தமிழகம்: தேர்தல் விவரம் - முழுமையான முடிவுகள்

1,47,460 வாக்குகள் வித்தியாசத்தில் காடுவெட்டி குரு தோல்வி!

சென்னை: திருவண்ணாமலை: பெரிதும் எதிர்பார்க்கப்பட்ட பாமகவின் காடுவெட்டி குரு, திருவண்ணாமலையில் பெரும் தோல்வியைத் தழுவியுள்ளார். திருவண்ணாமலையில் காடுவெட்டி குருவை எதிர்த்து, திமுக சார்பில் வேணுகோபால் நிறுத்தப்பட்டார். திருப்பத்தூர் தொகுதி எம்.பியாக இருந்தவர் வேணுகோபால். காடுவெட்டி குருவின் சவாலைச் சமாளிக்கும் வகையில் அனுபவம் வாய்ந்த வேணுகோபாலை நிறுத்தியதோடு, மாவட்டத்தில் இருந்த ரஜினி ரசிகர் மன்றங்களின் ஆதரவையும் கோரியது திமுக.

காடுவெட்டி குருவை ஓட ஓட விரட்டுவோம் என திருவண்ணாமலை ரஜினி ரசிகர் மன்ற தலைவர் கூறியிருந்தது நினைவிருக்கலாம்.

ஒரு சுற்று கூட விடாமல் வேணுகோபால் தொடர்ந்து முன்னணி வகித்து வந்தார். இறுதியில், ஒரு லட்சத்து 47 ஆயிரத்து 690 வாக்குகள் வித்தியாசத்தில் தோல்வி அடைந்தார் குரு.

வேணுகோபால் பெற்ற வாக்குகள் - 4,32,302
காடுவெட்டி குரு பெற்ற வாக்குகள் - 2,84,612

2.இழுபறியில் ஜெயித்த பாலு!

பெரும் போராட்டத்திற்குப் பின்னர் முதல் முறையாகப் போட்டியிட்ட ஸ்ரீபெரும்புதூரில் வெற்றி பெற்றுள்ளார் மத்திய அமைச்சர் டி.ஆர்.பாலு. தென் சென்னை தொகுதியிலிருந்து முதல் முறையாக ஸ்ரீபெரும்புதூருக்கு மாறி வந்து போட்டியிட்டார் பாலு. அவரை எதிர்த்து வலுவான வேட்பாளராக பாமக சார்பில் ஏ.கே.மூர்த்தி நிறுத்தப்பட்டார்.

இதனால் போட்டி கடுமையாக இருந்தது. ஆரம்பத்திலிருந்தே மூர்த்தியும், பாலுவும் மாறி மாறி முன்னணியில் இருந்து வந்தனர். ஒரு கட்டத்தில் பாலு தோல்வி அடைந்து விடக் கூடிய அளவுக்கு நிலைமை இருந்தது.

இந்த நிலையில் கடைசிக் கட்ட சுற்றுக்குளில் வேகமாக முன்னேறி விட்டார் பாலு.

இறுதியில், 25 ஆயிரத்து 544 வாக்குகள் வித்தியாசத்தில் டி.ஆர்.பாலு வெற்றி பெற்றார்.

3.காஞ்சியில் காங்கிரஸ் வெற்றி!

காஞ்சிபுரம் தனி தொகுதியில், அத்தொகுதிக்கே சம்பந்தமில்லாத காங்கிரஸ் வேட்பாளர் விஸ்வநாதனையும் வெற்றி பெற வைத்துள்ளனர் வாக்காளர்கள்.
இத்தொகுதியில், காங்கிரஸ் வேட்பாளர் விஸ்வநாதன், 3,30,237 வாக்குகளைப் பெற்றார். அவரை எதிர்த்துப் போட்டியிட்ட அதிமுக வேட்பாளர் ராமகிருஷ்ணன் 3,17,134 வாக்குகளைப் பெற்று, 13,103 வாக்கு வித்தியாசத்தில் தோல்வி அடைந்தார்.

4.மறு எண்ணிக்கையில் வென்ற சிதம்பரம்?

சிவகங்கை தொகுதியில் நடத்தப்பட்ட மறு வாக்கு எண்ணிக்கை முடிவில் மத்திய அமைச்சர் ப சிதம்பரம் வென்றதாக அறிவிக்கப்பட்டுள்ளது.

5.மறு எண்ணிக்கையிலும் தோற்ற வைகோ!

விருது நகர் தொகுதியில் போட்டியிட்ட வைகோ தோல்வியைத் தழுவினார். காங்கிரஸ் வேட்பாளர் மாணிக் தாகூரை விட அவர் 15 000 வாக்குகள் குறைவாகப் பெற்று தோல்வியைத் தழுவியதை மறு வாக்கு எண்ணிக்கை உறுதிப்படுத்தியது.

6.தர்மபுரியில் தாமரைச் செல்வன்

தர்மபுரி தொகுதியில் திமுக வேட்பாளர் தாமரைச்செல்வன் வெற்றி பெற்றுள்ளார். தற்போதைய எம்.பியான டாக்டர் செந்தில் பாமக சார்பிலும், திமுக சார்பில் தாமரைச்செல்வனும் போட்டியிட்டனர்.
இந்தப் போட்டியில் தாமரைச்செல்வன் 1 லட்சத்து 35 ஆயிரத்து 942 வாக்குகள் வித்தியாசத்தில் அபார வெற்றி பெற்றார்.

7.சிதம்பரத்தில் திருமா வெற்றி!

சிதம்பரம் தனி தொகுதியில் பாமகவின் பேராசிரியர் பொன்னுச்சாமியை வீழ்த்தி, விடுதலைச் சிறுத்தைகள் கட்சியின் தலைவர் தொல். திருமாவளவன் வெற்றி பெற்றார்.
சிதம்பரம் தொகுதியில், திருமாவுக்கும், பொன்னுச்சாமிக்கும் இடையே கடும் போட்டி நிலவியது. இதில் ஆரம்பத்தில் பொன்னுச்சாமி முன்னிலையில் இருந்தார். பின்னர் திருமா முன்னணிக்கு வந்தார்.
கடும் இழுபறியின் இறுதியில் திருமாவளவன், 99 ஆயிரத்து 414 வாக்குகள் வித்தியாசத்தில் அபார வெற்றி பெற்றார்.

8.தங்கபாலு தோல்வி

சேலம் தொகுதியில் போட்டியிட்ட தமிழ்நாடு காங்கிரஸ் கமிட்டி தலைவர் தங்கபாலு, தன்னை எதிர்த்துப் போட்டியிட்ட அதிமுக வேட்பாளரை விட சுமார் 46000 வாக்குகள் குறைவாகப் பெற்று அதிர்ச்சித் தோல்வியடைந்தார்.

9.தயாநிதி மாறன் வெற்றி

முன்னாள் மத்திய அமைச்சர் தயாநிதி மாறன் மத்திய சென்னையில் 33 ஆயிரத்து 454 வாக்குகள் வித்தியாசத்தில் வெற்றி பெற்றுள்ளார்.
அவர் பெற்ற வாக்குகள்: தயாநிதி மாறன்(திமுக)- 2,85,783

10.காங்கிரசுக்கு திண்டுக்கல்

திண்டுக்கல் தொகுதியில் காங்கிரஸ் கட்சியி்ன் வேட்பாளர் என்.எஸ்.வி.சித்தன் வெற்றி பெற்றுள்ளார்.
தமிழகத்திலிருந்து திமுக கூட்டணிக்கு கிடைத்துள்ள முதல் வெற்றி செய்தி இது.
தன்னை எதிர்த்துப் போட்டியிட்ட அதிமுக வேட்பாளர் பாலசுப்ரமணியத்தை விட 54 ஆயிரத்து 192 வாக்குகள் அதிகம் பெற்று சித்தன் வெற்றி பெற்று தொகுதியை தக்க வைத்துக் கொண்டுள்ளார்.

11.அரக்கோணம்: ஜெகத்ரட்சகன் வெற்றி!

அரக்கோணம் தொகுதியில் திமுக வேட்பாளர் ஜெகத்ரட்சகன் வெற்றி பெற்றதாக அறிவிக்கப்பட்டுள்ளது.
அரக்கோணம் தொகுதியில் முன்னாள் மத்திய ரயில்வே இணை அமைச்சர் ஆர்.வேலுவும், திமுக சார்பில் ஜெகத்ரட்சகனும் போட்டியிட்டனர்.

வாக்குகள் எண்ணி முடித்தபோது, ஜெகத்ரட்சகன் 4,11,453 வாக்குகளையும், வேலு, 3,03,630 வாக்குகளைப் பெற்றிருந்தனர்.

இந்த நிலையில், நேற்று மறு வாக்குப் பதிவு நடந்த மேல் வல்லம் வாக்குச் சாவடிக்குட்பட்ட வாக்குகளை எண்ணுவது தொடர்பாக குழப்பம் ஏற்பட்டதால் தேர்தல் ஆணையத்தின் ஆலோசனையை கோரினர். இதையடுத்து அங்கு முடிவை அறிவிப்பது நிறுத்தி வைக்கப்பட்டது.

தேர்தல் ஆணைய ஆலோசனைக்குப் பின்னர் மறு வாக்குப் பதிவு நடந்த வாக்குச் சாவடியில் பதிவான வாக்குகளும் எண்ணப்பட்டன.

இதன் இறுதியில், ஜெகத்ரட்சகன் 4,15,041 வாக்குகளும், வேலு, 3,05,245 வாக்குகளும் பெற்றிருந்தனர். இதையடுத்து 1 லட்சத்து 9 ஆயிரத்து 796 வாக்குகள் வித்தியாசத்தில் ஜெகத்ரட்சகன் வெற்றி பெற்றதாக அறிவிக்கப்பட்டது.

மற்ற தொகுதிகளில் வென்றவர் விவரம்:

12.மதுரை - முக அழகிரி (திமுக)
13.நெல்லை - ராமசுப்பு (காங்)
14.தஞ்சாவூர்: எஸ்.எஸ். பழனிமாணிக்கம் (திமுக)
15.நாகப்பட்டினம்(தனி) ஏ.கே.எஸ். விஜயன் (தி.மு.க.)
16. நீலகிரி(தனி): ஆ.ராசா (தி.மு.க.)
17.கள்ளக்குறிச்சி: ஆதி சங்கர் (தி.மு.க)
18.பெரம்பலூர்: நெப்போலியன் (தி.மு.க.)
19. கன்னியாகுமரி: ஹெலன் டேவிட்சன் (தி.மு.க
20.வேலூர்: அப்துல் ரகுமான் (தி.மு.க.)
21.கடலூர்: கே.எஸ். அழகிரி (காங்கிரஸ்)
22.தேனி: ஆருண் ரஷீத் (காங்கிரஸ்)
23.தென்சென்னை: ராஜேந்திரன் (அ.தி.மு.க.)
24.பொள்ளாச்சி: சுகுமார் (அ.தி.மு.க.)
25. கோவை: பி.ஆர். நடராஜன் (மார்க்சிஸ்ட் கம்யூ.)
26. மயிலாடுதுறை: ஓ.எஸ். மணியன் (அ. தி.மு.க.)
27.திருப்பூர்: சிவசாமி (அ.தி.மு.க.)
28.தென்காசி: லிங்கம் (இ.கம்யூ.)
29.திருவள்ளூர்: வேணுகோபால் (அ.தி.மு.க.)
30.ராமநாதபுரம்: ஜேகே ரித்தீஷ் (தி.மு.க.)
31.ஆரணியில் காங்., வேட்பாளர் கிருஷ்ணசாமி வெற்றி
32.விழுப்புரம்: ஆனந்தன் (அ.தி.மு.க.)
33.கிருஷ்ணகிரி: ஈ.ஜி. சுகவனம் (தி.மு.க.)
34.கரூர்: தம்பிதுரை (அ.தி.மு.க.)
35.நாமக்கல்: காந்தி செல்வன் (தி.மு.க.)
36.ஈரோடு: கணேச மூர்த்தி (ம.தி.மு.க.)
37. திருச்சி: குமார் (அ.தி.மு.க.)
38. வடசென்னை: டிகேஎஸ் இளங்கோவன் (திமுக)
39. தூத்துக்குடி: எஸ்.ஆர். ஜெயதுரை (தி.மு.க.)
40.மற்றும் புதுச்சேரி: நாராயணசாமி (காங்கிரஸ்)