நான் தான் பணம் எழுதுகிறேன்.

shakthi · shakthi Mon Feb 15, 2010 6:17 am

நான் உன்னிடம் இருந்தால்
உனக்கு இன்பம்!
உனை நீங்கினால் தெரியுது உன் உண்மைப் பிம்பம்!!
ஓ
மனிதரே,

'நான் தான் பணம் எழுதுகிறேன்.

நான் உன்னிடம்
இருந்தால் உனக்கு இன்பம்!
உனை நீங்கினால் தெரியுது உன் உண்மைப்
பிம்பம்!!

எங்கோ காகிதமாக இருந்த
எனக்கு ஓர் உருவம் தந்தீர்

அதில்
பல வண்ணம் இட்டீர் - பின்
நீரே அதில் சில எண்கள் வைத்தீர்

பிறகு
தான் வந்தது பிரிவினை
உங்களுக்குள்

ஆனாலும் என்றும் இல்லை
பிரிவினை
எங்களுக்குள்

எனக்கு ஏழை - பணக்காரன்
என்ற பாகுபாடு
இல்லை

கீழ் சாதி - மேல் சாதி என்ற
பிரிவினை இல்லை

ஆனால்
என்னை வைத்து வாழ்வு
நடத்தும் உங்களுக்குள் மட்டும் எப்படி?

இவ்வுலகில்
பல தலைவர்களை நான்
என்றும் சிரிக்க வைக்கிறேன்!
சிரிக்க
வைத்துக்கொண்டிருக்கிறேன் - இன்னும்

ஆனால்
நீங்களோ அவர்கள்
பெயரைச் சொல்லிக்கொண்டு
சண்டை போடுகிறீர்கள் - இன்றும்

நீங்கள்
படைத்த என்னால் இன்று
எதுவும் செய்ய முடியும் இவ்வுலகில்

உலகின்
மிகப்பெரும் பணக்காரர்கள்
உருவானதும் என்னால் தான்

இன்று
ஏற்பட்டுள்ள பொருளாதார
வீழ்ச்சியும் என்னால் தான்

எனக்கு மதிப்பு
உங்களிடம்
நான் முழுதாய் இருந்தால் தான்
கிழித்தால் வெறும் காகிதமே!

நீங்களும்
ஒற்றுமை போற்றினால்
அதுவே உங்கள் ஆயுதமே!!

என்னை நீங்களே
படைத்தீர்
- பின் பிரித்துப் பார்க்கிறீர்!

அது போல்
சாதிகளை படைத்தீர் -
பிரித்துப் பார்க்கிறீர்!!

சமத்துவம் காட்டுங்கள் அனைவரிடமும்
என்போல்
உலகில் வளர்ந்து நிற்போம் ஆல்போல்!!