உன்னை நினைத்து..

jesudoss · jesudoss Mon Sep 19, 2011 12:35 pm

சில தினங்கள் திங்கள்களாவதும்
சில திங்கள்கள் வருடங்களாவதும் உலகின் நியதி
பல வருடங்களும் சில விநாடிகளாயின
செலவழிந்த அந்த சில தருணங்கள்
உன்னை நினைத்து..
நிறைந்தது என் அறை காகிதக் கசக்கல்களால்
எழுப்பினேன் ஒரு சிறு காகித மலை
கவிதைகள் இனிக்கவில்லை என் நாவினின்று
இருந்தும் கசக்கவில்லை அந்த சில நொடிகள்
அதுவும் உன்னை நினைத்து..
சுட்டெரிக்கும் சூரியனும் குளிரச் செய்தான்
அழு குரலும் என் காதினிலே சங்கீதமாயிற்று
சந்தங்கள் தேடினேன் ஒவ்வொரு சப்தத்திலும்
ஓய்ந்துவிடவில்லை இதுவே தினசரி தொடர்ந்தும்
அதுவும் உன்னை நினைத்து..
எட்டுத்திக்கும் மழை கொட்டவும்
சிலிர்த்துக்கொண்டேன் தூவானம் தெறித்தாற் போல்
எண்ணற்ற தடவைகள் எனையறியாமல்
பரிசழித்தேன் என் முகத்தை கண்ணாடிக்கு
புன்னகைத்தேன் வெறும் தென்றல் நோக்கி
அதுவும் உன்னை நினைத்து..

கவிஞர்:துயிலகா