கொண்டிருக்கும் போது அத்தகைய பெண்களில் கணிசமானவர்கள் விபச்சாரம் என்ற பெரும் பாவத்தில் வீழ்ந்து விடுகிறார்கள். வரதட்சனையை ஒழித்து குறைந்த செலவில் திருமணத்தை இலகுவாக்குவதின் மூலம் இத்தகைய பெண்களுக்கு இல்லற வாழ்க்கை கிடைத்து அதன் மூலம் உடல் தேவைகள் நிறைவேறுகின்றன. சூழ்நிலையால் விபச்சாரத்தில் விழும் பெண்கள் இதனால் தடுக்கப்படுகிறார்கள். இந்த உண்மையை தான் நீங்கள் சொன்ன அறிஞர்கள் கூறியுள்ளார்கள்.
'வாழ பிறந்த மனிதனுக்கு அது கூடாது, இது கூடாது என்று எத்தகைய தடையும் போடக்கூடாது. அவன் எல்லா உரிமைகளுடன் எல்லாவற்றையும் இங்கேயே அனுபவித்துக் கொள்ளட்டும்" என்ற கொள்கையும் சித்தாந்தமும் ஆட்சிப் புரியும் நாடுகளில் திருமணத்தை கடினப்படுத்துவதன் மூலம் விபச்சாரத்தை அதிகப்படுத்தவோ திருமணத்தை இலகுவாக்குவதனால் விபச்சாரத்தை குறைக்கவோ முடியாது என்பதுதான் எதார்த்தம்.

தகவலுக்கு நன்றி மாமு

ரிபாஸ் wrote:தகவலுக்கு நன்றி மாமு