"வான்மதியும்" என் *மதியும்*

**T.N.Balasubramanian** · **T.N.Balasubramanian** Sat Feb 27, 2010 9:09 pm

"வான்மதியும்" என் *மதியும்*
(28th Feb 2010, Full moon day-பௌர்ணமி
ஹோலீ பண்டிகை)

வர்ண பேதமின்றி,பல வர்ணத்தினரும்,
வர்ணங்களை அரங்கேற்றும் நாள்.
உடைகளும் முகங்களுமே அரங்கேறும் மேடை.
தடைகள் நீங்கி,நட்பு மலரும்,
(ஸ்)வர்ண நாள், ஹோலீ திருநாள்.

"மதி" நிறைந்த இந்நாளில்,
"மதி" மீது கவி பாட,
*மதி* இட்ட கட்டளை.

வளர்மதியை நாளும் காணும் நாம்,
நிறைமதியை ஒரு நாள் காணலாம்.
தளர்மதி ஆக அது மாறி, குறை மதி ஆகி,
"மதி"யற்றும் வானம் இருக்கலாம்.

"மதி"யும் *மதி*யற்று,
உற்றதோர் திருமதி மேல் ,நிறை பாசம் காட்ட,
பெற்றவர் தந்த சாபம் அன்றோ,
குறை காணும் "மதி"இன் கலைகள்.

"மதி"அற்ற நாளை மதிக்கும் நாம்,
*மதி* அற்ற ஆளை மதிப்பதிலையே!

மதிக்கும் *மதி*க்கும்,மதிக்கும் "மதி"க்கும்,
பாதிக்கும் தொடர்புண்டு.
"மதி"ஒளியில் படுத்துறங்கில்,
*மதி* கெடும் என புத்திமதி கூறுவோர் பெரியோர்.
"மதி"இல் தடம் #பதித்தவனும்,
"மதி"இன் தாக்கத்தால்,
*மதி* தடுமாறினான், சில காலம் என செய்தி.!

"மதி"வதனமென மங்கையரை புகழ்வர் புலவர்.!
இன்பமெனில் ஆர்ப்பரித்து, முழு "மதி" என மலரும் முகம்,
துன்பமெனில் ஆர் பறித்ததோ, என கருமை முழுதாகும் .
"மதி" வதனமென வர்ணிக்க இதா காரணம்?
அல்லது,
"மதி" யோ ஆண்பால் !
"மதி" வதனம் என்பது வஞ்சப் புகழ்ச்சியோ?
குளிர் முகமென, சமாளித்து தஞ்சம் புகுவது ,
ஒரு வகை லஞ்சமன்றோ!!

'நற்மதி ' உள்ளோர் நாடுவர் உலக நலம்.
'நிம்மதி' வரும், நலமே செய்தால்.
'சம்மதித்து' அது வழி நடப்போமே.

ரமணீயன்

NB:

"மதி" Full moon

*மதி* Mind

(# Neil Armstrong had some mental disturbance for some time--old news)

jayakumari · jayakumari Sat Feb 27, 2010 9:31 pm

மதி"யும் *மதி*யற்று,
உற்றதோர் திருமதி மேல் ,நிறை பாசம் காட்ட,
பெற்றவர் தந்த சாபம் அன்றோ,
குறை காணும் "மதி"இன் கலைகள்.

"மதி"அற்ற நாளை மதிக்கும் நாம்,
*மதி* அற்ற ஆளை மதிப்பதிலையே!

மதிக்கும் *மதி*க்கும்,மதிக்கும் "மதி"க்கும்,
பாதிக்கும் தொடர்புண்டு.
"மதி"ஒளியில் படுத்துறங்கில்,
*மதி* கெடும் என புத்திமதி கூறுவோர் பெரியோர்.
"மதி"இல் தடம் #பதித்தவனும்,
"மதி"இன் தாக்கத்தால்,
*மதி* தடுமாறினான், சில காலம் என செய்தி.!

"வான்மதியும்" என் *மதியும்* 677196

எஸ்.அஸ்லி · எஸ்.அஸ்லி Sat Feb 27, 2010 9:40 pm

அம் மதி கொண்டு இம் மதி யில் நிம்மதி கொல்.

நிலாசகி · நிலாசகி Sat Feb 27, 2010 9:43 pm

**இளமாறன்** · **இளமாறன்** Sun Feb 28, 2010 6:34 pm

எனது ஹோலி பண்டிகை வாழ்த்துக்கள் "வான்மதியும்" என் *மதியும்* 154550

Sponsored content · Sponsored content

"வான்மதியும்" என் மதியும்