அரையடி நாக்கு ( கவிதை )

தாமு · தாமு Sat Jan 09, 2010 6:13 am

அரையடி
ஆறடியை
வீழ்த்துகிறது

எலும்புகள்
இல்லையென்று
எதை
வேண்டுமென்றாலும்
பேசுகிறது

தன் நாவால்
பிறருக்குத் தரும்
துன்பங்கள்
தனக்கே புரிந்தும்

தடம் புரள்கிறது
பிறரை
தடுமாறவைக்கிறது

நாவிலிருந்து
நழுவி விழும்
சொல்லில்
நேர்மை தவறுகிறது

நாளொரு பேச்சி
நிமிடத்திற்கொரு
வார்த்தை –என
நன்மதிப்பை
இழந்து விடுகிறது

அரையடி நாவின்
பொய்களை நம்பி
அநியாயமாய் பலரை
அழியவைக்கிறது

நாவைக்கொண்டு
நம்பிக்கை துரோகம்
நாளும் செய்து
நன்மையை இழக்கிறது

அரையடி நாக்கே
அன்பாயிருக்க அழகாய்
பழகிக்கொள்
அனைவரின் மனதிலும்
ஆட்சி செய்திட
விழிப்பாய் இருந்துகொள்...

அன்புடன் மலிக்கா

அப்புகுட்டி · அப்புகுட்டி Fri May 07, 2010 4:53 pm

அன்பு தளபதி · அன்பு தளபதி Tue May 11, 2010 1:09 pm

சூப்பர் தாமு அண்ணா

மஞ்சுபாஷிணி · மஞ்சுபாஷிணி Tue May 11, 2010 1:14 pm

எத்தனை அருமையான வரிகள்....

அரையடி தான் நாக்கு... ஆனால் அதற்கு இருக்கும் சக்தியை அழகாக ஒவ்வொரு வரியாய் சொல்கிறது....

நாக்கு நினைத்தால் அன்புடன் அழகாய் தலை கோதவும் செய்யும்... அதே நாக்கு வஞ்சிக்கவும் துரோகிக்கவும் செய்யும்... மனதை புண்படுத்தும்படியான சொற்களை வெட்கமின்றி சொல்லிவிட்டு அவரிடமே உதவி கேட்டு செல்லும் நிலை வரும்போது தலை குனிந்து அதையும் செய்யும்....

அற்புதமான சிந்தனை... அழகிய வரிகள்... உண்மையான வார்த்தைகள்....

அன்பு பாராட்டுக்கள் தாமு....