பெண்களின் அழகு மோகம்- ருசிகர சர்வே

`லிப்ஸ்டிக்' என்ற உதட்டுப் பூச்சு, நடிகைகள், தொலைக்காட்சி நிகழ்ச்சிகளில் தோன்றுபவர் கள், மேல்தட்டு மக்களுக்கானது என்ற நிலை யெல்லாம் தற்போது மாறிவருகிறது. நடுத்தர வர்க்கப் பெண்களும் `லிப்ஸ்டிக்' போட்டுக் கொள்ள விரும்புகிறார்கள். பொதுவாக இந்தியா வில் தற்போதைய நெருக்கடி நிலையைத் தாண்டி அழகு சாதனங்களின் விற்பனை அசத்தலாகவே இருக்கின்றன என்கின்றனர், பொருளாதார நிபுணர்கள்.

உலகிலேயே வேகமாக வளர்ந்துவரும் அழகு சந்தைகளுள் ஒன்று இந்தியா. அதாவது ஆண்டுக்கு 13 சதவீத வளர்ச்சி. மொத்த மதிப்பு உத்தேசமாகக் கூறினால் 30 ஆயிரம் கோடி ரூபாய்களுக்கு மேல். உலக சந்தை வளர்வதைப் போல இருமடங்கு வேகத்தில் இந்திய அழகு சந்தை வளர்ந்து வருகிறது. இந்தியப் பெண்கள் தங்கள் அழகை மெரு கூட்ட அழகு சாதனப் பொருட்களின் உதவியை நாடுவதை இது தெளிவாகக் காட்டு கிறது. ஒரு கணக்கெடுப்பின்படி, இந்தியப் பெண்களில் 62 சதவீதம் பேர் தாங்கள் `மேக்கப்'புடன் தன்னம்பிக்கையாக இருப்பதாக கூறுகிறார்கள்.

இந்தியப் பெண்களின் `மேக்கப்' பெட்டிகளில் `லிப்ஸ்டிக்' போன்ற வழக்கத்தில் அல்லாத அழகு சமாச்சாரங்கள் முக்கிய இடம் பெறத் தொடங்கியிருக்கின்றன. `லிப்ஸ்டிக்' பயன் படுத்துவது உள்ளிட்ட ஒப்பனை விஷயங்களில் பெண்களின் உண்மையான கருத்து என்ன? இதோ, நாடளவில் நடத்தப்பட்ட ஓர் அழகு கருத்துக் கணிப்பு முடிவுகள்...


* எந்த வயதில் நீங்கள் `மேக்கப்' செய்துகொள்ள ஆரம்பித்தீர்கள்?

16 வயதுக்குக் கீழே- 6% பேர்
16-ல் இருந்து 20 வயதுக்குள்- 33%
20-ல் இருந்து 24 வயதுக்குள்- 61%

* உங்களின் சருமம் பாதிக்கப்படுவது பற்றி கவனிக்கிறீர்களா?

இல்லை- 29%
உரிய பூச்சு இல்லாமல் வெளியே கிளம்புவது இல்லை- 7%
கொஞ்சம் கவலைப்படுகிறேன்- 64%

* எவ்வளவு இடைவெளியில் நீங்கள் மேக்கப் போட்டுக்கொள்கிறீர்கள்?

தினசரி- 31%
விசேஷங்களுக்கு மட்டும்- 30%
தெரிந்தவர், உறவினர் வீடுகளுக்குச் செல்லும்போது மட்டும்- 39%

* ஓர் அழகுசாதனப் பொருளை எத்தனை நாட்களுக்குப் பயன்படுத்துகிறீர்கள்?

ஆறு மாதங்கள்- 16%
இரண்டு ஆண்டுகளுக்கு மேல்- 8%
தீரும் வரை- 23%
ஓராண்டுக்கு- 53%

* `மேக்கப்' இல்லாமலும் நீங்கள் அழகாக இருப்பீர்கள் என்று நினைக்கிறீர்களா?

இல்லை- 24%
ஆம்- 76%

* உங்களின் சருமத்தைப் பாதுகாப்பதில் தினசரி எவ்வளவு நேரத்தைச் செலவழிக்கிறீர்கள்?

அரைமணி நேரத்துக்கும் குறைவாக- 29%
ஒரு மணி நேரம், அல்லது அதற்கு மேலாக- 4%
10 நிமிடங்களுக்கும் குறைவாக- 67%

* மேக்கப் ஆலோசனைகளை நீங்கள் பெறுவது...

பிரபலங்கள் மூலம்- 8%
பிரபல `பிராண்ட்' விற்பனை நிலையங்களில்- 13%
குடும்பம் மற்றும் நண்பர்கள் மூலம்- 35%
பத்திரிகைகள் மூலம்- 43%
யாரிடமும் இல்லை- 1%

* ஒவ்வொரு மாதமும் நீங்கள் அழகுசாதனப் பொருட்களாக எவ்வளவு செலவழிக்கிறீர்கள்?

ஆயிரம் ரூபாய்க்கு மேல்- 31%
5 ஆயிரம் ரூபாய்க்குக் கீழ்- 16%
5 ஆயிரம் ரூபாய்க்கு மேல்- 5%
500 ரூபாய்க்குக் குறைவாக- 49%

* எப்போதும் உங்களிடம் தவறாமல் இருக்கும் அழகு சாதனம்?

லிப்ஸ்டிக்- 34%
ரூஜ்- 4%
சருமப் பூச்சு- 7%
ஐ லைனர்- 55%

* நீங்கள் அவசியமாகக் கருதும் சரும அழகுசாதனப் பொருள்?

கண்ணுக்குக் கீழ் பூசும் கிரீம்- 4%
பேஸ் வாஷ்- 23%
பாடி ஸ்க்ரப்- 12%
பேஸ் மாஸ்க்- 4%
மாய்சரைசர்- 57%

* எவ்வளவு நாட்களுக்கு ஒருமுறை நீங்கள் முறையாக தலை அலங்காரம் செய்துகொள்கிறீர்கள்?

ஒவ்வொரு முறை தலை குளிக்கும்போதும்- 20%
வாரம் ஒருமுறை- 17%
எப்போதும் இல்லை- 2%
நிகழ்ச்சிகள், விசேஷங்களுக்கு மட்டும்- 61%

* உங்கள் தோற்றத்தில் செய்துகொள்ள நினைக்கும் மாற்றம்?

மூக்கைச் சீரமைப்பது- 17%
தோல் நிறத்தை மாற்றுவது- 10%
உதடுகளை ஒழுங்குபடுத்துவது- 6%
இடுப்பு அளவைக் குறைப்பது- 25%
எதுவுமில்லை- 4%
தொப்பையைக் கரைப்பது- 38%

***

ஒரு வாரம ஆளு பிசினு சொல்லிட்டு சர்வேதான் விசயமா..?...

என்ன பாஸ், எல்லாத்துக்கும் கூடவே வந்துட்டு என்ன மட்டும் மாட்டிவிடுறீங்களே!

ரொம்ப நன்றி