பாவையாக வேண்டும்....

valippokkan wrote:

இது ஒரு சிறிய
முயற்சியாக தமிழில் வல்லினம், மெல்லினம், இடையினம். எனும் மூன்று இனத்தில்
ஓரின எழுத்துக்களை மட்டுமே கொண்டு ஒரு பாவில் எழுதிடும் முயற்சி


முதலில்
வல்லினமான கு,சு டு,து,பு,று





பற்றுதே பற்றிது பற்றிப் பிறகு
சிறகு சிறைபடப் போற்றுது -சித்துக்
குறுடு சிறப்பொடு பித்துப் பிடித்துப்
பிதற்றப் பிறப்புக் கொடிது..!

ஆசா பாசங்களானது எம்மைப் பற்றும் போது
அதற்கு நாம் அடிமையாகி அதுவே நல்லதெனப் போற்றுவோம்... அதிலிருந்து
விடுபடமுடியாது மூளை அம்மாயைக்குள் அமிழ்ந்து படும் துன்பத்தினால்
பிறப்பானது கொடியதாகும்...

Aathira wrote:

நிறைவான நேரிய் சிந்தனை. அழகு தமிழ் சொல்லுங்களுக்கு பழகுதமிழ் சொல். அதனால் தான் உங்கள் மனம் புரிந்து செயல்படுகிறது தமிழ் சொற்கள். சுவாசம் - நேசம் இரண்டுமே உயிர் காக்கும்.வாழ்த்துக்கள்.

kalaimoon70 wrote:


வாழ்த்துகள்.உங்கள் சொல்லினம் கண்டு தமிழனம் போற்றும்!

valippokkan wrote:காலக் கண்ணாடி


பிறந்து வழர்ந்து வளமாய்
வாழ வழி தேடி
நாளும் கிழமை பாரா
நோயும் நொடியும் உணரா
வேலை பலவும் செய்தே....

இணையாய்த் துணையும் தேடி
(அவள்) வரவால் கருவும் உருவாக்கி
சேயும் பிறக்க வைத்தே....


வழரும் சேய்க்கு மென்றும்
வசதிகள் செய்ய வென்றும்
மாய்ந்தே பொருட்கள் தேடி...

பின் -

களைத்துக் கால் முகம் கழுவி
துடைத்துக் கண்ணாடி பார்த்தால்
வெளுத்த முடியும்
சுருங்கிய தோலுமாய்
காட்டு மென் பிம்பம்...!

ஏதோ தொலைந்ததாய்
திரும்பிப் பார்க்கின்றேன்

என் நினைவுக் குழந்தைகள்
விளையாட்டும் பொருளாய்
என் வாழ்வு விசும்பலுடன்....!

இளமாறன் wrote:

அழகான கவிதையில் நல்ல கருத்துகள் வாழ்த்துக்கள் நண்பா
என்ன தேடுறோம் ......எதுக்கு இங்க பூமியில வந்தோமென தெரியாமலே வாழ்க்கை ஓடிக்கொண்டிருக்கிறது

srinihasan wrote:காலக் கண்ணாடி -

காலத்தை வெல்லும்(வென்ற) கண்ணாடியாக.... அருமை பாலன்....