காதல்

jeyabharathy · jeyabharathy Sat Feb 13, 2010 1:17 pm

என் காதல் தேவதை

பொய் கோபத்திலும் முகம் தூக்கிக் கொள்ளாதே ..

அழகுதான் எனினும் இயற்கைக்கு விரோதம் ..

எங்கேனும் மொட்டாகுமா மலர் ...

கண் இமைக்க மறுக்கிறது நீ என் முன் நிற்கும்போதெல்லாம் ..

என்ன பாவம் செய்து பிறப்பெடுத்ததோ உன் பார்வைப்படும் கொடுப்பினையற்ற என் மேலிமை ..

"எந்நேரமும் உன் நினைவைத்தாங்கி",

கனவென்பது இல்லையெனில் தூக்கம் என் முதல் துரோகி ...

அம்மன் முன் நிற்கிறாய் நீ தரிசிக்க..

குழம்பிய அர்ச்சகர் திரும்பி கேட்கிறார் அம்மனை ...

"யார் பேருக்கு அர்ச்சனை "

"என்னையே சுத்திகரித்து விட்டாள்" ..

சரி தான்..

இதயம் தவிர்த்து வேரெந்த சின்னம் மிகப்பொருத்தம் ..

நீ என்னை வெறுப்பதையும் ரசிக்குமளவுக்கு பக்குவப்பட்டு விட்டேன்.

இல்லை இல்லை காதலிக்க பழகிவிட்டேன் ..

இனி நான் சாகும் வரை இவ்வுலகில் எனக்கு மிகப் பிடித்தவளாய் நீ இருப்பாய் ...

"வழக்கத்துக்கு மாறாய் வானம் மேக மூட்டத்துடன் " -வானிலை அறிவிப்பு ..

இப்போதாவது கேள் ..

தலை பிண்ணி வெளியே செல்..

உரக்கப் பேசாதே .

ஊருறங்கி விடும் ..

தாலாட்டினால் தூங்குவது ஊர் வழக்கம்..

"எதுவும் சாத்தியம் .. நீ என்னருகில் என்றால் ".

அதனால் தானென்னவோ உன்னை மறக்கவும் தேடுகிறதுன்னை என் மனம் ..

நிலாசகி · நிலாசகி Sat Feb 13, 2010 1:19 pm

முதல் கவிதையே அமக்களமா இருக்கு

காதல் 154550

செந்தில் · செந்தில் Sat Feb 13, 2010 1:20 pm

அருமை ஜெய பாரதி வாழ்த்துக்கள்

தங்களை அறிமுகம் படுத்திக் கொள்ளுங்களேன்

anbutannaan · anbutannaan Sat Feb 13, 2010 1:32 pm

உரக்கப் பேசாதே .
ஊருறங்கி விடும் ..
தாலாட்டினால் தூங்குவது ஊர் வழக்கம்
அடடா என்ன கற்பனை
காதலிக்க ஆரம்பித்துவிட்டால் காதலியின்
கத்தல் கூட தாலாட்டாக கேட்கிறதாம்
கவிஞன்
வாழ்த்துக்கள் காதல் 154550