'குளோனிங்' முறையில் சவுக்கு, யூகலிப்டஸ் மரக்கன்றுகள் :

'குளோனிங்' முறையில் சவுக்கு, யூகலிப்டஸ் மரக்கன்றுகள் : கோவை வனக்கல்லூரி சாதனை



கோவை: கோவை வன மரபியல் கல்லூரியில் சவுக்கு, யூகலிப்டஸ் மரங்களின் எட்டு
"குளோன்கள்' உருவாக்கப்பட்டுள்ளன. புதிய குளோனிங் மரக்கன்றுகளை மத்திய
சுற்றுச்சூழல் மற்றும் வன பாதுகாப்பு துறை அமைச்சர் ஜெய்ராம் ரமேஷ் நேற்று
வெளியிட்டார். கோவை வன மரபியல் கல்லூரியில், "மானாவாரி பூமியில் மரம் வளர்ப்பு'
பற்றிய இரண்டு நாள் கருத்தரங்கு துவங்கியது. கருத்தரங்கையொட்டி, இக்கல்லூரி
விஞ்ஞானிகளால் "குளோனிங்' முறையில் உருவாக்கப்பட்ட சவுக்கு, யூகலிப்டஸ்
மரக்கன்றுகளை, மத்திய அமைச்சர் ஜெய்ராம் ரமேஷ் வெளியிட்டார். அவர் பேசியதாவது:
இந்தியாவில் முதல் முறையாக வரலாற்று சிறப்பு மிக்க இரண்டு மரங்களின் குளோன்கள்
வெளியிடப்பட்டுள்ளன. தமிழகம், கேரளா, ஆந்திர மாநிலங்களில் இந்த குளோனிங்
மரக்கன்றுகள் பயிரிடப்படவுள்ளன. இந்த மரங்களின் "பெற்றோர் மரங்கள்' ஆஸ்திரேலியாவில்
இருந்து கொண்டு வரப்பட்டவை.
அடுத்த ஆண்டு "அக்கேசியா' மரங்களின் குளோன்களையும்
உருவாக்க வேண்டும். கோவை வன மரபியல் கல்லூரியின் வளர்ச்சிக்கு மத்திய
சுற்றுச்சூழல், வனபாதுகாப்புத் துறை பல்வேறு திட்டங்களை செயல்படுத்தி வருகிறது.
அடுத்த மூன்றாண்டுகளில் இம்மையத்தின் வளர்ச்சிக்கு 25 கோடி ரூபாய் ஒதுக்கப்பட
உள்ளது.
பி.டி., கத்தரிக்காய் விவகாரத்தில் அனைவரும் என்னை குற்றவாளி போல்
பார்க்கின்றனர். நான் அறிவியலுக்கு எதிரானவன் அல்ல; அறிவியல் வளர்ச்சியை தீவிரமாக
ஆதரிப்பவன். இந்தாண்டு டிசம்பரில் டேராடூனில் முதல் இந்திய வன மாநாடு
நடைபெறவுள்ளது. இரண்டாவது மாநாட்டை கோவையில் 2011ல் நடத்த விரும்புகிறேன். இன்றைய
விவசாயிகள் வேளாண்மை சார்ந்த காடு வளர்ப்பு (அக்ரோ பாரஸ்ட்ரி) முறையை பின்பற்ற
வேண்டும். இது விவசாயிகளுக்கும் நாட்டுக்கும் பலன் தரும். வேளாண்மை சார்ந்த காடு
வளர்ப்பு திட்டம் வெற்றி பெறுவதில் விஞ் ஞானிகளின் பங்கு முக்கியம். அக்கேசியா மர
வகை 405 ஆண்டுகள் சுழற்சியும், யூகலிப்டஸ் ஏழு ஆண்டுகள் சுழற்சியும் கொண் டவை.
விவசாயிகளால் அவ்வளவு ஆண்டுகள் காத்திருக்க முடியாது. ஆகவே, இரண்டு மூன்று ஆண்டுகள்
சுழற்சி உள்ள மரங்களை உருவாக்க வேண்டும்.
இன்று இந்தியா கடும் காலநிலை
மாற்றங்களால் சிரமப்படுகிறது. வெப்பம் அதிகரித்து வருகிறது. நிரந்தர பருவமழை இல்லை.
வறண்ட நாட்கள் அதிகரித்து வருகின்றன. காலநிலை மாற்றங்களை தாங்கி வளரக் கூடிய தாவர
உற்பத்தி தேவை. இவ்வாறு, அமைச்சர் ஜெய்ராம் ரமேஷ் பேசினார். கலெக்டர் உமாநாத்,
மாநில திட்டக்குழு உறுப் பினர் குமாரவேல், வனக்கல்லூரி முதல்வர் கிருஷ்ணகுமார்,
கேரள, தமிழக வன பாதுகாவலர் கள், வன அலுவலர்கள், ஆராய்ச்சியாளர்கள், விவசாயிகள்
பங்கேற்றனர். இந்த கருத்தரங்கு இன்று நிறைவு பெறுகிறது