வண்ணத்துப் பூச்சி

சாந்தன் · சாந்தன் Sat Feb 20, 2010 2:57 pm

எத்தனை முறை தேடினாலும்
வாக்காளர் பட்டியலில் எப்படி
உனது பெயர்இருக்கும்?
வண்ணத்துப் பூச்சிகளுக்கெல்லாம்
வாக்குரிமை கிடையாது
என்பது உனக்குத் தெரியாதா?

வண்ணத்துப் பூச்சியின் அவதாரமா நீ?
காப்பியை விடுத்து
தே(ன்)நீரை மட்டுமே நீ திரும்பத் திரும்ப
குடிக்கும் போதே எனக்கு சந்தேகம்!

உனக்கு மட்டும் எப்படி பஞ்சுக் கைகள்?
இறக்கையாய் இருந்திருக்க வேண்டியவை
இரு கையாய் இருப்பதால் தானோ?

உன்னை வண்ணத்துப் பூச்சியாக்கியதில்
எனக்கு ஒரு சந்தோஷம்!
பூவாக என்னை இந்த ஒரு கவிதையிலேனும்
உருவகப் படுத்த முடிந்ததால்!

வண்ணத்து பூச்சி நீ ஆனது அவதாரம்!
உன்னிடம் நான் மாட்டியது அபராதம்!
இப்படி நீ முறைகாதே! அப்பப்பா... செம காரம்!

உன் விரல் தொட இந்தப்பூ ஏங்க....
எப்போது கேட்பாய் என்னிடம் ஏகப்பட்ட "ஏங்க....?"*

====================================

நன்றி : சுட்டது இணையத்தில்