காதலா?இது காதலா

by அப்புகுட்டி Sun Feb 14, 2010 5:05 am

நான் படித்தது உங்களுடன் பகிர்ந்து கொள்கிறேன் பிளை இருப்பின் மன்னிக்கவும்

காதல் என்றால் என்ன?...என்றுதெரியாத வயதில் வந்த காதல் ஆனாலும் அதில் காதல் தான் இருந்தது என்று இப்போ உணரும் வயது. மழலைமாறாத பள்ளிபருவமது எல்லோரும் காதலிக்கிறார்கள் நானும் காதலிப்போம் என்ற உணர்வோ என்னவோ, ஏனென்றால் வயது பதினாறு(16).ஆனாலும் பிறரைப்போன்று பூங்கா, கடற்கரை என்று சுத்தினதில்லை. வீதியில் நின்று பேசினது இல்லை. இருவருக்குள்ளும் காதல் இருப்பதை இருவரும் உண்ர்ந்தோமோ என்னவோ வாய்விட்டு சொல்லிட்டோம்

காதலா?இது காதலா Polyresinlovers

ஒரே ஊர் யாரும் பார்த்தால் மரியாதையில்லை என்ற உணர்வு இருந்திச்சு அதனால் பேசுவது கிடையாது. தபால் மட்டும் தான் அதுவும் வராது எழுதி அனுப்பனும். அதைவிட படிச்சிட்டு இருந்ததால பாடசாலைக்கு அவப்பெயர் வந்திடுமோ என்ற குற்ற உணர்வு. மற்றது இருவருக்குமே தெரியும் எங்கள் வாழ்வை தீர்மானிக்கப் போவது கல்வி தான். ஏனெனில் இருவருக்குமே அப்பா இல்லை.குடும்பப்பொறுப்பும் இருவருக்குமே இருக்கும். அப்படியே பாடசாலை வாழ்க்கை உருண்டது. "பள்ளிக்காதல் படலை வரைக்கும்" என்பது முறியடிக்கப்பட்டு தொடர்ந்தது. பாடசாலை கல்வி முடிந்தால் பின் என்ன செய்வது? என்று பல பிரச்சனைகள் வருவது இயல்பே.

ஈழத்து காதல் என்றதால பிரிவுகள் குறுகிய காலம், நீண்டகாலம், நிரந்தரமாகவும் இருக்கும். கவலைகளாக இருந்தாலும் நிஜம் அது தான். நீண்ட நாட்கள் பேசவில்லை பழகவில்லை என்றாலும் ஆறு வருட காதல் என்றால் சும்மாவா? பிரிவுகளின் போது கவலைகள் மனதை கசக்கின, திரும்பத்திரும்ப போய் பாத்திட்டு வந்தாலும் பார்க்கணும் போலவே இருக்கும்.தன்னை அறியாமலே கண்கள் அழும், இவ்வளவிற்கும் மத்தியில் காதலிப்பவரிற்கு முன்னால் அழுதால் அவருக்கும் கவலை வரும் என்பதால் மனத்தை கருங்கல்லைப்போல இறுக்க பிடித்து கொண்டு கடைசியாக பாத்திட்டு வந்தாச்சு. வந்து மனசை மாத்தலாம் என்று தொலைக்காட்சியைப் போட்டால் பாட்டு"பார்க்காதே என்னைப் பார்க்காதே" என்ற பாடல். காயத்தில் மிளகாய்த்தூள் பட்ட மாதிரி இருந்தது. வீட்டில் காதலிப்பது தெரிஞ்சு கொஞ்சப் பிரச்சனையும் இருந்ததால் அழவும் முடியாது.

காதலிப்பது என்றால் "எதையும் தாங்கும் இதயம் வேண்டும்"என்று சும்மாவா சொன்னாங்க. இவ்வளவத்தையும் தாங்கினால் போதுமா? கல்யாண வயதுண்ணா சும்மா விடுவாங்களா?வெளிநாட்டில் மாப்பிள்ளை பாப்பாங்க! எப்படி பாக்கவேண்டாம் என்று சொல்றது, என்றாலும் சொல்லியாச்சு, அடுத்த கேள்வி உங்களிற்கு தெரிந்த காதலிகிறியா?பதிலும் பலமாக "ஆம்" பல பிரச்சனைகள் வெளியில் போகமுடியாது. அண்ணா உட்பட யாருடனும் பேசக்கூட முடியல்லை.என்ன செய்வது எல்லா பெண்கள் மாதிரி சரி வீட்டில பாக்கிற மாப்பிள்ளையை கல்யாணம் செய்யலாம் என்று மாப்பிள்ளை பார்க்க சொல்லியாச்சு. ஆனாலும் மனம் ஏற்க மறுக்கிறது.என்றாலும் உண்மையான காதல் என்றால் ஜெயிக்கும் என்ற மூடநம்பிக்கையினால் மனசு தேறியுள்ளது.

வெளிநாட்டில் கல்யாணம் செய்கிறேன் என்று சொன்னது தான் இப்போ சுதந்திரம் அடைந்தாச்சு. ஒரு காதலை தியாகம் செய்து சுதந்திரம் கிடைத்துவிட்டது. அதனால் காதல் தியாகி என்று சொல்லமுடியுமா?. இன்று வீட்டில் எப்பவும் இல்லாத மதிப்பு. காதல் தியாகம் செய்ததாலா!வெளிநாட்டு மாபிள்ளை என்றதாலா! எனக்குத் தெரியாது. உங்களிற்கு தெரிந்தால் உதவுங்கள்.>