ஒரு காமெடியனுக்குள்ளே மனிதாபிமான ஹீரோ!

by அப்புகுட்டி Tue Feb 23, 2010 2:41 am

ஒரு காமெடியனுக்குள்ளே மனிதாபிமான ஹீரோ!

கஞ்சா கருப்பு படிக்காத பாமரனாக இருக்கலாம்… மழைக்குக் கூட பள்ளிக்கூடத்தின் பக்கம் ஒதுங்காதவர்தான். ஆனால் அவர் செய்துள்ள ஒரு காரியம், அவரைப் பெரிய மனிதனாக்கியிருக்கிறது.
விவரத்தை அவரது வெள்ளந்தியான வார்த்தைகளிலேயே படியுங்கள்…
“அண்ணே… படிப்பு வாசமே இல்லாத நான் இன்னிக்கு ஏதோ அதிர்ஷ்டத்தால நல்லாவே சம்பாதிக்கறேண்ணே… காசிருந்தா மட்டும் போதுமா… படிக்காம போயிட்டமேன்னு இப்பவும் உள்ளுக்குள்ள ஒரு குறை இருக்கத்தாண்ணே செய்யுது.
என்னய மாதிரி பணம், காசு இல்லங்கிற காரணத்துக்காக யாரும் படிக்காம இருந்துறக் கூ‌டாதுண்ணே… பெரியவங்க சொன்ன மாதிரி பிச்சை எடுத்துன்னாலும் படிச்சிரணும்ணே… கொஞ்சம் கையில காசு சேர ஆரம்பிச்சதுலருந்து எனக்கு ஒரு யோசனை. அதாவது, பெருசா ஒரு பள்ளிகோடம் கட்டி, அதுல என்னைய மாதிரி கஷ்டப்படற பசங்க எல்லாத்துக்கும் இலவசமா கத்துக்குடுக்கணும்ணு.
இப்பத்தாண்ணே சங்கீதான்ற பிள்ளைய கல்யாணம் முடிச்சேன். அவுங்க ரெம்ப படிச்சிருக்காங்கண்ணே (பிஸியோதெரபிஸ்ட்)…
இப்ப சீக்கிரமே சென்னையில வேலைக்கி போயிருவாங்க. பெரிய ஆஸ்பத்திரில வேலை கிடைச்சிருமாம். சம்பளமும் நிறைய கிடைக்குமாம்.
நான் இப்ப ஒரு முடிவு எடுத்திருக்கேன். அதாவது, அவுங்க வாங்குற சம்பளத்துல பாதிய என்னோட மாமனார் மாமியாருக்கு குடுத்துடணும்னு கண்டிப்பா சொல்லிட்டேன். அந்த புள்ளய படிக்க வெச்சது அவுங்க அப்பா – அம்மாதானேண்ணே…. அதான் இந்த முடிவு. இன்னொரு பாதிய, ஏழைப்புள்ளைங்க படிப்பு செலவுக்கு கொடுத்துடப் போறோம். இது நானும் சங்கீதாவும் சேர்ந்து எடுத்த முடிவு. நானும் அப்பப்போ இதுக்கு காசு தருவேன்.. என்னண்ணே சொல்றீங்க..?” என்று நம்மைப் பார்த்துச் சிரித்தார்.
வெல்டன் வெல்டன். பேருதான்யா கருப்பு… குணத்துல தங்கம்யா!