கவிதை அந்தாதி.

by வழிப்போக்கன் Fri Feb 26, 2010 3:05 am

First topic message reminder :

அன்பின் நண்பர்களே!
இங்கு கவிதை ஒன்று தருகின்றேன் பின்னர் அதன் முடிவுச் சொல்லில் இருந்து அடுத்து வருபவர் தொடங்க வேண்டும், இப்படி அடுத்து வருபவர் பதியும் கவிதையின் முடிவுச் சொல்லில் இருந்து பதிவுகள் தொடர்ந்து கொண்டு போகும்...
எல்லோரும் பங்குகொண்டு கவிதையைத் தொடருவோம்.

உதாரணம்

சிந்தை கலங்காமல் செய்யும் செயல்யாவும்
உந்தன் வினையாம் சிறந்து - மனதை
மகிழ்வாக்கி மாயோனின் தாள்பணிந்து போற்று
எதிலுமே இன்பமே ஊற்று..!

இங்கு நான் தொடர்வது ஊற்று அல்லது இன்பமே ஊற்று எனும் சொல்லாக இருக்கவேண்டும்....

இன்பமே ஊற்று நம் ஈகரை
வாசலில் வந்ததும் பொங்கிடும்
மகிழ்வதும் தங்கிடும் என்றுமே..!

அடுத்தவர் “என்றுமே” எனும் சொல்லுடனோ அல்லது “தங்கிடும் என்றுமே” என ஆரம்பிக்கலாம்... இப்படி இறுதிச் சொல்லில் இருந்து தொடர்ந்து கவி நீண்டு செல்லும் ....

என்ன ஆயத்தமாகி விட்டீர்களா...? கவிதை அந்தாதி. - Page 36 733974

உணர்வுகளெல்லாம் உயிர்பெரும்முன்
உயிரே என்னை அவளிடம் சேர்த்துவிடு!
என்னைச் சந்தனமாய் குழைத்தெடுத்து
அவள் கன்னங்களில் பூசிக்கொள்ளட்டும்...
ஒரு குளிர்வித்தலில் அவள் சுகம் காணட்டும்!

by ஹாசிம் Sat Apr 09, 2011 1:45 pm

சுகம் காண்பதின் அர்த்தங்கள் கூட
மரத்துப்போன வாழ்வாகிறது
வேதங்கள் போதித்திருந்தும்
பிரமச்சாரத்தில் நாட்டமாகிறது
சுகங்களற்ற தேடல்கள் கூட
செல்லாக் காசுகளாகிறது

by செய்தாலி Wed Apr 13, 2011 1:41 pm

செல்லா காசுகளாய்
மதிப்பற்று நீளுகிறது
உன்துணை இல்லாத வாழ்க்கை

by மலிக்கா Wed Apr 13, 2011 1:44 pm

உன் துணைவேண்டியே
தவமிருந்தது என்னிதயம்
இவ்வுலக வாழ்க்கை முடிந்தும்
மறு உலகத்திலும் உன்னுடனிருக்க

by செய்தாலி Wed Apr 13, 2011 1:47 pm

உன்னிடமிருக்கும் தனிமைகளில்
சிறு குறும்புகள் செய்திடவே
மீண்டும் உயிர்த்தெழுகிறது பால்யம்

by மலிக்கா Wed Apr 13, 2011 1:51 pm

பால்யப் பருவத்தில்
பட்டாம் பூச்சிகளின்
படப்படப்புகளோடு
பேசிய வார்த்தைகளனைத்தும்
பதியமிட்டு கிடக்கிறதிந்த
பாவை மனதில்..

by செய்தாலி Wed Apr 13, 2011 2:23 pm

மனதில் தூசுபடிந்து
செயலிழந்த என் உணர்வுகளை
உயிர்த்தேளுப்பியது உன் ஸ்பரிசம்

by ஹாசிம் Wed Apr 13, 2011 2:54 pm

ஸ்பரிசத்தின் ஊடல்களுக்குத்
தீனிகளற்ற நாளிகளோடு நச்செரிக்கும்
நியாயங்களும் அனியாயங்களாகிறது
வாழத்துடிக்கும் மனங்களுக்குத்தான்
ஏமாற்றங்களாகிறது

by செய்தாலி Wed Apr 13, 2011 4:24 pm

ஏமாற்றங்களை துடைத்தெறிந்து
என் நெஞ்சுக்குள்
புதிய நம்பிக்கையாய்
என்னவளின் வருகை

வருகை வருகை..என்று நீ அழைக்கும் முன்னே
வந்துவிட்டேன்.உன் மனதின் உள்ளே..
வாட்டம் கொள்ளலாமா பெண்ணே..! என்
வருகை மற்றவர்க்கு தெரியாமல் போனாலும்..
உன் மனதை கேட்டு தெரிந்து கொள்ளடி..பெண்ணே..! கவிதை அந்தாதி. - Page 36 154550