அதென்ன வின்-வின் கொள்கை?

தலைப்பில் ஆங்கிலத்தைப் புகுத்தியமைக்காகத் தமிழ்ப் பற்றாளர்கள்
பொறுத்துக்கொள்வார்களாக.
Win-win situation என்பது மெத்தப் படித்தவர்கள் மத்தியில் அடிக்கடி
பயன்படுத்தப்படும் ஒரு வாக்கியமாகும். இதன் தத்துவம் நமக்கும்
தெரியவேண்டும்.
அதாவது நமக்கும் வெற்றி நம் எதிராளிக்கும் வெற்றி என்பது இதன்
பொருளாகும். பரஸ்பரம் இருவருமே நன்மை அடைவது என்பதாக இதைப் பொருள்
கொள்ளலாம்.
நமக்கும் எதிராளிக்கும் இடையே வெற்றி - வெற்றி என்கிற நிலை
ஏற்படுகிறபோது இருவருக்குமே மனநிறைவும் மகிழ்ச்சியும் ஏற்படுகினறன.
புரிந்துணர்வு வளருகிறது. நட்பும் உறவும் பலப்படுகின்றன. இதில் மனித
நேயமும் நல்ல பண்பாடும் அடங்கியிருக்கின்றன.
Win-Lose எனப்படுவது அடுத்தது. இது விளையாட்டில் ஏற்படலாம்
மற்றவர்களைத் தோற்கடித்து எக்காளமிடுது என்பது தொழில் போட்டியில்கூட
நடைபெறலாம். ஆனால் உறவினர் விஷயத்திலும் நட்பு வட்டத்திலும் இத்தகைய தவறு
நிகழ்ந்துவிடக்கூடாது. இது நிகழ்ந்தால் நம் நற்பெயர் கெடவும் நமக்கெதிராக
அவர்கள் திரும்பிவிடவும் வாய்ப்பு அதிகம். அது மட்டுமல்ல, இந்த வெற்றியை
உருத்தெரியாமல் ஆக்கிவிடக்கூடிய, நஷ்டத்தை ஏற்படுத்தக்கூடிய காரியத்திலும்
இவர்கள் இறங்கக்கூடும்.
Lose-win என்பது பெருந்தன்மையின் அடையாளம். மகன் வேகம் மிகுந்த
மோட்டார் சைக்கிளைப் பிடிவாதமாகக் கேட்கிறான். ஏன் அச்சுறுத்தவே
செய்கிறான். வாங்கிக்கொடுத்தால் என் கெளரவத்திற்கு ஏற்பட்ட தோல்வி என ஒரு
தந்தை நினைக்காமல் கவனத்துடன் ஓட்டச் சொல்லி, சிறு நிபந்தனைகளை விதித்து
வாங்கிக்கொடுத்தால் இது தோல்வி வெற்றியின் இரகமாகும். ஆனால் இந்தத்
தோல்விக்குள் பெருந்தன்மை, உறவு பலப்படுதல் என்கிற வெற்றிகள் உள்ளூர
அடங்கியிருக்கின்றன. எனவே நம்மை தோல்வியடைந்ததாக வெளிக்காட்டும் நல்ல
வெற்றி இது.
இனி, எது நிச்சயம் நடக்கக்கூடாது என்பதைச் சொல்லிவிடுகிறேன்.
Lose-Lose என்பதே அது. என்னை நீ பாதிக்கச் செய்தாயா? நானும் உனக்கு
அதைத் திருப்பிச் செய்கிறேன் என்று இறங்குகிறார்களே, இதை உதாரணமாகச்
சொல்லலாம்.
‘உன்னாலே நான் கெட்டேன் - என்னாலே நீ கெட்டே’ என்பதையே இப்படிக்
குறிப்பிடுகிறேன். கணவனும் மனைவியும் அற்ப காரணங்களுக்காகச் சண்டையிட்டுப்
பிரிந்து, குழந்தைகளைக் கழுதைகளாக்குகிறார்களே அதற்கு இதை
உதாரணமாக்கலாம். இது வேண்டாமே!

வின் - வின் இது நல்ல ஐடியா தான்

maniajith007 wrote:தலைப்பில் ஆங்கிலத்தைப் புகுத்தியமைக்காகத் தமிழ்ப் பற்றாளர்கள்
பொறுத்துக்கொள்வார்களாக.
Win-win situation என்பது மெத்தப் படித்தவர்கள் மத்தியில் அடிக்கடி
பயன்படுத்தப்படும் ஒரு வாக்கியமாகும். இதன் தத்துவம் நமக்கும்
தெரியவேண்டும்.
அதாவது நமக்கும் வெற்றி நம் எதிராளிக்கும் வெற்றி என்பது இதன்
பொருளாகும். பரஸ்பரம் இருவருமே நன்மை அடைவது என்பதாக இதைப் பொருள்
கொள்ளலாம்.
நமக்கும் எதிராளிக்கும் இடையே வெற்றி - வெற்றி என்கிற நிலை
ஏற்படுகிறபோது இருவருக்குமே மனநிறைவும் மகிழ்ச்சியும் ஏற்படுகினறன.
புரிந்துணர்வு வளருகிறது. நட்பும் உறவும் பலப்படுகின்றன. இதில் மனித
நேயமும் நல்ல பண்பாடும் அடங்கியிருக்கின்றன.

காய்கறி கடைகாரர் பத்து ரூபாய்க்கு சண்டையில் வாங்கி பதினால் ரூபாய்க்கு
விற்கிறார் அதை நீங்கள் குறைத்து பனிரெண்டு ரூபாய்க்கு வாங்குநீங்கான
ரெண்டு வின் வின் தான்
எப்பவுமே பக்கத்துக்கு கடைலயே காய்கறி வாங்கிறவர் உங்களிடம் காய்கறியை மதத்
ரூபாய்க்கும் அதற்கு கீழேயும் வாங்கினாலும் வின் வின் தான் இதுல பணத்தால
லாபம் கடைக்காரனுக்கு இல்லாட்டியும் புதிய வாடிக்கையாளரை பெற்று விடுகிறார்


எப்புடி நாங்க இப்படிதான் எடுத்துக்குவோம்