2010 - 11ம் ஆண்டுக்கான ரெயில்வே பட்ஜெட்...!!!

**Tamilzhan** · **Tamilzhan** Wed Feb 24, 2010 7:45 pm

2010 - 11ம் ஆண்டுக்கான ரெயில்வே பட்ஜெட்டை மத்திய ரயில்வே துறை அமைச்சர் மம்தா பானர்ஜி பாராளுமன்றத்தில் இன்று தாக்கல் செய்தார். மம்தாவின் 14 புதிய திட்டங்களுக்கு நிதி அமைச்சர் பிரணாப் முகர்ஜி அனுமதி அளித்துள்ளார்.

மத்தியில் இரண்டாவது முறையாக பதவி ஏற்றுள்ள ஐக்கிய முற்போக்கு கூட்டணி அரசில், மம்தா பானர்ஜி தாக்கல் செய்யும் 2 வது ரெயில்வே பட்ஜெட் இது. ரெயில்வே அமைச்சர் மம்தாபானர்ஜி, பட்ஜெட்டை தாக்கல் செய்து உரையாற்றினார்.

மம்தா உரையில், பயணிகள் கட்டணத்தில் மாற்றமில்லை. மேற்கு வங்காளத்தில் 14 புதிய இருப்பு பாதைகள் அமைப்பு. இருப்பு பாதை மேம்பாட்டிற்கு 10 சதவீத அதிக நிதி ஒதுக்கீடு. பணிகளை விரைந்து முடிக்க சிறப்பு பணிக்குழு அமைப்பு. பயணிகளுக்கு குறைந்த விலையில் சுத்திக்கரிக்கப்பட்ட குடிநீர் வசதிகள் செய்து தரப்படும்.

பயணிகள் பாதுக்காப்பிற்காக ரெயில்வே பாதுக்காப்பு படை பலபடுத்தப்படும். முன்னாள் ராணுவ வீரர்கள் ரெயில்வே பாதுக்காப்பு படையில் பணி அமர்த்தப்படுவார்கள். ரெயில்வேக்கு சொந்தமான இடங்களில் கல்வி நிறுவனங்கள் அமைக்க ஏற்பாடு. கோரக்பூரில் ரெயில்வேயின் ஆராய்ச்சி மையம் அமைக்கப்படும்.. ரெயில் பெட்டி உற்பத்தி 200 லிருந்து 275 அக அதிகரிப்பு. ரேபெரலியில் ரெயில் உற்பத்தி தொழிற்சாலை விரைவில் தொடங்கப்படும் என்றார்.

**Tamilzhan** · **Tamilzhan** Wed Feb 24, 2010 7:47 pm

மம்தா உரையில், மக்களை இணைப்பது மத்திய அரசின் முக்கிய குறிக்கோள். ரயில்வேயில் முக்கிய கட்டமைப்பு வசதிகளை மேம்படுத்துவது முக்கிய நோக்கம். ரயில்வேயில் குறுகிய மற்றும் நீண்ட கால திட்டங்கள் வகுத்து செயல்படுத்தப்படும். எக்காரணம் கொண்டும் ரயில்வே துறையை தனியார் வசம் ஒப்படைக்கப்பட மாட்டாது என்று தெரிவித்த மம்தா பானர்ஜி, ரயில்வேயுடன் இணைந்து செயல்பட தொழில் அதிபர்களுக்கு அழைப்பு விடுத்துள்ளார்.
ரெயில்வே துறைக்கு கட்டாயமாக நிலம் கையகப்படுத்தபட மாட்டாது. மேலும் நிலம் தரும் குடும்பத்தில் ஒருவருக்கு வேலை வழங்கப்படும். மரபுசாரா இனத்தில் இருந்து வருமானம் ரூ 150 கோடியில் இருந்து ரூ 1000 கோடியாக அதிகரிக்கும். கடந்த ஆண்டை விட 54 மில்லியன் டன் எடை அதிகமாக 944 மில்லியன் டன் எடை உள்ள பொருள்கள் கையாளப்படும். வரும் நிதியாண்டின் வருமான இலக்கு ரூ. 94, 765 கோடிகள் என்றார்.

இன்னும் 10 ஆண்டுகளில் 25 ஆயிரம் கிலோ மீட்டர் தொலைவுக்கு ரயில் பாதை அமைக்க இலக்கு நிர்ணயிக்கப்பட்டுள்ளது. அடுத்த ஒரு ஆண்டில் 1000 கிலோ மீட்டர் தொôலைவுக்கு ரயில் பாதை அமைக்க இலங்கை நிர்ணயிக்கப்பட்டுள்ளது. நாடு முழுவதும் 93 ரயில் நிலையங்கள் நவீன மயமாக்கப்படும். ரயில்களில் சுகாதாரத்தை அதிகரிக்க முன்னுரிமை அளிக்கப்படும்.

ஆளில்லாத 4 ஆயிரம் லெவல் கிராசிங்கில் ஊழியர்கள் நியமிக்கப்படுவர். சரக்கு கட்டணம் உயர்த்தப்படாது. சரக்கு போக்குவரத்துக்கு புதிய தொழில் நுட்பம் அறிமுகப்படுத்தப்படும். ரயில்வே துறையில் லாபம் அளிக்கும் தொழில்களை அறிமுகப்படுத்த திட்டம் வகுக்கப்படும் என்றார்.