Latest topics

வாமனம்

ஈகரை தமிழ் களஞ்சியம் :: கவிதைக் களஞ்சியம் :: கவிதைகள் :: கவிதை போட்டி -2

Page 2 of 3

Page 2 of 3 • 1, 2, 3

13022010

வாமனம்

வாமனம்

மேசை மேலிருந்த பூந்தொட்டி
குளியலறையில் இருந்த நீ வாங்கி வந்த நீலக்குவளை
அலமாரியில் இருந்த பலவண்ண ஆடைகள்

அடுக்கிவைத்த புத்தகங்கள்
கம்பிவழி உன்குரலைக் கொண்டுவந்த
தொலைபேசி இணைப்பு

கைக்குள்ளிருந்து அடிக்கடி சிணுங்கி

உன்முகத்தைக் காட்டும் அலைபேசி

எல்லாவற்றையும் அகற்றி விட்டேன்.

கண்களிலா,
மூளையிலா,
இதயத்திலா,

உடல் முழுவதிலா ,

உடல் பரவிய அணுத்திரளிலா,
தேடித்தேடி களைத்து விட்டேன்

கண்ணுக்குத் தெரியாது
வியாபித்து இருக்கும்

உன் நினைவுகள்
இருக்குமிடம் அறியாமல்.

உன் நினைவைக் கொல்ல
நித்தம் நித்தம்
யுத்தம் செய்தேன்
எத்தனையோ முறை.
அத்தனை முறையும்
புத்தம் புதிதாய்
பொலிவு கொண்டெழுந்தது
வெட்ட வெட்ட ஒட்டிக்கொண்ட

இராவணன் தலைகளாய்.

மறக்கத் துடித்த
ஒவ்வொரு நொடியும்
முன்றாம் அடிக்கு

இடம் கேட்டு வைத்த
வாமானப் பாதமாய்
அழுத்தி மிதித்தது

இதயத் தலையை.

தேனில் முழ்கிய சிற்றெறும்பென
பாகில் மூழ்கிய கட்டெறும்பென
உன் நினைவில் மூழ்கி

நித்தமும் மடிவதென
சத்தியம் செய்தேன்.

அதற்கும் எனக்குமான
போட்டியில்
உன்னைப்போலவே
வெற்றிகொண்டது

உன் நினைவுகளே!

ஆதிரா

Aathira: தலைமை நடத்துனர்; பதிவுகள் : 14372
இணைந்தது : 06/02/2010

Share this post on:

வாமனம் :: Comments

Re: வாமனம்

Post Sun Feb 14, 2010 1:07 am by கலைவேந்தன்

2 நிமிஷம் பொறுங்க ஆதிரா ...

இங்க இப்ப தரேன்.

Re: வாமனம்

Post Sun Feb 14, 2010 1:16 am by கலைவேந்தன்

வாமனம்

மேசைமேலிருந்த பூந்தொட்டி
குளியலறையில் இருந்த
நீ வாங்கி வந்த நீலகுவளை
அலமாரியிலிருந்த பலவண்ண ஆடைகள்
அடுக்கி வைத்த புத்தகங்கள்
கம்பிவழி உன் குரலைக் கொண்டுவந்து சேர்க்கும்
தொலைபேசி
கைக்குள்ளிருந்து அடிக்கடி சிணுங்கி
உன் முகத்தைக் காட்டும் அலைபேசி என்று
கண்ணுக்குத் தெரிந்த நினைவுச் சின்னங்கள்
எல்லாவற்றையும் அகற்றி விட்டேன்.

கண்களிலா மூளையிலா இதயத்திலா
உடல் முழுவதிலா
உடல் பரவிய குருதியிலா
குருதியின் அணுத்திரளிலா...

தேடித் தேடிக் களைத்து விட்டேன்...

கண்ணுக்குத் தெரியாத
உன் நினைவுகள்
இருக்குமிடம் அறியாமல்....

அதனைக் கொல்ல எத்தனை முறை
நித்தம் நித்தம் யுத்தம் செய்தேன்
புத்தம் புதிதாய் பொலிவு கொண்டெழுந்தது
வெட்டிய பின்னும் ஒட்டிக் கொண்ட
இராவணன் தலைகளாய்.

மறக்கத் துடித்த ஒவ்வொரு கணமும்
மூன்றாம் அடிக்கு இடம் கேட்டு வைத்த
வாமன பதமாய் அழுத்தி மிதித்தது
இதயத் தலையை.....

தேனில் மூழ்கிய சிற்றெறும்பாக
பாகில் மூழ்கிய கட்டெறும்பாக
நித்தமும் மடிவதென
சத்தியம் செய்தேன்.

அதற்கும் எனக்குமான
போட்டியில்
உன்னைப்போலவே
வெற்றி கொள்வது உன் நினைவுகளே...

ஆதிரா

Re: வாமனம்

Post Sun Feb 14, 2010 1:18 am by கலைவேந்தன்

மேலே நான் தந்திருப்பதற்கும் உங்கள் அளிப்புக்கும் என்ன வேறுபாடு என்பதைக் கவனியுங்கள் ஆதிரா...

நான் முன்பே கூறிய படி உங்கள் எண்ணங்களில் தொய்வு இல்லை...

வார்த்தைகளில் வறட்சி இல்லை...

ஆனால் அவை பெறக்கூடிய வரிகள் தான் ஒருகவிதையை அழகுபடுத்துகின்றன...

எனக்குப் பட்டதைச் சொன்னேன்...

வாழ்த்துகள் ஆதிரா...

Re: வாமனம்

Post Sun Feb 14, 2010 1:37 am by Aathira

எப்படிஇ இ இ !!!!!!. சூப்பர். வாமனம் - Page 2 154550

.எனக்கு காபி பேஸ்ட் பண்ணும் போது அலைன்மென்ட் மாறிடுதே ஏன்னு கொஞ்சம் சொல்றீங்களா கலை .
ஆதிரா

Re: வாமனம்

Post Sun Feb 14, 2010 1:41 am by Aathira

உங்கள்அன்பார்ந்த கருத்துரைக்கு என் மனமார்ந்த நன்றி கலை வாமனம் - Page 2 154550

Re: வாமனம்

Post Sun Feb 14, 2010 1:43 am by கலைவேந்தன்

பதிவிடும் போது எடிட் பகுதியில் இருக்கும் லெஃப்ட் அலைன்மெண்ட்டை தேர்ந்தெடுங்கள் ஆதிரா...

மேலும் நேரடியாக இங்கே டைப் செய்யும் போது வரிகள் இடைவெளி சரியாக இருக்கும். வேர்ட் பேடிலோ வேர்ட் நோட் பேடிலோ டைப் செய்து இங்கே பேஸ்ட் செய்யும் போது அலைன் மெண்ட் மாறிவிடும்.

பழகிவிடும் ஆதிரா...

Re: வாமனம்

Post Sun Feb 14, 2010 1:50 am by Aathira

உங்கள் போன்றவர்களின் கருதுரைகளே எங்களை மெருகேற்றும் . நன்றி நன்றி நன்றி .