கவிதை அந்தாதி.

by வழிப்போக்கன் Fri Feb 26, 2010 3:05 am

First topic message reminder :

அன்பின் நண்பர்களே!
இங்கு கவிதை ஒன்று தருகின்றேன் பின்னர் அதன் முடிவுச் சொல்லில் இருந்து அடுத்து வருபவர் தொடங்க வேண்டும், இப்படி அடுத்து வருபவர் பதியும் கவிதையின் முடிவுச் சொல்லில் இருந்து பதிவுகள் தொடர்ந்து கொண்டு போகும்...
எல்லோரும் பங்குகொண்டு கவிதையைத் தொடருவோம்.

உதாரணம்

சிந்தை கலங்காமல் செய்யும் செயல்யாவும்
உந்தன் வினையாம் சிறந்து - மனதை
மகிழ்வாக்கி மாயோனின் தாள்பணிந்து போற்று
எதிலுமே இன்பமே ஊற்று..!

இங்கு நான் தொடர்வது ஊற்று அல்லது இன்பமே ஊற்று எனும் சொல்லாக இருக்கவேண்டும்....

இன்பமே ஊற்று நம் ஈகரை
வாசலில் வந்ததும் பொங்கிடும்
மகிழ்வதும் தங்கிடும் என்றுமே..!

அடுத்தவர் “என்றுமே” எனும் சொல்லுடனோ அல்லது “தங்கிடும் என்றுமே” என ஆரம்பிக்கலாம்... இப்படி இறுதிச் சொல்லில் இருந்து தொடர்ந்து கவி நீண்டு செல்லும் ....

என்ன ஆயத்தமாகி விட்டீர்களா...? கவிதை அந்தாதி. - Page 16 733974

by **V.Annasamy** Thu May 27, 2010 10:37 am

காலம், நேரம் பார்த்து கவிதை
வலம்வரும், மனதில் இடம்பெறும் நிலவின்
குளுமையாய், முழுமையாய்; நலம்தரும் தமிழ்ச்சொல்
எளீதே, இனிதே, வாழியவே.

by சரண்யா Thu May 27, 2010 6:26 pm

வாழியவே பல்லாண்டு காலம்
வாழும் தமிழ் எம் மொழியாம்
செம்மொழியாய் உயந்ததாம்
என்றும் மேன்மை பெற்றதாம்
வாழ்த்தி வணங்கிடுவோம் நம்
தாய்மொழி தமிழை.

by **V.Annasamy** Fri May 28, 2010 10:39 am

தாய்மொழி தமிழை, தன்னிகரிலா அமிழ்தை
ஆய்வாளர், பாமரரென எவரும் ஆழ்மனதோடு
போற்றி வழி படுவர். என்றும்
வெற்றிச் சங்கு ஊதுவோம்

by சரண்யா Fri May 28, 2010 5:33 pm

ஊதுவோம் பொம்மை
நாதஸ்வரத்தை மட்டுமே
காப்போம் நம்மை
நாவடக்கத்தால் என்றுமே
நல்வாழ்வு பெறுவோமே

by **V.Annasamy** Mon May 31, 2010 11:19 am

நல்வாழ்வு என்கிற சொற்றொடர் பெறவே
அல்லும் பகலும் அன்புடன், பொல்லாதவராய்
எல்லாப் பணிகளையும் எளிதாய் முடிக்க
கல்லார், கற்றார் முயன்றனர்.

by எஸ்.எம். மபாஸ் Mon May 31, 2010 1:56 pm

by சரண்யா Fri Jun 04, 2010 9:12 pm

முயன்று வெற்றி பெறாதவர்
வாழ்ந்து துயரில் இருப்பவர்
வாழ்வில் விதி விளையாடிதாக
கூறுவதேனோ...

by srinihasan Sat Jun 05, 2010 7:50 am

கூறுவதேனோ?
சொல்லடி உன்குரலில்
மடிவோமென்று சொன்னாலும்
உயிரை மாய்த்துக்கொள்கின்றேன்
ஆனால்
இவ்வுலகில் வாழவழியில்லை
என்றுமட்டும் உரைக்காதே...
உன்னோடு வாழும்
கனவுகளோடும் நினைவுகளோடும்
எனக்குள் பல்லாயிரம்
எண்ணங்களோடு வழி(லி)களோடு...
இனி நீ கூறுவதேனோ?

by ஹனி Sat Jun 05, 2010 9:46 am

srinihasan wrote:கூறுவதேனோ?
சொல்லடி உன்குரலில்
மடிவோமென்று சொன்னாலும்
உயிரை மாய்த்துக்கொள்கின்றேன்
ஆனால்
இவ்வுலகில் வாழவழியில்லை
என்றுமட்டும் உரைக்காதே...
உன்னோடு வாழும்
கனவுகளோடும் நினைவுகளோடும்
எனக்குள் பல்லாயிரம்
எண்ணங்களோடு வழி(லி)களோடு...
இனி நீ கூறுவதேனோ?

மிகவும் அழகான வரிகள்.
மகிழ்ச்சி