நினைவில் நிற்க வேண்டிய எண்கள் - உடல்நலம்!

**சிவா** · **சிவா** Sat Feb 27, 2010 6:30 pm

இந்த எண்களை உங்கள் வாழ்வில் எப்போதும் நினைவில் கொள்ளுங்கள், வளமான வாழ்வு உங்கள் கையில்!

1. ஒவ்வொரு நாளும் 19லிருந்து ஐம்பது வயது வரை உள்ள பெண்கள் 800 மில்லி கிராம் கால்ஷியம் எடுத்துக்கொள்வது அவசியம். உங்களுக்கு அஸ்டொபோரோசிஸ் எனும் எலும்புத் தேய்மானம் இருந்தால் 1000-200 மில்லி கிராம் உங்களுக்குத் தேவை. கால்சியம் சத்து பால், மோர் போன்ற பொருட்கள், பச்சை நிறக் காய்கறிகள், தானியங்கள், பீன்ஸ் ஆகியவற்றில் உள்ளது.

2. வயது18: இதுதான் பெண்கள் முழுமையான பருவமடையும் வயது. இந்த முழுமையான வளர்ச்சி 20 வயதுகளில் நிலையாக இருக்கிறது, பின்னர் படிப்படியாகக் குறைந்து மீண்டும் 35 வயதில் அதிகமாகிறது.

3. வயது 20: இந்த வயதில் உங்களுடைய நுகரும் தன்மை பிறந்த போது இருந்ததில் 82 சதவிகிதம்தான் இருக்கிறது, இது 60 வயதில் 38% ஆகவும் 80ல் 28% ஆகவும் குறைகிறது.

4. 120/80: இதுதான் உங்களுக்கு இருக்க வேண்டிய ரத்த அழுத்தம். இந்த ரத்த அழுத்தத்திலேயே உங்களால் தொடர்ந்து இருக்க முடியுமானால், உங்களுக்கு இருதய அடைப்பு வருவதற்கான வாய்ப்புக்கள் மிகவும் குறைவு. அதிகபட்சமாக இரத்த அழுத்தம்140/90 வரை இருக்கலாம். ரத்த அழுத்தத்தை ஓரளவில் கட்டுப்பாட்டில் வைத்துக்கொள்ள, நீங்கள் உபயோகப்படுத்தும் உப்பின் அளவை ஒருநாளைக்கு ஒரு தேக்கரண்டி அளவுக்குக் குறைத்துக் கொள்ளுங்கள்.

5. ஒரு லிட்டருக்கு 6 மில்லி மோல் (Milli mole) அளவுதான் உங்களது ரத்தத்தில் சர்க்கரைக்கான அதிகபட்ச அளவு. உங்களது உடல் எடையை ஒரு கட்டுக்குள் வைத்திருந்தால், இந்த ரத்தத்தில் சர்க்கரை அளவும் கட்டுக்குள் இருக்கும்.

6. ஒரு நிமிடத்திற்கு மனிதனின் இருதயத் துடிப்பு 60லிருந்து 90 வரை இருக்கும். நீங்கள் அதிக உடல் நலம் மிக்கவராக இருந்தால் இது குறைவாகக்கூட இருக்கும். கவலைகள், கா·பின் (Caffine), சிகரட் போன்றவை துடிப்பை அதிகரிக்கச் செய்யும்.

7. 35 மில்லி லிட்டர் ரத்தம் மாதவிலக்கின் போது இழக்கும் ரத்தத்தின் அளவு. சரியான மாதவிலக்கு இல்லாமல் போவதற்குக் கருப்பையிலோ, அல்லது ஹார்மோன்களிலோ உள்ள குறைபாடுகள் காரணமாக இருக்கலாம். அதிக ரத்தப் போக்கிற்கு அனீமியா, ஸிஸ்ட் (cysts) அல்லது தைராய்ட் காரணமாக இருக்கக்கூடும்.

8. 5 மில்லி மோல் லிட்டருக்கு: இந்த அளவுதான் நமது உடலில் இருக்கவேண்டிய மொத்த கொலஸ்ட்ராலுக்கான உச்சவரம்பு. அதிக கொலஸ்ட்ரால் ரத்தக்குழாய்களில் படிந்து அந்தக் குழாய்களில் அடைப்பை ஏற்படுத்துகின்றன. இதுவே இருதய நோய்க்கான காரணமாகிறது.

9. 2,50,000: இதுதான் நமது கால்களில் இருக்கும் வியர்வைச் சுரப்பிகளின் எண்ணிக்கை. ஒவ்வொரு காலும் நாளொன்றுக்கு 250 மில்லி வியர்வைத்துளிகளை வெளியேற்றுகிறது.

10. 100: இது நாம் தினமும் தலையிலிருந்து இழக்கும் முடியின் எண்ணிக்கை. நோய் வாய்ப்பட்ட பிறகோ, பிரசவத்திற்குப் பிறகோ அல்லது சில மாத்திரைகளை சாப்பிடுவதை நிறுத்திய பின்போ அதிக முடி கொட்டக்கூடும்.

11. குழந்தை உருவான 10 நாட்களுக்குப் பிறகுதான் ஒருபெண் கர்ப்பமாகி இருக்கிறாளா என்பதைப் பரிசோதித்துச் சொல்ல முடியும். கரு முட்டை கருப்பையைச் சென்றடைவதற்கு ஒருவார காலமாகிறது.

13. உடலுறவு கொள்ளும் பெண்கள் இரண்டாண்டுக்கு ஒருமுறை பாப் ஸ்மியர் (Pap smear) சோதனை செய்துகொள்ள வேண்டும். HIV positive உள்ளவர்களுக்கும், Human pappilona virus உள்ளவ ர்களுக்கும் Cervical cancer வருவதற்கான வாய்ப்புண்டு.

14. 3 மில்லி மீட்டர்: இந்த அளவுதான் சாதரணமாக நமது நகங்கள் ஒரு மாதத்தில் வளர்கின்றன. சின்ன வயதில் வேகமாக வளரும் நகங்கள் 10லிருந்து 14 வயதில் உயர்ந்த பட்சத்தை எட்டுகின்றன.

15. 50 வயதிற்குப் பிறகு பெண்கள் ஒவ்வொரு இரண்டு வருட இடைவெளியிலும் mammaogram சோதனை செய்துகொள்ள வேண்டும்.

16. நமது உடம்பில் 70 சதவிகிதம் தண்ணீர் உள்ளது. இந்த அளவில் ஒரு சதவிகிதம் குறைந்தாலும் நமக்கு தாகம் எடுக்கிறது. தண்ணீர் தாகத்தை மட்டும் தணிப்பதில்லை, நமது உடலின் முக்கியப் பகுதிகள் இயங்குவதற்கும் உதவுகிறது. தண்ணீர், உணவு செரிமானத்திற்கும் கழிவுப் பொருட்களை வெளியேற்றவும் உதவுகிறது. வியர்வை மூலம் நமது உடல் உஷ்ணத்தைச் சீராக வைத்திருப்பதிலும் உதவுகிறது