பழகிய பொருள் அழகிய முகம்

by **ரிபாஸ்** Thu Feb 18, 2010 2:00 pm

பழகிய பொருள் அழகிய முகம்

நாகரிகத்தின் தாக்கதால் எங்களுடைய
பாரம்பரிய பழக்க வழக்கங்களை ஒவ்வொன்றாக மறந்து வருகிறோம்.பாரம்பரிய பழக்க
வழக்கத்தின் மகத்துவத்தை நாம் தெரிந்து கொள்ள வேண்டிய நிலையில் உள்ளோம்
இவ்விடயம் அழகு கலைக்கும் பொருந்தக்கூடியது.

அக்காலப்பெண்கள் தங்களை அழகுப்பத்திக்கொள்ள நம் சமையலறைப் பொருட்களைத் தான்
பயன்படுத்தினார்கள் தற்கால அழகு நிலையங்கள் கொடுக்காத அழகை அவ் இயற்கை
பொருட்கள் கொடுத்தன.

இளமை அழகு என்பவற்றுக்கு உத்தரவாதம் தரும் பழக்கப்பட்ட பொருட்களை கொண்டு
எம்மை அழகுப்படுத்திக் கொள்ளலாமே? செலவே இல்லாத அழகுப்பொருள் என்றால் அது
மஞ்சள் தூள்
சருமத்தை மிருதுவாக்க மினுமினுக்க வைக்கும் சக்தி பசும் மஞ்சளுக்கு
உண்டு.பசும் மஞ்சளை அரைத்து பாசிப்பயறு மாவுடன் சேர்த்து ஒவ்வொருநாளும்
உடலில் பூசி பின்னர் குளித்தால் தோல் சுருக்கம் நெருங்காமல் இளமையாக
இருக்கலாம்.

பசும் மஞ்சளை அரைத்து தயிரில் கலந்து அக்கலவையை உடலில் கருமை படர்
பகுதிகளில் தடவி அரை மணி நேரம் ஊறவைத்த பின்னர் கழுவி வந்தால் கருமை
மறைவதைக் கண்கூடாக பார்க்கலாம்.

தடிப்பான தோல் கருமை நிறத்தை கொடுக்கிறது இக்கலவையை பூசுவதால் தோல்
மென்மையடைந்து கருமை நீங்குகிறது வறண்ட சருமத்திற்கு இது சிறந்த
தீர்வாகும்.இயற்கை தந்த பரிசுகளில் ஒன்றான மஞ்சளை பாவித்து எளிமையான
வழிமூலம் எடுப்பான அழகை பெற்றுக்கொள்ளலாம்.