இராம நவமி வாழ்த்துக்கள் - இராமகதையில் பிடித்தது

Raja2009 · Raja2009 Wed Mar 24, 2010 8:39 am

ஈகரை அன்பர்களுக்கு
இராம நவமி வாழ்த்துக்கள்.

நடையில் நின்றுயர் நாயகன் என்று இராமனை கம்பன் குறிப்பான். தன் சொல்லுக்கும் செயலுக்கும் ஒருவன் வித்தியாசமின்றி நடப்பதை தான் இவ்வாறு கூறுகிறான். இப்போது இதனை “walk the talk” என்றும் கூறலாம்.

தனி மனிதன் எவ்வாறு இருக்க வேண்டும் என்பதற்கு சான்றாக இராமகாதையில் இருந்து இந்நன்னாளில் இரு நிகழ்ச்சிகளை குறிப்பிட விரும்புகிறேன்.

தசரதன் இராமனை அழைத்து “உனக்கு பட்டாபிஷேகம் செய்யப் போகிறேன்” என்று கூறும்
கட்டத்தில்…

தாதை யிப்பரிசுரை செயத் தாமரைக் கண்ணன்
காதலுற்றில னிகழ்ந்திலன் கடனிதென் றுணர்ந்தும்
யாது கொற்றவ னேவிய ததுசெய லன்றோ
நீதி யெற்கன நினைந்துமப் பணிதலை நின்றான்.

அதாவது, அரசனாகப் போகிறோம் என்று துள்ளி குதிக்கவும் இல்லை, அரச பாரம் வரப் போகிறதே என்று வருந்தவும் இல்லை.

இதுவாவது நல்ல செய்தியின் போது தானே என்று கூறலாம்.. மற்றுமொரு இடத்தைப் பார்ப்போம்.

கைகேயி இராமனை நோக்கி “ உனக்கு அரசமுடி கிடையாது, 14 வருடங்கள் வனத்துக்கு செல்ல வேண்டும்” என்று சொல்லும் போது..

இப்பொழு தெம்ம னோரா லியம்புதற் கெளிதோ யாரும்
செப்பருங் குணத்தி ராமன் றிருமுகச் செவ்வி நோக்கின்
ஒப்பதே முன்பு பின்பவ் வாசக முணரக் கேட்ட
அப்பொழு தலர்ந்த செந்தா மரையினை வென்ற தம்மா.

தனக்கு பாதகமான செய்தியை கேட்ட பின்னும், அவன் முகம் “அப்போது தான் அலர்ந்த தாமரை” போன்று இருந்தது என்கிறான்.

இப்படி, சுகத்தையும் துக்கத்தையும் சமமாக பாவிக்கும் தன்மை இன்றும் பயனுள்ளது தானே.

ராஜா

selvibabu · selvibabu Wed Mar 24, 2010 8:57 am

உங்களுக்கும் வாழ்த்துக்கள்.
இன்று எனக்கு ஒரு விசேட நாள்.
ராமநவமி வெகு சிறப்பாக கொண்டடபோகிறேன்.

இராம நவமி வாழ்த்துக்கள் - இராமகதையில் பிடித்தது

இராம நவமி வாழ்த்துக்கள் - இராமகதையில் பிடித்தது

Re: இராம நவமி வாழ்த்துக்கள் - இராமகதையில் பிடித்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக