ஆண்களுக்கான அழகு சாதன பொருட்கள் விற்பனை அதிகரிப்பு

by **ரிபாஸ்** Tue Feb 16, 2010 5:29 pm

ஆண்களுக்கான அழகு சாதன பொருட்கள் விற்பனை அதிகரிப்பு

ஆண்களுக்கான அழகு சாதன பொருட்கள் உலக முழுவதும் 200 கோடி
ரூபாய் அளவுக்கு விற்பனையாகியுள்ளன.பொதுவாக பெண்கள் அழகுணர்வு கொண்டவர்கள்.
எனவே, அவர்களுக்கு நெயில்பாலிஷ், சிவப்பழகு க்ரீம், ஷாம்பு, பவுடர்,
உதட்டு சாயம் என ஏராளமான பொ ருட்கள் சந்தையில் குவிக்கப்பட்டுள்ளன.பெண்களுக்கு
ஈடாக நாங்களும் சளைத்தவர்கள் அல்ல என ஆண்களும் தங்களை அழகு படுத்தி
கொள்கின்றனர். இவர்களை, வசீகரிக்க அழகு சாதன பொருட்கள் நிறுவனங்கள், பாடி
வாஷ், பேஸ் வாஷ், பாடி ஸ்ப்ரே, துர்நாற்றம் போக்கும் திரவங்கள், ஷேவிங்
க்ரீம்கள், ஷாம்புகள், தலை முடியில் தடவிக்கொள்ள உதவும் களிம்புகள் என
ஏராளமான பொருட்களை அறிமுகப்படுத்தி கொண்டே இருக்கின்றன.
இது குறித்து, “ஆக்சி’ அழகு சாதன பொருள் தயாரிப்பு நிறுவன இயக்குனர்
மைக் டயர் குறிப்பிடுகையில், ” இளைஞர்களை குறிப்பாக 18 முதல் 24 வயதுள்ள
நபர்களை இலக்காக கொண்டு தான் அழகு சாதன பொருட்களை தயாரிக்கிறோம். பிரபல
ஹாலிவுட் நடிகர்கள், விளையாட்டு வீரர்கள் போன்றவர்களை இந்த பொருட்களுக்கு
மாடல்களாக நடிக்க செய்து இளைஞர்களை வசீகரிக்கிறோம்’ என்றார்.
கடந்த 2007ம் ஆண்டு எடுக்கப்பட்ட ஆய்வுபடி வாலிபர்களுக்கான அழகு சாதன
பொருட்களின் விற்பனை, 200 கோடி ரூபாய் அளவுக்கு எட்டியுள்ளது. இளைஞர்களின்
இந்த அழகு சாதன பொருட்களை நடுத்தர மற்றும் வயதானவர்களும்
பயன்படுத்துகின்றனர். ஓல்டு ஸ்பைஸ், ஆக்சி போன்ற நிறுவனங்கள் அழகு சாதன
தயாரிப்பில் முன்னிலை வகிக்கின்றன. இதனால், ஆண்களுக்கான அழகு சாதன
பொருட்களின் விற்பனை ஒவ்வொரு ஆண்டும் அதிகரித்து கொண்டே செல்கிறது.