திருப்பதியில்-பஃபே-முறையில்-அன்னதானம்

திருப்பதி கோவிலில் பக்தர்களுக்கு பஃபே முறையில் அன்னதானம் வழங்கும் திட்டம் வரும் மார்ச் மாதம் முதல் நடைமுறைக்கு வருகிறது.

க‌ன்‌னியாகும‌ரி‌க்கு வ‌ந்த ‌திரு‌ப்ப‌தி கோ‌யி‌ல் ‌நி‌ர்வாக அ‌திகா‌ரி ‌கிருஷ‌்ணாரா‌வ் கூறுகை‌யி‌ல்,

திருப்பதி ஏழுமலையான் கோவிலுக்கு வரும் பக்தர்களுக்கு அன்னதானம் வழங்கப்படுகிறது. தினமும் சராசரியாக 45 ஆயிரம் பக்தர்களுக்கும், விழா காலங்களில் 1 லட்சத்துக்கு மேற்பட்டவர்களுக்கும் அன்னதானம் வழங்கப்படுகிறது. விழாக்காலங்களில் அன்னதான கூடத்தில் இடப்பற்றாக்குறை ஏற்படுவதால், பக்தர்கள் நீண்டநேரம் வரிசையில் காத்திருந்து அன்னதானம் சாப்பிடுகிறார்கள். இதை நிவர்த்தி செய்ய மேலும் ஒரு புதிய அன்னதானகூடம் கட்டும்பணி நடைபெற்று வருகிறது.

இந்த புதிய அன்னதான கூடத்தில் பக்தர்கள் தங்களுக்கு தாங்களே உணவு பரிமாறிக் கொள்ளும் பஃபே முறையை நடைமுறைப்படுத்த முடிவு செய்துள்ளோம். அதில் ஒரே நேரத்தில் 3 ஆயிரம் பக்தர்கள் உணவு உ‌ண்ணலா‌ம்.

இந்த திட்டத்தின்படி இரு பிரிவுகளாக இழுவை பெல்ட் அமைத்து அதில் உணவு பொருட்கள் வைக்கப்படும். பெல்ட் மெல்ல மெல்ல நகரும்போது பக்தர்கள் அதில் உள்ள உணவுகளை எடுத்து சாப்பிட வசதியாக இருக்கும். அதே நேரம் தேவையில்லாத உணவுகளை தவிர்க்கவும் முடியும். இதனால் உணவு வீணாவது தடுக்கப்படும். இந்த திட்டம் மார்ச் 1-ந் தேதி முதல் நடைமுறைபடுத்தப்படும் எ‌ன்று தெ‌ரி‌வி‌த்தா‌ர்.

திருப்பதி தேவஸ்தானம் சார்பில் கன்னியாகுமரி விவேகானந்த கேந்திராவில் வருகிற 28-ந் தேதி சீனிவாச திருக்கல்யாண நிகழ்ச்சி நடைபெற உ‌ள்ளது. இதற்கான ஏற்பாடுகளை பார்வையிடுவதற்காகவே திருப்பதி கோவில் நிர்வாக அதிகாரி கிருஷ்ணாராவ் கன்னியாகுமரி வந்து‌ள்ளா‌ர்.


-வெப்டுனியா.

நல்ல விசயம்தான்

Manik wrote:நல்ல விசயம்தான்

நல்ல விஷயம்தான் , ஆனாலும் மக்கள் சுகாதரண முறையில் இதை பயன்படுத்துவார்களா என்பது சந்தேகம் தான். இதில் நிறைய பிராச்சினை வரவும் வாய்ப்பு உள்ளது.

இதுல என்ன பிரச்சினை வரப்போகுது ........ நானும் திருப்பதி கோவிலில் ஸ்கவுட்ல சர்வீஸ் பன்னிருக்கேன்...... எல்லா கஷ்டமும் எங்களுக்குத்தான்

வை.பாலாஜி wrote:

Manik wrote:நல்ல விசயம்தான்

நல்ல விஷயம்தான் , ஆனாலும் மக்கள் சுகாதரண முறையில் இதை பயன்படுத்துவார்களா என்பது சந்தேகம் தான். இதில் நிறைய பிராச்சினை வரவும் வாய்ப்பு உள்ளது.

என்ன பிரச்சனை வரும்??

அதைத்தான் நானும் கேட்டேன் என்ன பிரச்சினை வரும்னு பதிலே சொல்ல மாட்டேங்குறாரு பாலாஜி அண்ணா

கோவிந்தா ... கோவிந்தா