காதல் கரையான்...

srinihasan · srinihasan Fri 12 Feb 2010 - 23:34

காதல் கரையான்...

ஒருவனின் இதயசோலையில் அரும்பானவளே
நீயின்று இடம்மாறி பூத்திருக்கின்றாய்
இளமையேட்டில் காதல்கவியை வடித்தேன்
இமைபோல் அதைநீ காப்பாயென்று
உன்கரத்தில் அள்ளி கொடுத்தேன் - ஆனால்
நீயோ கரையானாக்கி விட்டாய்
அரிக்கப்பட்டது காதல் மட்டுமல்ல
இங்கு நானும்கூட சேர்ந்துதான்.

அன்று நீயென்னை பார்த்து
என்உயிரே என்உறவே என்றெல்லாம்
சொன்ன வார்த்தைகள் யாவும்
சொட்டும் தேனாக இனித்தது - இன்று
கொட்டும் தேளாக மாறிவதைக்கின்றது.
காதல் பாதையில் கடைசிவரை
என்னோடு வருவேன் என்றாயடி
எங்கோ சென்றாய் இன்றுஏனடி?

என்னோடு கல்யாண பாதையில்
காலடி எடுத்து வைக்கவுமில்லை
உன்னுதட்டில் பூத்த வார்த்தையெனும்
பூக்கள் இதற்குள் உதிருந்து
வாடி மாயமாக போகுமென்று
எள்ளளவும் எண்ணவில்லை வாழ்வில்
மணமேடை ஏறாமலே என்னோடு
மனைவியை போல் வாழ்ந்தாய்.

கனவு கற்பனையென்று அவையில்லாமல்
உண்மையென்று உயிரென இருந்தேனடி
மாற்றானுக்கு மனைவியாய் மாலைசூடி
வாழ்வதற்கு என்னோடு நீநடத்தி
பார்த்திட்ட ஒத்திகை நாடகமா?
நீசெய்திட்ட செயல்கள் யாவும் - ஏனோ
நெஞ்சில் நினைவுகளாய் ஊஞ்சலாடுகிறது
என்னுயிரும் எனைபிரியாமல் ஊசலாடுகிறது.

இவன்,
தஞ்சை.வாசன்
http://thanjai-seenu.blogspot.com/

jayakumari · jayakumari Fri 12 Feb 2010 - 23:59

மாற்றானுக்கு மனைவியாய் மாலைசூடி
வாழ்வதற்கு என்னோடு நீநடத்தி
பார்த்திட்ட ஒத்திகை நாடகமா?
நீசெய்திட்ட செயல்கள் யாவும் - ஏனோ
நெஞ்சில் நினைவுகளாய் ஊஞ்சலாடுகிறது
என்னுயிரும் எனைபிரியாமல் ஊசலாடுகிறது.

காதல் கரையான்... Icon_eek

அருமையான கவிதை உங்களின் வேதனையை காட்டுகிறது

kalaimoon70 · kalaimoon70 Sat 13 Feb 2010 - 0:07

srinihasan · srinihasan Sat 13 Feb 2010 - 0:27

அன்புள்ள ஜெயகுமாரி மற்றும் கலைமூன் அவர்களுக்கு, தங்களின் வாழ்த்துகளுக்கு என் மனமார்ந்த நன்றிகளை தெரிவிக்கின்றேன்.

இவன்,
தஞ்சை.வாசன்
http://thanjai-seenu.blogspot.com/

அப்புகுட்டி · அப்புகுட்டி Sat 13 Feb 2010 - 0:38

நிலாசகி · நிலாசகி Sat 13 Feb 2010 - 0:41

வாழ்வதற்கு என்னோடு நீநடத்தி
பார்த்திட்ட ஒத்திகை நாடகமா?
காதல் கரையான்... 440806

kalaimoon70 · kalaimoon70 Sat 13 Feb 2010 - 0:41

உங்களுடைய படைப்புகளை படித்தேன்
ரசித்தேன் ,மகிழ்தேன் ..பாராட்டுக்கள் .பவனி வர

srinihasan · srinihasan Sat 13 Feb 2010 - 3:48

கலைநிலா! தாங்கள் என் படைப்புகள் பக்கம் உலாவந்து, அந்த நிலா போல் கால்தடயம் எதுவும் வைக்காமல் வந்து சற்று வருத்தம்தான். ஆயினும் உலாவந்ததில் நானும் மிகிழ்ச்சியடைக்கின்றேன்.

மேலும் நிலாசகி மற்றும் அப்புகுட்டி அவர்களின் கருத்துகளுக்கும் என் நன்றியை பகிர்ந்துக்கொள்கிறேன்.

இவன்,
தஞ்சை.வாசன்
http://thanjai-seenu.blogspot.com