மகிழ்ச்சிக்கு பத்து வழிகள்.

சாந்தன் · சாந்தன் Fri Feb 19, 2010 2:43 pm

1.சத்தான உணவைச் சாப்பிடுங்கள்

கவனியுங்கள்...
ருசியான உணவு என்று சொல்லவில்லை. சத்தான, இயற்கையான உணவுவகைகளைச்
சாப்பிடும்போது மூளை எப்போதும் சுறுசுறுப்பு நிலையிலேயே இயங்குகிறது.
பதப்படுத்தப்பட்ட, டின்களில் அடைக்கப்பட்ட உணவுகளைச் சாப்பிடும்போது உடல்
ஒருவித மந்த நிலையினை அடைகிறது. இதனால் நாம் செய்யும் செயல்களில் நமக்குத்
திருப்தி ஏற்படுவதில்லை.

சாந்தன் · சாந்தன் Fri Feb 19, 2010 2:43 pm

2. நன்றாகத் தூங்குங்கள்

நல்ல ஆழ்ந்த
தூக்கம் அனைத்து மனிதர்களுக்கும் அவசியம். பகலில் நாம் செய்யும்
வேலைகளினால் களைப்புறும் உடல் உறுப்புகள் தூக்கத்தில் மட்டுமே Refresh
அடைகின்றன. தூக்கத்தில் மட்டுமே ஒரு பகுதி மூளை அவற்றைச் சரிசெய்யும்
பணியினைச் செய்வதால் நல்ல தூக்கம் அவசியம். அது இல்லையேல் உடல்நலக் குறைவு
நிச்சயம். இளைஞர்களுக்கு ஆறிலிருந்து எட்டுமணி நேரத் தூக்கம் அவசியம்.

சாந்தன் · சாந்தன் Fri Feb 19, 2010 2:45 pm

4. ஓய்வெடுங்கள்.

பணியிடையே
அவ்வப்போது ஓய்வெடுங்கள். ஓய்வெடுத்தல் என்பது வேலையை நிறுத்திவிட்டு
அரட்டை அடிப்பதல்ல. கண்களை மூடி நன்றாக மூச்சை ஆழ்ந்து இழுத்து, சற்று
நிறுத்தி, மெல்ல விடுங்கள். கடினமான, மிகக் கவனமான வேலைகளைச் செய்வோர்
செய்யும் சுவாசம் ஆழ்ந்து இல்லாமல் மேம்போக்காக இருக்கும். அதனால் மூளைக்கு
சரியாக ஆக்ஸிஜன் செல்லாமல் தலைவலி, உடல் சோர்வு ஏற்படும். ஒரு மணிநேரக்
கடின வேலைக்கு ஐந்து நிமிட ஓய்வு போதுமானது.

சாந்தன் · சாந்தன் Fri Feb 19, 2010 2:46 pm

5. சிரியுங்கள் மனம் விட்டு

சிரியுங்கள்.
“மனம் விட்டு” என்பதற்கு ஆழ்ந்த அர்த்தமுண்டு. சிரிக்கும்போது மனதில்
எந்தவித எண்ணங்களும் இருக்கக்கூடாது. சிரிக்கும்போது நன்றாக முழுமையாக
ரசித்துச் சிரிக்க வேண்டும். வேறு ஏதேனும் சிந்தனை தோன்றி பட்டென்று
சிரிப்பை நிறுத்தும்போது வேறு விளைவுகளை ஏற்படுத்தும். எப்பொழுதும்
சிரித்து இன்முகம் காட்டுபவர் முகத்தில் ஒருவித தேஜஸ் இருக்கும். அது
மற்றவர்களை உங்கள்பால் கவர்ந்திழுக்கும்.

சாந்தன் · சாந்தன் Fri Feb 19, 2010 2:46 pm

6. மனம்விட்டுப் பேசுங்கள்.

மனம்
விட்டுப்பேசுங்கள், உங்கள் நம்பிக்கைக்குரியவர்களிடம் மட்டும்.
எல்லோரிடமும், எல்லா நேரமும், தெரிந்த எல்லாவற்றையும்
பேசிக்கொண்டிருக்காதீர்கள். யாரிடம் பேசினால் உங்களுக்கு ஆன்ம திருப்தி
கிடைக்கிறதோ அவர்களிடம் மனம் விட்டுப் பேசுங்கள். அவர்கள் சொல்லும்
வார்த்தைகள் உங்கள் மனதிற்குத் தெளிவைத் தரும்.

சாந்தன் · சாந்தன் Fri Feb 19, 2010 2:46 pm

7. உங்களால் மாற்ற முடியாதவற்றை ஏற்றுக்
கொள்ளுங்கள்

இந்த உலகத்தில் ஒருவரே எல்லாவற்றையும் தன் வாழ்நாளில்
ஒழுங்குபடுத்திட இயலாது. அது தேவையில்லாததும் கூட. மலையைத் தலையால் முட்டி
உடைக்கமுடியாது. ஆனால் சிறு பாறையைப் பெயர்த்தெடுக்க இயலும். சமூகத்தில்
உங்களால் முடிந்த சிறுசிறு வேலைகளைச் செய்யுங்கள். மற்றவர்களையும்
உத்வேகப்படுத்துங்கள்.

சாந்தன் · சாந்தன் Fri Feb 19, 2010 2:47 pm

8. தெளிவாகச் செய்யுங்கள்

எந்தச்
செயல் செய்தாலும் முழுமையான ஆத்மார்த்தமான ஈடுபாட்டுடன் செய்யுங்கள்.
வேண்டாவெறுப்பாக ஒரு வேலையைச் செய்வதை விட அதைச் செய்யாமல் இருப்பதே மேல்.
எந்த ஒரு நிறுவனத்தில் வேலை செய்தாலும் செய்யும் வேலையை மட்டும்
காதலியுங்கள், நிறுவனத்தை அல்ல. நிறுவனம் உங்களைத் தூக்கிவிடும் அல்லது
கவிழ்த்திவிடும், ஆனால் ஈடுபாட்டுடன் காட்டிய வேலை திருப்தியை மட்டுமல்ல,
நல்ல அனுபவத்தையும் கொடுக்கும்.

சாந்தன் · சாந்தன் Fri Feb 19, 2010 2:47 pm

9. விளையாடுங்கள்

உங்கள் நேர நிர்வாக
அட்டவணையில் விளையாட்டிற்கும் இடம் ஒதுக்குங்கள். கோயிலுக்குச் செல்வதை
விட கால்பந்து விளையாடுவது மேலானது என விவேகானந்தரே கூறியிருக்கிறார்.
விளையாட்டு உடலுக்கு மட்டுமல்ல மனதிற்கும் உற்சாகம் தரும்.

சாந்தன் · சாந்தன் Fri Feb 19, 2010 2:47 pm

10. மற்றவர்களையும் கவனியுங்கள்

நமது
விருப்பு வெறுப்புகளுக்கு எல்லைகளே கிடையாது. உங்களைச்
சுற்றியிருப்பவர்களையும் கவனியுங்கள். யாருக்கேனும் உதவி தேவைப்பட்டால்
தயங்காமல் செய்யுங்கள், பிரதிபலன் எதிர்பாராமல். உங்களுக்கே தெரியாமல் அது
திரும்பிவரும். ஆனால் அதை எதிர்பார்க்காதீர்கள்.

யமுனாஸ் · யமுனாஸ் Fri Feb 19, 2010 2:55 pm

முயற்சி செய்கிறேன் அண்ணா மகிழ்ச்சிக்கு பத்து வழிகள். 677196

Sponsored content · Sponsored content

மகிழ்ச்சிக்கு பத்து வழிகள்.

மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

Re: மகிழ்ச்சிக்கு பத்து வழிகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக