இந்தியர்களுக்கு எச்சரிக்கை-அமெரிக்கா,ஐரோப்பா செல்ல வேண்டாம்

**Tamilzhan** · **Tamilzhan** Tue 28 Apr 2009 - 19:31

பன்றிக்காய்ச்சல் எதிரொலி: அமெரிக்கா, ஐரோப்பா செல்ல வேண்டாம்: இந்தியர்களுக்கு எச்சரிக்கை

மெக்சிகோ நாட்டில் தலைகாட்டிய பன்றிக் காய்ச்சல் தற்போது அமெரிக்கா, கனடா, ஐரோப்பா நாடுகளுக்கும் பரவியதை தொடர்ந்து இந்த நாடுகளுக்கு செல்ல வேண்டாம் என இந்திய குடிமகன்களுக்கு டெல்லி எச்சரிக்கை விடுத்துள்ளது.

பன்றிக் காய்ச்சல் எனப்படும் 'சுவைன் ப்ளூ' வைரஸ் காய்ச்சல் பன்றிகள் மூலமாக மனிதர்களுக்கு பரவி வருகிறது. ஜூரம் மற்றும் தொண்டை வலி என சாதாரண சளித்தொல்லை போல் தோன்றும் இந்த நோய்க்கு தடுப்பு மருந்து கிடையாது. ஆனால் சரியான நேரத்தில் சிகிச்சை அளித்தால் உயிரை காப்பாற்றி விடலாம். ஆனால் சாதாரண சளிக்காய்ச்சல் போல் ஆரம்பத்தில் இருப்பதால் நோயாளிகள் அலட்சியமாக இருந்துவிட வாய்ப்பிருக்கிறது.

இதுவே அவர்களுக்கு எமனாகவும் அமைந்து விடுகிறது. இந்து நோய் மெக்சிகோ நாட்டில் கடந்த 2ம் தேதி முதன் முதலாக வெராகுருஸ் நகரில் தலைகாட்டியது. கடந்த 25 நாட்களில் மளமளவென்று 32 மாவட்டங்களில் பரவியது. இது வரை 2 ஆயிரம் பேர் இந்த நோயால் பாதிக்கப்பட்டனர். இதில் 150 மரணமடைந்துள்ளனர்.

மெக்சிகோ நாட்டில் தோன்றிய இந்த ஆட்கொல்லி நோய் அண்டை நாடான அமெரிக்காவுக்கும் அங்கிருந்து கனடா, பிரான்ஸ் மற்றும் நியூசிலாந்து வரை பரவியுள்ளது. இந்த நாடுகளிலிருந்து தினந்தோறும் ஆயிரக்கணக்கானவர்கள் இந்தியா வருகிறார்கள் என்பதால் இவர்கள் வழியாக பன்றிக்காய்ச்சல் இந்தியாவுக்கு பரவும் அபாயம் உள்ளது.

இதனால் இந்த நாடுகளிலிருந்து இந்தியாவுக்கு வரும் பயணிகளை விமானநிலையத்தில் வைத்து பரிசோதனை செய்ய மத்திய சுகாதார அமைச்சகம் உத்தரவிடப்பட்டுள்ளது. டெல்லி மற்றும் மும்பை விமான நிலையங்களில் இதற்காக மருத்துவர்கள் குழு அமைக்கப்பட்டுள்ளது. நேற்று முதல் இந்தக்குழு தனது பணியை தொடங்கியது.

கொல்கத்தா, சென்னை, பெங்களுர், ஐதராபாத், கொச்சி, ஜெய்ப்பூர் மற்றும் கோவா விமானநிலையங்களிலும் வெளிநாட்டு பயணிகளிடம் பரிசோதனை நடத்த உத்தரவிடப்பட்டுள்ளது. மெக்சிகோ நாட்டிலிருந்து கடந்த 10 நாட்களில் இந்தியா வந்துள்ள பயணிகளை அடையாளம் கண்டு அவர்களுக்கு பன்றிக்காய்ச்சல் நோய் அறிகுறி இருக்கிறதா என ஆராயவும் சுகாதார அமைச்சம் உத்தரவிட்டுள்ளது.

இதற்கிடையில் பன்றிக்காய்ச்சல் பரவி வரும் அமெரிக்கா, கனடா மற்றும் ஐரோப்பா நாடுகளுக்கு தேவையில்லாமல் செல்ல வேண்டாம் என்ற எச்சரிக்கையையும் மத்திய அரசு விடுத்துள்ளது.

இந்தியர்களுக்கு எச்சரிக்கை-அமெரிக்கா,ஐரோப்பா செல்ல வேண்டாம்

இந்தியர்களுக்கு எச்சரிக்கை-அமெரிக்கா,ஐரோப்பா செல்ல வேண்டாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக