சந்தேக நோய்

சந்தேக நோயால் பாதிக்கப்பட்டவர்களின் சந்தேகங்கள் உண்மை நிலைக்கு புறம்பாகவும், தர்க்க ரீதியான விளக்கத்திற்கு மாறாகவும் இருக்கும். இந்த நோய் பலவகையில் வெளிப்படும்.

1. ஒருவர் தன் எண்ணம், செயல், ஆகியவற்றை மற்றவர் இயக்கி வைப்பதாக நம்பிக்கை கொள்ளுதல்.

2 தன்னைப்பற்றி மிகப் பெருமையாக யதார்த்தத்திற்கு புறம்பாக நினைத்துக் கொள்ளுதல்.

3. ஒருவர் தன்னைக் கொல்ல பிறர் சதி திட்டம் திட்டியதாக நினைத்து பிறரை எப்பொழுதும் சந்தேகத்துடன் கண்காணிப்பது.

4. தன்னை சிலர் பின்தொடர்வதாகவும், தன்னைப்பற்றி பிறர் ஜாடைமாடை யாகப் பேசுவதாக நினைப்பது கூட ஒரு சந்தேக நோய்தான்.

5. மனைவி-கணவன் இருவருக்கிடையே நடத்தை பற்றிய சந்தேகம்.

6. ஒருவர் தன்னைச்சுற்றிலும் புறம்பான செயல் நடப்பதாக எண்ணி அரசு க்கு அல்லது மேலிடத்துக்கு தொடர்ந்து மனு போட்டுக் கொண்டிருப்பதும் ஒரு வகை சந்தேக நோய்தான்.

நமது மூளையில்- சிந்தனை, பகுத்தறிவு, நம்பிக்கை, கவலை, பயம் இவற்றை கட்டுப்படுத்தும் நரம்பில் டோபமைன் என்ற மூளை மின்னலைக் கடத்தியின் ரசாயன சமநிலை பாதிக்கப்படும் போது சந்தேகநோய் தோன்றும். மேலும் பாதுகாப்பற்ற குடும்ப சூழ்நிலை, வாழ்க்கையில் ஏமாற்றம், கவலைகளாலும் சந்தேகம் தோன்றும். நீண்ட நாட்கள் சாராயம் (ஆல்கஹால்) கஞ்சா போன்ற போதை மருந்துகள் உபயோகிப்பவர்களுக்கும் சந்தேக நோய் வரலாம். டிமென்ஷியா என்ற ஞாபக சக்தி குறைவு நோயினாலும், சிபிலிஸ், எய்ட்ஸ் போன்ற பால்வினை நோய்கள் மூளையை தாக்கும்போதும் சந்தேக நோய் வரலாம். மேலும் சந்தேகம் மனச்சோர்வு நோயின் அறிகுறியாகவும் இருக்கலாம்.

நம்பிக்கையின்மை, சமுதாயத்திலிருந்து தனிமைப்படுத்துல் (ஜாதி, மதம் மொழியால்) பொறாமை,. தன் மதிப்பை குறைக்கும் சூழ்நிலைகள் போன்ற நிலைகளிலும் சந்தேகம் ஏற்படலாம். சந்தேக நோயை குணப்படுத்துவதன் மூலம் சந்தேக நோயின் விளைவுகளான கணவன், மனைவியிடையே தகராறு, மன முறிவு, தற்கொலை, கொலை, தொழில் நண்பர்களிடையேயும், உறவினர் களிடை யேயும் ஏற்படும் பிரிவை தவிர்த்து உங்கள் வாழ்க்கையை சந்தேகத் திற்கு இடமின்றி நிம்மதியாகவும், சந்தோஷமாகவும், செழிப்பாகவும் ஆக்கலாம்.