பாவையாக வேண்டும்....

by வழிப்போக்கன் Thu Feb 25, 2010 3:30 pm

First topic message reminder :

முட்டை

வட்டக் கருவறையில் அடையுண்ட
வெள்ளைச் சிறை வாழ்க்கை
அன்னை மடிச்சூட்டில் உயிர் கொண்டு
முட்டி வெளிவருவோம் வெளியுலகில்!

சுற்றித் திரிந்தெம் இரைதேட
சிதறுண்ட தானியமும்
அசைவத் தீனியென
பூச்சி புழுக்களையும்
கொத்தித் தின்ன அன்னை
சொல்லித் தருவாள்..!

சுற்றி வட்டமிட்ட பருந்திடமும்
எட்டிச் சிறகடித்துப் போரிடுவாள்..
தன்னிறகுள் அழைத்தெம்மை
ஒளித்தும் காத்திடுவாள்..!

செட்டை முளைக்கு மட்டும்
சுற்றிச் சுற்றி வலம்வருவோம்
தப்பிப் பிளைத்துப் பின் பிரிந்தே
இரைதேடிப் புறப்படுவோம்...!

இரைக்கும், உயிர்க்குமாய்
எம் வாழ்க்கை அலைக் கழியும்
நாம் போடும் முட்டையிலும்
இன்னும் பல வாழ்க்கை தொடங்கும்....
தொடரும்...மீண்டும் பூச்சியமாய்...!

பாவையாக வேண்டும்.... - Page 13 Hatching

by வழிப்போக்கன் Wed Mar 24, 2010 3:57 am

Aathira wrote:
அருமை அருமை வாழ்த்துக்கள் வழி. இனியும் இனிமைக் கவிதைகள் தொடர

நன்றி ஆதிரா அவர்களே பாவையாக வேண்டும்.... - Page 13 678642

by வழிப்போக்கன் Wed Mar 24, 2010 3:58 am

Aathira wrote:

by வழிப்போக்கன் Wed Mar 24, 2010 4:01 am

srinihasan wrote:

அன்புள்ள பாலன்,

என்னை முதலில் மன்னிக்கவும்... அந்த வரிகளை நான் எழுதியது ஒரு நகைசுவை உணர்வாகதான். அதற்காக தங்களிடம் மீண்டும் மன்னிப்பு கோருகின்றேன். உங்களுக்கும் அந்த கவிதைக்கும் தொடர்பு உண்டோ என சித்தரித்து பார்க்கும் விதத்தில் அல்ல அதை எழுதியது.

தங்களின் விளக்கத்திற்கு என் நன்றிகள்......

மன்னிப்பெல்லாம் எதற்கு நண்பா சொன்னாலே புரிந்து கொள்வேன் பாவையாக வேண்டும்.... - Page 13 154550

by வழிப்போக்கன் Wed Mar 24, 2010 4:04 am

விருட்சம்

பாவையாக வேண்டும்.... - Page 13 Im0807-08_banyan

தேனுண்ணும் வண்டிலும்
தென்றலின் தேரிலும்
பயணம் செய்வேன்!
பூக்களைக் கருவாக்கி
கனிகளின் விதைகளின்
கருவறையில் சிறையுறுவேன்...!

மனிதனும் பற் பல மிருகமும்
கனிகளின் சதைகளை உண்டபின்
பூமியில் புதை படுவேன்....!

காலத்தின் வருகைக்காய்
கனகாலம் காத்திருந்து
கருவறைச் சிறை உடைத்து
பூமியை பிளந்தெழுவேன்...!

வீரிய வேர்களின் வேதனையிலும்
வானத்தை நோக்கி தலை நிமிர்வேன்!
மண்ணினில் உயிர்களின் வாழ்வுக்கும்
விண்ணினில் மழை மேகம் கூடுதற்கும்
நான் தான் வழி சமைப்பேன்...!

என் கிளைகள் பரவும்
கிளைகளில் இருந்தும்
விழுதுகள் தோன்றும்!
வேர்கள் வியாபித்து
வெளிவந்து குட்டிகள் ஈணும்...!

பூத்துக் காய்த்து கனிதந்து
விதை கொண்டுமென்
சந்ததி வளரும் - நான்
விருட்சம்!!!
பாவையாக வேண்டும்.... - Page 13 Virutcham1

பாவையாக வேண்டும்.... - Page 13 Virutcham1

by தமிழ் Wed Mar 24, 2010 4:13 am

அருமையான கவிதை வாழ்த்துக்கள் தோழர் பாவையாக வேண்டும்.... - Page 13 677196

by வழிப்போக்கன் Wed Mar 24, 2010 4:20 am

tamilsagi wrote:அருமையான கவிதை வாழ்த்துக்கள் தோழர்

மிக்க நன்றி தமிழ்சகி பாவையாக வேண்டும்.... - Page 13 678642

by srinihasan Wed Mar 24, 2010 4:34 am

//வீரிய வேர்களின் வேதனையிலும்
வானத்தை நோக்கி தலை நிமிர்வேன்!
மண்ணினில் உயிர்களின் வாழ்வுக்கும்
விண்ணினில் மழை மேகம் கூடுதற்கும்
நான் தான் வழி சமைப்பேன்...!//

பாவையாக வேண்டும்.... - Page 13 677196

பிறர்வாழவே என்றும் சுயநலமில்லாதவன்...
எத்தனை பிறப்பு எடுத்தாலும்
எல்லாவற்றையும் இழந்துக்கொண்டே இன்றும்...

மரத்தை காப்போம்...
மழையும், வளமும் பெறுவோம்...

by வழிப்போக்கன் Wed Mar 24, 2010 5:13 am

srinihasan wrote://வீரிய வேர்களின் வேதனையிலும்
வானத்தை நோக்கி தலை நிமிர்வேன்!
மண்ணினில் உயிர்களின் வாழ்வுக்கும்
விண்ணினில் மழை மேகம் கூடுதற்கும்
நான் தான் வழி சமைப்பேன்...!//

பிறர்வாழவே என்றும் சுயநலமில்லாதவன்...
எத்தனை பிறப்பு எடுத்தாலும்
எல்லாவற்றையும் இழந்துக்கொண்டே இன்றும்...

மரத்தை காப்போம்...
மழையும், வளமும் பெறுவோம்...