கம்ப்யூட்டர் பத்து வகை

சாந்தன் · சாந்தன் Fri Feb 19, 2010 3:26 pm

பெர்சனல் கம்ப்யூட்டர் என்று சொல்கையில் உடனே
நாம் அன்றாடம் வீட்டில் அல்லது அலுவலகத்தில் பயன்படுத்தும் கம்ப்யூட்டர்கள்
நினைவிற்கு வருகிறது. லேப் டாப் என்று சொல்கையில் சிலருக்கு அவர்கள்
பயன்படுத்தும் கம்ப்யூட்டரும், பலருக்கு அவர்களின் அதிகாரிகள் அல்லது
வளரந்து வேலை பார்க்கும் அல்லது உயர் கல்வி படிக்கும் பிள்ளைகள்
பயன்படுத்தும் கம்ப்யூட்டர்கள் நினைவிற்கு வருகின்றன. ஆனால் இன்னும்
சிலவகைக் கம்ப்யூட்டர்களும் புழக்கத்தில் உள்ளன. அவை குறித்து இங்கு
காணலாம்.

மைக்ரோ ப்ராசசர் பயன்படுத்தும் எந்த சாதனத்தையும்
கம்ப்யூட்டர் என்று கூறலாம். ஆனால் நாம் எண்ணுவதெல்லாம் மவுஸ் அல்லது கீ
போர்டு வழியாக தகவல்களை அனுப்பி ஏதேனும் ஒரு நவீன வழியில் அவற்றை ஒரு
செயல்முறைக்கு உள்ளாக்கி முடிவுகளைத் திரையில் காட்டும் சாதனத்தை மட்டுமே
கம்ப்யூட்டர் எனக் கொண்டுள்ளோம். இங்கு அதன் வகைகளைப் பற்றி காணலாம்.

சாந்தன் · சாந்தன் Fri Feb 19, 2010 3:26 pm

1. பெர்சனல் கம்ப்யூட்டர்: ஒரு நேரத்தில்
ஒருவர் பயன்படுத்தும் வகையில் பொதுவான பல பயன்பாடுகளுக்கான ஒரு
கம்ப்யூட்டர். மேக் ( Mac) என்பதுவும் ஒரு பெர்சனல் கம்ப்யூட்டர் தான்.
ஆனால் நம்மில் பலர் விண்டோஸ் அல்லது லினக்ஸ் ஆப்பரேட்டிங் சிஸ்டம்
பயன்படுத்தும் கம்ப்யூட்டரை மட்டுமே பெர்சனல் கம்ப்யூட்டர் என்று
சொல்கிறோம்.

2. டெஸ்க்டாப்: எங்கும் எளிதில் எடுத்துச் சென்று
பயன்படுத்த முடியாத, ஒரு மேஜை மீது வைத்துப் பயன்படுத்தக் கூடிய
கம்ப்யூட்டரே டெஸ்க் டாப் கம்ப்யூட்டர். பொதுவாக இதனை ஒரு நிலையான இடத்தில்
வைத்துப் பயன்படுத்துகிறோம். பெரும்பாலான டெஸ்க்டாப் கம்ப்யூட்டர்கள்
நமக்கு அதிக செயல்திறனை அளிக்கின்றன. அத்துடன் தகவல்களை ஸ்டோர் செய்திடும்
வசதியையும் தருகின்றன.

சாந்தன் · சாந்தன் Fri Feb 19, 2010 3:26 pm

3. லேப்டாப்: இதனை நோட்புக் கம்ப்யூட்டர்
என்றும் அழைக்கின்றோம். எங்கும் எடுத்துச் சென்று எளிதாகப் பயன்படுத்தக்
கூடிய கம்ப்யூட்டர்களே லேப்டாப் கம்ப்யூட்டர்கள். டிஸ்பிளே, கீ போர்டு,
பாய்ண்ட்டிங் டிவைஸ் அல்லது ட்ரேக் பால், ப்ராசசர், மெமரி, ஹார்ட் டிரைவ்
என அனைத்துக் கொண்டு பேட்டரியின் திறனிலும் செயல்படக் கூடிய கம்ப்யூட்டர்
இது. ஒரு பெரிய ஹார்ட் பவுண்ட் புத்தகத்தைக் காட்டிலும் சற்றுப் பெரிதாக
இருக்கும். இப்போது இதன் அளவும் குறைந்து வருகிறது.

4.பி.டி.ஏ.(PDA):
பெர்சனல் டிஜிட்டல் அசிஸ்டன்ட் (Personal Digital Assistant)என்பதன்
சுருக்கம். இதில் மெமரியைத் தர ஹார்ட் டிஸ்க்குக்குப் பதிலாக பிளாஷ் டிரைவ்
பயன்படுகிறது. இதில் வழக்கமாக கீ போர்டு இருக்காது. டச் ஸ்கிரீன் தொழில்
நுட்பம் வழி தகவல் உள்ளீடு செயப்படும் செயல்பாடு தான் இதன் அடிப்படை. ஒரு
பேப்பர்பேக் நாவலைக் காட்டிலும் சிறியதான அளவில் இது கிடைக்கிறது. எடையும்
குறைவு; பேட்டரியில் இயங்குவது. இந்த அளவில் சற்று அதிகமான அளவில் உள்ளதை
ஹேண்ட் ஹெல்ட் (Handheld Computer) கம்ப்யூட்டர் என்று அழைக்கப்படுகிறது.

சாந்தன் · சாந்தன் Fri Feb 19, 2010 3:27 pm

5. ஒர்க் ஸ்டேஷன் (Work Station): இதுவும்
ஏறத்தாழ ஒரு டெஸ்க் டாப் கம்ப்யூட்டர் தான். ஆனால் சாதாரண பெர்சனல்
கம்ப்யூட்டரைக் காட்டிலும் அதிகத் திறன் கொண்ட ப்ராசசர் இதில் இருக்கும்.
கூடுதல் மெமரி தரப்பட்டிருக்கும். பல பணிகளை இணைத்துச் செயல்படுத்த கூடுதல்
சிறப்பு வழிகள் இதில் உண்டு. முப்பரிமாண கிராபிக்ஸ் பேக்கேஜ் மற்றும்
கேம்ஸ் தயாரிக்கும் பணிகளை இதில் மேற்கொள்ளலாம்.

6.சர்வர்
(Server): ஒரு நெட்வொர்க் மூலமாக பல கம்ப்யூட்டர்களுக்குத் தேவையான
சாப்ட்வேர் அப்ளிகேஷன் மற்றும் தகவல்களைத் தரும் கம்ப்யூட்டர். பொதுவாக
சர்வர்களாகச் செயல்படும் கம்ப்யூட்டர்கள் அதிகத் திறன் கொண்ட ப்ராசசர்களைக்
கொண்டிருக்கும். ஏகப்பட்ட அளவில் ராம் மெமரியும், அதே அளவிற்கு ஈடு
கொடுக்கும் அளவில் ஹார்ட் டிஸ்க்கும் கொண்டிருக்கும்.

சாந்தன் · சாந்தன் Fri Feb 19, 2010 3:27 pm

7. மெயின் பிரேம் (Mainframe):
கம்ப்யூட்டர்கள் பயன்பாட்டிற்கு வந்த தொடக்க காலத்தில் இந்த வகைக்
கம்ப்யூட்டர்கள் ஒரு பெரிய அறை முழுவதையும் எடுத்துக் கொண்டு
அமைக்கப்பட்டிருக்கும். ஏன், ஒரு மாடிக் கட்டடத்தில் முழு தளத்தையும்
எடுத்துக் கொண்டிருக்கும். பிற்காலத்தில் கம்ப்யூட்டர்களின் அளவு குறைந்து
கொண்டே வர மெயின் பிரேம் கம்ப்யூட்டர் என்பது என்டர்பிரைஸ் சர்வரைக்
குறிக்கும் சொல்லாகப் பயன்படுத்தப்பட்டது. இப்போது கூட பெரிய நிறுவனங்களில்
மெயின் பிரேம் கம்ப்யூட்டர் என்ற சொல்லை அவர்களின் கம்ப்யூட்டர் களுக்குப்
பயன்படுத்துவதனைப் பார்க்கலாம். இவை எல்லாம் ஒரு நேரத்தில் பல
லட்சக்கணக்கான தகவல்களை செயல் பாட்டிற்கு எடுத்துக் கொண்டு கண்ணி மைக்கும்
நேரத்தில் தகவல்களைத் தரும் திறன் கொண்டவை.

8. மினி
கம்ப்யூட்டர் (Mini Computer): இந்த சொல் தற்போது அவ்வளவாகப்
பயன்படுத்தப்படுவதில்லை. பெர்சனல் கம்ப்யூட்டருக்கும் மெயின் பிரேம்
கம்ப்யூட்டருக்கும் இடை நிலையில் இயங்கி வந்த கம்ப்யூட்டர்களைக் குறிக்க
இந்த சொல் பயன்படுத்தப்படுகிறது. இவற்றை மிட் ரேஞ்ச் சர்வர் (Mid Randge
Server)என்றும் அழைக்கின்றனர்.

சாந்தன் · சாந்தன் Fri Feb 19, 2010 3:27 pm

9. சூப்பர் கம்ப்யூட்டர் (Super Computer):
கோடிக்கணக்கில் பணம் செலவழித்தால் தான் இத்தகைய கம்ப்யூட்டர் ஒன்றை
வடிவமைக்க முடியும். சில சூப்பர் கம்ப்யூட்டர்கள் தனிக் கம்ப்யூட்டர்களாகச்
செயல்பட்டாலும் கூடுதல் திறன் கொண்ட பல கம்ப்யூட்டர்கள் ஒரே நேரத்தில்
இணையாகச் செயல்படும் கூட்டுக் கம்ப்யுட்டராகத்தான் இது அமையும். கிரே
சூப்பர் கம்ப்யூட்டர்ஸ் என்ற நிறுவனம் இத்தகைய கம்ப்யூட்டர்களைத்
தயாரித்துத் தருகிறது.

10. வேரபிள் கம்ப்யூட்டர் (Wearable
Computer): கம்ப்யூட்டர் உலகில் அண்மைக் காலத்தில் வந்து அனைவரின்
பாராட்டுதலைப் பெற்ற ஒரு வகை கம்ப்யூட்டர் இது. ஒரு கம்ப்யூட்டரில் நாம்
மேற்கொள்ளும் அன்றாட அத்தியாவசிய செயல்பாடுகளை (email, database,
multimedia, calendar/scheduler) ஒரு கடிகாரம், மொபைல் போன், ஏன் ஆடைகளில்
கூட கிடைக்கும்படி அமைக்கப்பட்டுப் பயன்படுத்தப்படுவதே வேரபிள்
கம்ப்யூட்டர் என அழைக்கப்படும் அணியக் கூடிய கம்ப்யூட்டர்.

**Manik** · **Manik** Fri Feb 19, 2010 3:30 pm

அட அட அட கம்ப்யூட்டரை தனித்தனியா பிரிச்சு அழகா சொல்லிருக்கீங்க அண்ணா சூப்பர்........

நம்ம ஈகரைல விரைவில் ஹார்ட்வேர் கிளாஸ் ஸ்டார்ட் ஆகப்போகுது அதுக்கு நீங்க தான் டீச்சர்

சாந்தன் · சாந்தன் Fri Feb 19, 2010 3:34 pm

ஏதோ என்னால முடிஞ்சதை செய்யறேன் கம்ப்யூட்டர் பத்து வகை 678642

**Manik** · **Manik** Fri Feb 19, 2010 3:36 pm

கண்டிப்பாக

சாந்தன் · சாந்தன் Fri Feb 19, 2010 5:02 pm

Manik wrote:கண்டிப்பாக

நன்றி மணி கண்ணா கம்ப்யூட்டர் பத்து வகை 678642

Sponsored content · Sponsored content

கம்ப்யூட்டர் பத்து வகை

கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

Re: கம்ப்யூட்டர் பத்து வகை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக