என் தஞ்சையும் காதலியும்...

by srinihasan Fri Feb 12, 2010 6:58 am

நஞ்சையும் புஞ்சையும் கொஞ்சி
விளையாடிடும் பசுமை தரணிபோல!
புன்னகையும் பொன்நகையும் கூடி
மின்னும் மங்கையைடி நீயெனக்கு.

பல்வேறு பூக்களின் கோர்வைசரமாய்
ஊரை மயக்கிடும் கதம்பம்போல!
உடல்பாகங்களின் தொகுப்பின் செறிவில்
வியக்க வைக்கும் அழகொனக்கு.

என் தஞ்சையும் காதலியும்... Tanjore+Paintings

வர்ணங்களும் கற்களும் கலந்து
நெஞ்சை இழுக்கும் ஒவியம்போல!
தினம் நீயுடுத்தும் ஆடையினால்
நிறங்களும் காட்டிடுமே மேனியழகு.

உடைந்த வண்ணகண்ணாடி துண்டுகளால்
கண்ணை பறிக்கும் தட்டைபோல!
நெற்றியில் வண்ணவடிவ பொட்டும்
கண்ணின் கருமையும் ஈர்க்கும் முகமடி.

என் தஞ்சையும் காதலியும்... Tanjore+Dance

என்றும்கேட்டாலும் பார்த்தாலும் அழுக்காத
மேளகச்சேரியும் நாட்டுபுற கலைகளைபோல!
வைத்தகண்ணும் வாங்காமல் பார்க்கும்
கேட்கும் உந்தன்வரவும் குரலும்.

என் தஞ்சையும் காதலியும்... Tanjore+Temple

பெரியகோவில் கோபுர உயரம்போல!
என்மனதில் உதித்திடும் எண்ணங்கள்
தலையாட்டி பொம்மைபோல! - உன்நினைவால்
என்றும் ஆடும் எந்தன்இதயம்.

காதலென்று வந்தாலே எத்தனையோ ரகசியம்
அதனை கூறுவதற்கு இடம் பஞ்சம்....
தஞ்சையென்று சொன்னாலே எவ்வளவோ விசயம்
நான் சொல்லியது இங்கே கொஞ்சம்...

by **சிவா** Fri Feb 12, 2010 7:06 am

வாங்க ஸ்ரீனிஹாசன், முதல் பதிவே அருமையான கவிதை படைத்துள்ளீர்கள்!!!
வாழ்த்துக்கள்!!!

by srinihasan Fri Feb 12, 2010 7:41 am

அன்புள்ள சிவா அவர்களுக்கு,

தங்களின் வரவேற்பிற்கும் மற்றும் வாழ்த்துகளுக்கும் என் மனமார்ந்த நன்றியை தெரிவித்துக்கொள்கிறேன்.

இவன்,
தஞ்சை.வாசன்
http://thanjai-seenu.blogspot.com/

by kirupairajah Fri Feb 12, 2010 9:52 am

அருமையான பல விடயங்களை உங்கள் கவிதைக்கு உவமயமாக்கியுள்ளீர்கள், சிறப்பாக இருக்கிறது பாராட்டுக்கள்

by பாலாஜி Fri Feb 12, 2010 11:25 am

வாங்க ஸ்ரீனிஹாசன், முதல் பதிவே அருமையான கவிதை படைத்துள்ளீர்கள்!!!
வாழ்த்துக்கள்!!!
மகிழ்ச்சி

by அப்புகுட்டி Fri Feb 12, 2010 11:31 am

by srinihasan Fri Feb 12, 2010 10:01 pm

என்னை மேலும் வரவேற்று வாழ்த்து கூறி உற்சாகபடுத்தும் அனைத்து அன்பு நெஞ்சங்கள்
பாலாஜி, அப்புகுட்டி, கிருபைராஜா அவர்களுக்கும் என் மனமார்ந்த நன்றிகள்.

இவன்,
தஞ்சை.வாசன்
http://thanjai-seenu.blogspot.com/

by நிலாசகி Fri Feb 12, 2010 10:16 pm

by kalaimoon70 Fri Feb 12, 2010 10:58 pm

பெரியகோவில் கோபுர உயரம்போல!
என்மனதில் உதித்திடும் எண்ணங்கள்
தலையாட்டி பொம்மைபோல! - உன்நினைவால்
என்றும் ஆடும் எந்தன்இதயம்.

வாழ்த்துக்கள்.தஞ்சை லிருந்து வந்திருக்கும் நஞ்சையே ,
பசுமைக்கண்டு பாடு ..

by srinihasan Fri Feb 12, 2010 11:02 pm

அன்பு உள்ளங்கள் கலைமூன் மற்றும் நிலாசகிக்கு என் மனமார்ந்த நன்றிகள். மேலும் உங்கள் ஆதரவை என்றும் நோக்கி...

இவன்,
தஞ்சை.வாசன்
[url=http://thanjai-seenu.blogspot.com/]http://thanjai-seenu.blogspot.com/[/url]