தேசிய அளவி்ல் காங். கூட்டணி முன்னிலை

தேசிய அளவி்ல் காங். கூட்டணி முன்னிலை-

டெல்லி: நடந்து முடிந்த மக்களவைத் தேர்தலில் தேசிய அளவி்ல் காங்கிரஸ் அணியே கூடுதல் இடங்களைக் கைப்பற்றும் என்று டைம்ஸ் ஆப் இந்தியா நாளிதழும் அதன் 'டைம்ஸ் நவ்' தொலைக்காட்சியும் கருத்து வெளியிட்டுள்ளன.

டைம்ஸ் ஆப் இந்தியா-'டைம்ஸ் நவ்' ஆகியவை கருத்துக் கணிப்போ, எக்ஸிட் போல் கணிப்போ நடத்தவில்லை. தனது செய்தியாளர்கள் வழங்கிய கருத்துக்களின் அடிப்படையில் யார் எத்தனை இடங்களில் வெல்வார்கள் என்று கணித்து ஒரு முடிவை அவை வெளியிட்டுள்ளன.

அதில், தேசிய அளவி்ல் காங்கிரஸ் அணியே கூடுதல் இடங்களைக் கைப்பற்றும் என்றும், இருப்பினும் இது தேசிய ஜனநாயகக் கூட்டணியை விட பெரிய அளவில் அதிகம் இருக்காது என்றும் தெரிவிக்கப்பட்டுள்ளது.

அதன் விவரம்:

ஐக்கிய முற்போக்குக் கூட்டணிக்கு 198 சீட்களும், தேசிய ஜனநாயகக் கூட்டணிக்கு 183 இடங்களும், மூன்றாவது அணிக்கு 112 சீட்களும் கிடைக்கலாம்.

காங்கிரஸ் கட்சிக்கு 154 சீட்களும், அதன் கூட்டணிக் கட்சிகளுக்கு 44 சீட்களும் கிடைக்கலாம்.

பாஜகவுக்கு 142 சீட்களும், அதன் கூட்டணிக் கட்சிகளுக்கு 41 சீட்களும் கிடைக்கலாம்.

3வது அணியில், இடதுசாரிகளுக்கு 38 சீட்கள், பகுஜன் சமாஜ் கட்சிக்கு 27, அதிமுக கூட்டணிக்கு 24, தெலுங்கு தேசம் கூட்டணிக்கு 20, மதச்சார்பற்ற ஜனதாதளத்திற்கு 3 ிடைக்கும்.

சமாஜ்வாடி கட்சிக்கு 23, பிஜூஜனதாதளத்திற்கு 8, லாலு- பாஸ்வான் கூட்டணிக்கு 6, பி.ஆர்.பி. 4, ஏயூடிஜி 1, எஸ்டிஎப்1, என்பிஎப்1, எச்ஜேசி 1, ஜார்க்கண்ட் முக்தி மோர்ச்சா 2,மற்றும் சுயேச்சைகள் 6 என கணக்கிடப்பட்டுள்ளது.

ஆட்சி அமைக்கத் தேவையான 272 சீட்கள் இரு அணிக்கும் இல்லை. எனவே மூன்றாவது அணியின் உதவி அல்லது பகுஜன் சமாஜ் கட்சி போன்றவற்றின் ஆதரவு கண்டிப்பாக இரு அணிகளுக்கும் தேவைப்படும்.

ஜெயலலிதா மற்றும் மாயாவதி ஆகியோர் கிங் மேக்கர்களாக உருவெடுக்கிறார்கள்.

மாநில வாரியாக கிடைக்கக் கூடிய சீட்களின் எண்ணிக்கை...

பீகார் - காங் 3, தேசியவாத காங்கிரஸ் 1, பாஜக 10, ஐக்கிய ஜனதாதளம் 19, இடதுசாரிகள் 1, ஆர்ஜேடி 4, எல்ஜேபி 2.

அஸ்ஸாம் - காங்கிரஸ் 5, பிபிஎப் 1, பாஜக 4, ஏஜிபி 3, ஏயுடிஎப் 1.

வட கிழக்கு மாநிலங்கள் (மேகலாயா, மணிப்பூர்,மிஸோரம், திரிபுரா,நாகாலாந்து, சிக்கிம் - மொத்தம் 10 சீட்கள்)

காங்கிரஸ் - 4, தேசியவாத காங்கிரஸ் 1, இடதுசாரிகள் 2, என்பிஎப் 1, எஸ்எப் 1.

ம.பி. - பாஜக 23, காங்கிரஸ் 6.

குஜராத் - பாஜக 19, காங்கிரஸ் 7.

ராஜஸ்தான் - காங் 12, பாஜக 11, சுயேச்சைகள் 2.

ஒரிசா - காங்கிரஸ் 9, பாஜக 4, பிஜூ ஜனதாதளம் 8.

பஞ்சாப் - காங்கிரஸ் 9, பாஜக 1, அகாலிதளம் 3.

கேரளா - காங்கிரஸ் 12, இடதுசாரிகள் 5, முஸ்லீம் லீக் 2, கேரளா காங்கிரஸ் மணி 1.

கர்நாடகா - பாஜக 16, காங்கிரஸ் 9, மதச்சார்பற்ற ஜனதாதளம் 3.

மகாராஷ்டிரா - பாஜக 13, காங்கிரஸ் 12, தேசியவாத காங்கிரஸ் 11,
எஸ்எச்எஸ் 12.

உ.பி. - பகுஜன் சமாஜ் 28, சமாஜ்வாடி 22, பாஜக 14, காங்கிரஸ் 13, ராஷ்டிரிய லோக்தளம் 3.

மேற்கு வங்கம் - இடதுசாரிகள் 24, திரினமூல் காங்கிரஸ் 11, காங்கிரஸ் 5, பாஜக 1, எஸ்யூசிஐ 1.

தமிழ்நாடு - அதிமுக கூட்டணி 23, திமுக 7, காங்கிரஸ் 4, இடதுசாரிகள் 4.


தட்ஸ்தமிழ்