வியனுலகில் ஈகரை விண் முட்ட வேண்டும்

by nandhtiha Thu Feb 25, 2010 11:47 pm

First topic message reminder :

வணக்கம்
(இளைய புன் கவிதையேனும் ஈகரைக்கு இனியவாறே) புலமை இல்லா என்னுடைய கவிதையை ஈகரையில் பதிப்பிக்கின்றேன், இனிய உள்ளம் படைத்த ஈகரை அன்பர்கள் ஏற்க வேண்டுகிறேன்.

உளமறிந்து பொய்சொல்லா திருக்க வேண்டும்
உறவுகளை மறவாத உறுதி வேண்டும்
களமறிந்து போர்செய்யும் கலையும் வேண்டும்
கனித் தமிழர் பலகலையும் கற்க வேண்டும்
அளவறிந்து வாழ்கின்ற அறிவு வேண்டும்
அன்னையுடன் தந்தைதமைப் போற்ற வேண்டும்
களங்கமிலா தாட்சிசெயும் கட்சி வேண்டும்
காவலர்கள் நேர்மையுடன் காக்க வேண்டும்
விளங்குகின்ற துறையனைத்தும் வெல்லவேண்டும்
வியனுலகில் ஈகரைவிண் முட்ட வேண்டும்
துளங்குநதி கங்கைமுடி தூயோன் பாதம்
துணைநிற்பார் தாம்வாழத் தொழுவன் யானே.

அன்புடன்
நந்திதா