சிறுநீர் வழித்தொற்று - ( Urinary tract infection)

105 நுண்ணங்கிகள் ஒரு மில்லிலிற்றர் சிறுநீரில் காணப்படுமாயின் அந் நிலமை சிறுநீர் வழித்தொற்று எனப்படும். 3% பெண்களிலும் 1 % ஆன ஆண்களிலும் இந்நிலமை காணப்படும். 5-10 % ஆனவர்களில் நோயறிகுறிகள் எதையும் வெளிப்படுத்துவதில்லை.ஆனால் இவர்களது சிறுநீரகத்தில் SCAR ஏற்படும். சரியான முறையில் சிகீச்சையளிக்காவிட்டால் சிறுநீரக செயலிழப்பு,உயர் குருதியமுக்கம் போன்றன ஏற்படலாம்.


பக்ரிரியா சிறுநீர் வழியினால் மேல் நோக்கிச் செல்வதனால் ஏற்படுகிறது.பக்ரீரியாகள் பொதுவாக பெருங்குடலில் வாழ்கிறது.இவை மலம் முலம் வெளியேறி சிறுநீர் வழி முலமாக செல்லலாம்.



சிறுவர்களிலும் பொதுவாக காணப்படும் இந்நிலமையின் நோயறிகுறிகளானது வயதிற்கேற்றாற் போல் வேறுபடும்.


0-2 வயது - வளர்ச்சிக் குறைவு,வாந்தி,வயிற்றோட்டம்,காய்ச்சல், பசியின்மை

2-5 வயது - காய்ச்சல்,வலிப்பு,சிறுநீர் வெளியேற்றம் அதிகரித்தல், சிறுநீர் கழிக்கும் போது வலி, வயிற்று வலி, சிறுநீருடன் இரத்தம் வெளியேறல்

5-12 வயது - வலிப்பு,காய்சல், வயிற்று நோ, சிறுநீர் வெளியேற்றம் அதிகரித்தல், சிறுநீர் கழிக்கும் போது நோ.

சிறுநீர் வெளியேற்ற பாதையில் அடைப்பின் (சிறுநீர் கல்) காரணமாக சிறுநீர் தேங்குதல், சிறுநீர் சிறுநீர்பையிலிருந்து சிறுநீர் குழாய்களுக்குள் செல்லுதல் (VU reflex) ,சிறுநீர்ப்பை அழற்சி, சிறுநீர் வழியில் காயம், நிர்பீடன குறைவு என்பன சிறுநீர் வழி தொற்று ஏற்பட வழிவகுக்கிறது.


சிறுநீர் முழு பரிசோதனை (Urine full report), சிறுநீர் வளர்ப்பு (Urine culture) போன்ற பரிசோதனைகள் மூலம் உறுதிப்படுத்தப்பட்டு சரியான முறையில் நுண்ணுயிர்க் கொல்லிகள் பயன்படுத்தப்படும்.வயிற்றுப்பகுதி எக்றே, அல்ற்றா சவுண்ட் ஸ்கான், IVU, MCUG, DMSA போன்ற பரிசோதனைகளும் செய்யப்படும்.


சிறுநீர் வழி அடைப்பை சிர்செய்தல், சிறுநீர் கல்லை அகற்றல் போன்றவற்றாலும் குணப்படுத்தப்படுகிறது.


போதுமான அளவு நீரை உட்கொள்ளல், மலச்சிக்கலை தவிர்த்தல், குறைந்தளவு நுண்ணுயிர் கொல்லிகளை பாவித்தல் போன்றவற்றால் மீண்டும் மீண்டும் இந்நிலை ஏற்படாது தடுக்கலாம்.