பட்டாம் பூச்சியும் பறக்கும் பூச்சியும்

பட்டாம்பூச்சிகளும், பறக்கும் பூச்சிகளும் "லெபிடோப்டேரா" என்ற ஒரே இனத்தைச் சேர்ந்தவை. "லெபிடோப்டேரா" என்ற வார்த்தைக்கு "செதில் சிறகுகள்" என்று பொருள்.

நீங்கள் எப்போதாவது பட்டாம்பூச்சியைப் பிடித்திருந்தால், அதன் சிறகுகளில் "தூசு" போன்று படிந்திருப்பதைக் கண்டிருக்கலாம். பல நுண்ணிய செதில்கள் சேர்ந்துதான் அந்தத் "தூசு" உருவாகியிருக்கிறது.

பட்டாம்பூச்சிகள் பகல் வேளையில் பறக்கின்றன என்றால், பறக்கும் பூச்சிகள் பெரும்பாலும் இரவில்தான் பறக்கின்றன. ஒரு பட்டாம் பூச்சியானது ஒரு மலர் அல்லது ஏதாவது ஒன்றின் மீது உட்காரும்போது தனது சிறகுகளை செங்குத்தாக வைத்துக்கொள்கிறது. ஆனால் பறக்கும் பூச்சி உட்காரும்போது தனது சிறகுகளை கிடைமட்டமாக வைத்துக்கொள்கிறது. பறக்கும் பூச்சிகள் பொதுவாக மங்கலான நிறங்களில் காணப்படும். ஆனால் வண்ணமயமாகத் தோன்றும் பறக்கும் பூச்சிகளும் உண்டு.

பட்டாம்பூச்சிகள், பறக்கும் பூச்சிகள் இவை இரண்டின் வாழ்க்கைச் சுழற்சி ஒரேமாதிரியானதுதான். இரண்டும் முட்டையிடுகின்றன. முட்டை பொரித்து, `லார்வா' எனப்படும் புழுக்கள் வெளிப்படுகின்றன. அந்தப் புழுக்கள் நிறைய உணவைச் சாப்பிட்டு, தங்களைச் சுற்றி ஒரு கூட்டை உருவாக்குகின்றன. ஒரு குறிப்பிட்ட காலத்துக்குப் பின் முதிர்ந்த பூச்சி, கூட்டைப் பிளந்துகொண்டு வெளியே வருகிறது. பட்டாம்பூச்சிகளும், பறக்கும் பூச்சிகளும் மலர்களின் மதுவை உண்கின்றன.

இவற்றின் வெப்பநிலை 30 டிகிரி செல்சியஸுக்குக் கீழே குறைந்தால் இவற்றால் பறக்க முடியாது. அதனால் குளிரான நாட்களில் இவை சூரிய வெளிச்சத்தை நாடுகின்றன. அதன்மூலம் இவை தமது பறக்கும் தசைக்கு தேவையான வெப்பத்தைக் கிரகித்துக்கொண்டு பறக்கின்றன.