பாவையாக வேண்டும்....

by வழிப்போக்கன் Thu Feb 25, 2010 3:30 pm

First topic message reminder :

முட்டை

வட்டக் கருவறையில் அடையுண்ட
வெள்ளைச் சிறை வாழ்க்கை
அன்னை மடிச்சூட்டில் உயிர் கொண்டு
முட்டி வெளிவருவோம் வெளியுலகில்!

சுற்றித் திரிந்தெம் இரைதேட
சிதறுண்ட தானியமும்
அசைவத் தீனியென
பூச்சி புழுக்களையும்
கொத்தித் தின்ன அன்னை
சொல்லித் தருவாள்..!

சுற்றி வட்டமிட்ட பருந்திடமும்
எட்டிச் சிறகடித்துப் போரிடுவாள்..
தன்னிறகுள் அழைத்தெம்மை
ஒளித்தும் காத்திடுவாள்..!

செட்டை முளைக்கு மட்டும்
சுற்றிச் சுற்றி வலம்வருவோம்
தப்பிப் பிளைத்துப் பின் பிரிந்தே
இரைதேடிப் புறப்படுவோம்...!

இரைக்கும், உயிர்க்குமாய்
எம் வாழ்க்கை அலைக் கழியும்
நாம் போடும் முட்டையிலும்
இன்னும் பல வாழ்க்கை தொடங்கும்....
தொடரும்...மீண்டும் பூச்சியமாய்...!

பாவையாக வேண்டும்.... - Page 18 Hatching

by வழிப்போக்கன் Thu Apr 08, 2010 4:47 am

முனகல்

ஒற்றை விரல்கள் பிடித்து
ஊரூராய் அலைந்ததுவும்
சொத்தைச் சுகத்தை விட்டு
பற்றைக் காடுகளில்
உயிர் காக்க ஓடியதும்
நித்தம் மழைபோல
குண்டுகள் வீழ்ந்ததுவும்

அன்னை மடி சிதைத்து
தந்தை உயிர் குடித்து-(என்னைத்)
துடி துடிக்க வைத்ததுவும்
எற்றை வரைக்கும் மறக்காது.!

இழந்த உயிர் இழந்ததுதான்
இருக்கும் உயிர் மீள
முட்கம்பி வேலிக்குள்
முகம் கிளிந்த - எதிர்கால
ஈழத்தின் முனகலின்று
எவர் காதில் கேட்கும்???

பாவையாக வேண்டும்.... - Page 18 Barbed-wire-fence

பாவையாக வேண்டும்.... - Page 18 Barbed-wire-fence

by வழிப்போக்கன் Sun Apr 11, 2010 1:57 am

அக்கரை(றை)!

பாவையாக வேண்டும்.... - Page 18 Bensondhow1

மஞ்சல் வானம் கொஞ்சம் இறங்கி
கடல் மேனி தழுவ
செங்கதிர் மறைந்தது கண்டு
வெண் பிறை முளைக்க...

அந்த அந்தி வேளையில்
எந்தன் சிந்தை அக்கரை நினைத்தது..!

எதிர் காற்றும் அலையும்
மாறி.. மாறி அடிக்க
துடுப்பை வலித என் கைகள்
களைப்பினால் வலிப்பினும்- மனம்
அக்கரை ஆசையில்
மேலும்... மேலும் (துடுப்பை) வலித்தது..!

நடுக் கடல் அடைந்ததும்
சீறிய அலை ஒன்று
துடுப்பை இழுத்துப் போக .. !

அக்கரை இனி எப்படிப் போவதென.?
என் மனம் அலைக்கழிய..!

அலை கடல் மீதினில்
நீந்திடத் தெரியா நான்
காற்றினின் திசையினில் போவதாய்
பாய்மரம் விரிக்கிறேன்.....!

இனி நான் சேர்வது
எக்கரை மீதிலோ ..?
அக் கரை மீதினில்
அக்கறையாய் இருந்திடணும்..!!!

by அப்புகுட்டி Sun Apr 11, 2010 2:03 am

உண்மை நிலைகளை கவிதை மூலம் தந்த ஐயா உங்களுக்கு நன்றிகள்.
இவைகள் என் மனக்குமுறல்கள் இவைகள் சோகம்

by kalaimoon70 Sun Apr 11, 2010 2:11 am

முனங்கல் .அக்கரைறை,இரண்டு கவிதை அருமை.கரை சேர துடிக்கும்
கனவுகளின் கண்களும்,கரை சேர துடிக்கும் கைத் துடுப்பும்,களம் ஒன்றாய் இருப்பதை இந்த கவிதையின் கருவின் ஒலியில் அறிந்தேன். அருமை தோழரே.
வாழ்த்துக்கள் ... மகிழ்ச்சி

by பாரதிப்பிரியன் Sat Apr 24, 2010 9:44 pm

நல்ல கவிதைகள் வழிப்போக்கன் அவர்களே...அருமை...

இழந்த உயிர் இழந்ததுதான்
இருக்கும் உயிர் மீள
முட்கம்பி வேலிக்குள்
முகம் கிளிந்த - எதிர்கால
ஈழத்தின் முனகலின்று
எவர் காதில் கேட்கும்???

by வழிப்போக்கன் Fri May 07, 2010 1:28 pm

மிக்க நன்றி அப்புகுட்டி, கலைமூன், பாரதிப் பிரியன்

by வழிப்போக்கன் Fri May 07, 2010 1:37 pm

புறக்கணிப்பு

பகல் முடித்துப் போகும்
பொழுதிடைச் சூரியனின்
அகல் துடைத்து வரும் தென்றல்
கூவும் குயிலொன்றின்
ஓசை சுமந்துவரும் பொழுதினில்.....

(உன்)மனக் கூண்டிலிருந்து
ஒதுக்கப் பட்ட வேதனை
என் நிழலையும்
உண்டுவிட்ட இறுமாப்பில்
இருளாய் என்மீது பரவும்.!

மனந் தேடித் தலைகீழாய்
தவம் செய்தும்
பலனொன்றும் இன்றி
வரமான மெளனங்களுடன்....

குரலிழந்த வெளவாலாய்
சிறகிருந்தும் பறப்பதற்கு
வழிதேடித் தவிக்கின்றேன்...

(நான்)மோதி வீழும் இடங்களில்
தாங்கிக் கொள்ளக்
கரமொன்று - எனக்காகக்
கிடைத்து விடக் கூடாதா..??

பாவையாக வேண்டும்.... - Page 18 91022308

by **V.Annasamy** Fri May 07, 2010 1:44 pm

வழிப்போக்கனின் கவிதைகள் என்றும்
வாழியவே. அன்றும் இன்றும்
அழியாக் காவியங்களகவே - வழிமேல்
விழிவைத்து காத்திருக்கிறேன்.

by அன்பு தளபதி Fri May 07, 2010 1:46 pm

(உன்)மனக் கூண்டிலிருந்து
ஒதுக்கப் பட்ட வேதனை
என் நிழலையும்
உண்டுவிட்ட இறுமாப்பில்
இருளாய் என்மீது பரவும்.

சூப்பர் பாலன் அருமை

by அப்புகுட்டி Fri May 07, 2010 4:36 pm

குரலிழந்த வெளவாலாய்
சிறகிருந்தும் பறப்பதற்கு
வழிதேடித் தவிக்கின்றேன்...

(நான்)மோதி வீழும் இடங்களில்
தாங்கிக் கொள்ளக்
கரமொன்று - எனக்காகக்
கிடைத்து விடக் கூடாதா..??

ஒவ்வொரு வரிகளும் ஆழம்
நிறைந்த வரிகள் நன்றி.